Jimenez leiðir í Dubai

Spænski kylfingurinn Miguel Angel Jimenez hefur eins höggs forystu á Ernie Els frá Suður-Afríku þegar þrír hringir hafa verið leiknir á "Eyðimerkurmótinu" svokallaða í Dubai, Sameinuðu arabísku furstadæmunum. Jimenez lék þriðja hringinn á 68 höggum og er á 200 höggum samtals. Els byrjaði hringinn í dag mjög illa og fékk tvöfaldan skolla á fyrstu holunni þar sem hann þurfti fjögur pútt til að koma boltanum ofan í holuna. Els reif sig þó upp og endaði á 67 höggum, 5 undir pari. Skotinn Colin Montgomerie er í þriðja sæti, tveimur höggum á eftir Els.