Hélt heim í jarðaför

Oswaldo Sanchez, markvörður Mexíkó, yfirgaf í gær æfingabúðir Mexíkómanna og hélt heim til Mexíkó til þess að vera viðstaddur jarðarför föður síns.

Faðir Sanchez fékk hjartaáfall á miðvikudaginn og lést, en öll fjölskylda Sanchez var þá að undirbúa brottför til Þýskalands til þess að vera viðstödd fyrsta leik Mexíkó á HM sem að fer fram á Sunnudaginn.

Óvissa ríkir um það hvort að Oswaldo Sanchez verði með á HM, en þessi snjalli markvörður hefur verið aðalmarkvörður Mexíkómanna. Fari svo að hann verði ekki með þá eiga Mexíkó menn 2 reynslulitla markverði í hópnum. Jesus Corona, sem að leikur hjá Tecos í Mexíkó, hefur aðeins spilað 6 landsleiki og Guillermo Ochoa er aðeins 20 ára og hefur aðeins leikið einn hálfleik fyrir Mexíkó.