Samningsdrög á borðinu

Íranar og Rússar hafa gert grundvallarsamkomulagi um samvinnu ríkjanna um auðgun úrans. Rússar hafa boðist til að taka að sér auðgun úrans fyrir Írana. Óvíst er hvenær næst verður fundað í málinu.

Fulltrúar Rússa og Írana funduðu í Íran í dag.

Deilt hefur verið um kjarnorkuáætlun Írana og hafa vesturveldin haldið því fram að stjórnvöld í Teheran ætli sér að framleiða kjarnavopn. Því neita Íranar og segjast ætla að nota tæknina í friðsamlegum tilgangi, þ.e. til orkuframleiðslu.

Rússar buðust því til að taka að sér auðgun úrans fyrir Írana til að reyna að draga úr deilunni. Tilboð Rússa hefur síðan verið til umræðu hjá stjórnvöldum í Teheran og hjá fulltrúum ríkjanna.

Íranar hafa tekið vel í tilboð Rússa en vilja þó sjá um úranauðgun sjálfir en hún hófst á ný fyrr í mánuðinum.

Þann 6. mars næstkomandi mun Alþjóða kjarnorkumálastofnunin gera Öryggisráði Sameinuðu þjóðanna grein fyrir stöðu mála í kjarnorkudeilu vesturveldanna við Írana. Ákvörðun um mögulegar aðgerðir ráðsins verða teknar í kjölfarið.