Samfylkingin fram með opinn faðm

Tillaga um að Samfylkingin hefji nú þegar undirbúning að framboði fyrir næstu borgarstjórnarkosningar undir eigin merkjum en með opinn faðm verður borin undir fulltrúaráðsfund flokksins í kvöld. Stefán Jón Hafstein borgarfulltrúi segir það betri kost heldur en að búa til nýtt kosningabandalag undir merkjum R-listans. Fulltrúaráð Samfylkingarinnar í Reykjavík kemur saman í kvöld til að ræða stöðuna í Reykjavíkurlistasamstarfinu. Líklegt þykir að fundurinn afgreiði tillögu um að bjóða fram í eigin nafni, en Stefán Jón er meðal þeirra sem það vilja. Hann segir að nú stefni í að bjóða fram undir eigin merkjum með opinn faðminn til allra þeirra sem stutt hafa Reykjavíkurlistann hingað til. Hann sagði alls óljóst hvað veturinn ber í skauti sínu væri annað mál en hann sagðist ekki vilja útiloka neitt í samstarfsmálum. Eftir að félagsfundur Vinstri grænna samþykkti framboð undir eigin merkjum í fyrrrakvöld hefur sú hugmynd verið viðruð að hinir aðilar R-lista samstarfsins haldi ótrauðir áfram og fái jafnvel Frjálslynda flokkinn og óháða sem og hluta vinstri grænna með í nýjan R-lista. Stefan Jón sagði að það væri miklm meira umhendis að búa til nýtt kosningabandalag heldur en þetta sem nú er að liðast í sundur, þar sem komin var hefð og reynsla fyrir því. Að ætla núna af stað með nýtt bandalag kosti meiri vinnu en að setjast niður í sjónvarpssal. Hann reiknar með að Samfylkingin fari að undirbúa sig fyrir kosningar. Hann benti á að heilir níu mánuðir væru til kosninga og að tíminn væri því nægur.