Höldum með Arsenal á morgun

Sir Alex Ferguson var mjög ánægður með frammistöðu sinna manna í grannaslagnum í Manchester í dag. United hafði sigur 3-1 og segir Ferguson liðið eiga að hafa reynslu til að verja forskot sitt á Chelsea áfram, en það er orðið 9 stig. Chelsea mætir Arsenal á morgun.

"Liðið er að spila mjög vel um þessar mundir og ég held að leikmenn Chelsea geri sér fyrir því. Það er enn langt í land í deildinni en lið okkar hefur alla burði til að vera með í baráttunni um titilinn, því við höfum bæði reynslu af því að verja forskot á toppnum og að sækja að efsta liðinu. Það var gott að spila á undan Chelsea því nú getum við sest í sófann og horft á þá spila við Arsenal á morgun og þar munum við vonast eftir því að Arsenal hafi betur," sagði Ferguson.