Naumur sigur Clark á Nýja Sjálandi

Helen Clark, fráfarandi forsætisráðherra Nýja Sjálands, hóf í gær viðræður við fulltrúa smáflokka um myndun nýs stjórnarmeirihluta sem gæti gert henni kleift að stjórna landinu þriðja kjörtímabilið í röð. Í þingkosningunum sem fram fóru í landinu um helgina hélt Verkamannaflokkur Clark naumlega forskoti á aðalkeppinauturinn, Þjóðarflokkinn. Flokkur Clark fékk 50 en Þjóðarflokkurinn 49 af alls 122 sætum þjóðþingsins. Don Brash, leiðtogi Þjóðarflokksins, neitaði reyndar að játa sig sigraðan að svo komnu máli; hann vildi bíða eftir að endanleg úrslit væru ljós eftir að talningu utankjörfundaratkvæða væri lokið 1. október.