Norðurlöndin standa saman að framleiðslu bóluefnis

Heilbrigðisráðherrar Norðurlanda náðu sátt um það rétt fyrir hádegi að Norðurlöndin muni standa saman að framleiðslu bóluefnis gegn fuglaflensu. Um tvær leiðir er að ræða en það á eftir að ákveða hvor leiðin verður farin: annars vegar er um að ræða samning við einkaaðila með opinberri þátttöku, en hins vegar að danska sóttvarnarstofnunin hefði yfirumsjón með verkefninu. Jón Kristjánsson heilbrigðisráðherra sagði í samtali við NFS að hann hafi orðið fyrir vonbrigðum með að ekki skuli hafa verið gengið frá málinu á fundinum.