Vilja draga Íran fyrir öryggisráðið

Utanríkisráðherrar Bretlands, Frakklands og Þýskalands vilja að öryggisráð Sameinuðu þjóðanna fjalli um kjarnorkuáætlun Írana. Þeir komu saman til fundar í Þýskalandi í dag og fóru yfir stöðu mála.

Ráðherrarnir sögðu sannað og skjalfest að Íranar hefðu beitt blekkingum og hefðu engan áhuga á bættum samskiptum við alþjóðasamfélagið. Því væri réttast að vísa kjarnorkuáætlun Írana til öryggisráðs Sameinuðu þjóðanna, Javier Solana, utanríkismálastjóri Evrópusambandsins sagði þó ekki útilokað að nýjar viðræður hæfust við írönsk stjórnvöld.