Lést í snjóflóði

Vélsleðamaðurinn sem lenti í snjóflóði í Hoffellsdal, fyrir ofan Fáskrúðsfjörð í kvöld, er látinn. Hann var á þrítugsaldri en ekki er hægt að greina frá nafni hans að svo stöddu.

Maðurinn var á ferð ásamt félaga sínum þegar snjóflóð féll á hann. Félagi hans slapp við snjóflóðið og gat kallað á aðstoð björgunarsveita. Um 85 björgunarsveitarmenn tóku þátt í leitinni. Um áttatíu til viðbótar voru að leggja af stað þegar maðurinn fannst nítján mínútur yfir átta í gærkvöldi. Björgunarsveitarmenn reyndu að lífga manninn við en þær tilraunir báru ekki árangur.