Til Taílands án áritunar

Horfið hefur verið til þess fyrirkomulags sem ríkti fyrir nokkrum árum að Íslendingar þurfa ekki vegabréfsáritun til Taílands. Ólafur Egilsson sendiherra segir að í júlílok hafi verið gengið frá samkomulagi um þetta við Taíland, en afgreiðsla málsins hafði tafist vegna jarðskjálftanna og flóðanna annan í jólum. Hann segir það hafa valdið nokkrum óþægindum þegar áritunarskyldu var komið á því fyrir kom að Íslendingar sem ekki höfðu heyrt af breytingunni voru gerðir afturreka frá landinu. Nú þarf fólk ekki vegabréfsáritun ef dvölin er skemmri en 30 dagar.