Launamunur í Kennaraháskólanum

Samkvæmt nýrri skýrslu Félagsvísindastofnunnar Háskóla Íslands um samanburð á launum karla og kvenna sem kenna við Kennaraháskóla Íslands þá hallar þar óvenju lítið á konur. Meðallaun karla eru rétt um 407 þúsund krónur á mánuði á meðan laun kvenna eru að meðaltali 349 þúsund krónur á mánuði eða 86% af launum karlanna. Þessi munur skýrist af einhverju leiti af því að karlar eru fleiri í prófessors- og dósentastöðum. Kvenaðjúktar 239 þúsund á mánuði á meðan karlaðjúnktar fá 292 þúsund, þar eru konur með einungis 82% af launum karla. Ef tekið er tillit til allra breytiþátta, svosem eins og aldurs, menntunar, vinnuálags og rannsóknarálags þá eru konur með 4% lægri laun en karlar og er það óvenju lítill óútskýrður munur miðað við það sem gengur og gerist á vinnumarkaði. Ólöf Thorarensen starfsmannastjóri KHÍ segist nokkuð ánægð með niðurstöðurnar þó auðvitað sé æskilegt að munurinn sé enginn.