Kahn hættur með landsliðinu

Oliver Kahn, markvörður Þýskalandsliðins sem setið hefur nær alla HM-keppnina á bekknum er hættur með landsliðinu og var leikurinn um þriðja sætið hans síðasti leikur. Þessi frábæri markvörður átti góðan leik gegn Portúgölum.

"Þetta var minn síðasti landsleikur. Þetta var yndislegt og maður verður líka að vita hvenær tími manns er kominn. Ég ætlaði mér alltaf að hætta á stund eins og þessari."

Kahn fékk Gullboltann eftir síðustu HM í Asíu og hann lék alls 86 leiki fyrir Þýskaland og var í landsliðshóp þeirra á HM 1994 í Bandaríkjunum. Hann var aðalmarkvörður landsins árið 2000 en missti svo stöðuna fyrir HM í Þýskalandi til Jens Lehmann sem stóð sig með stakri prýði. Það verður eftirsjá af þessum skemmtilega markverði í alþjóðaboltanum það er á hreinu.