Hefur skömm á stjórnarþingmönnum

"Þetta er algjör leikaraskapur og ég hef sífellt meiri og meiri skömm á því hvernig stjórnarþingmenn geta komið fram við fólkið á landsbyggðinni," segir Sigurjón Þórðarson þingmaður Frjálslindaflokksins aðspurður um viðbrögð stjórnarþingmanna við ástandinu á Bíldudal. Sigurjón var einn þeirra þingmanna sem sat fund með fulltrúum Atvinnuþróunarfélags Vestfjarða og bæjarstjórnarmönnum Vesturbyggðar fyrir skemmstu þar sem rætt var um atvinnuástnd á Bíldudal eftir að útgerðarfyrirtækið Bílddælingur lagði niður starfsemi sína. Á þeim fundi var ákveðið að Atvinnuþróunarfélag Vestfjarða færi yfir rekstur Bílddælings og í framhaldi af því yrði brugðist við. Sigurjón segir þetta ljótan leik sem framlengi aðeins þjáningu þeirra sem gjalda fyrir ástandið. "Það þarf ekkert allt að hvíla á því hvað kemur fram í þessum gögnum. Og ef það er trú stjórnarþingmanna að það sé engin leið að halda úti útgerð frá Bíldudal þá ættu þeir að taka á því strax og láta þá fólkið hafa aðra atvinnu í staðin fyrir þá sem gerðu að söluvöru og seldu frá þeim. Nú ef þeir trúa því að einhver úrræði séu til ættu þeir að hefjast handa strax," segir Sigurjón.