Þriðja umferð kosninga í Líbanon

Þriðji hluti þingkosninga í Líbanon fer fram í dag en kosið er í mið- og austurhluta landsins. Úrslit í þessari umferð gætu ráðið miklu um stjórnarmyndun í landinu þar sem barist er um tæplega helming af 128 sætum á líbanska þinginu. Talið er að baráttan standi aðallega á milli kristinna og drúsa, en báðar fylkingar eru andsnúnar afskiptum Sýrlendinga af stjórnmálum í landinu. Kosningarnar í Líbanon eru haldnar í kjölfar þess að sýrlenskir hermenn fóru frá landinu í apríl eftir 30 ára hersetu, en Sýrlandsstjórn hafði verið sökuð um að standa á bak við morðið á Rafiq Hariri, fyrrverandi forsætisráðherra Líbanons og andstæðings Sýrlendinga. Í fyrstu umferð þingkosninganna hafði sonur Hariris sigur en í annarri umferðinni unnu sameinaðir listar Hiszbollah og Amal, en þeir eru hallir undir Sýrlendinga. Fjórða og síðast umferð kosninganna fer fram um næstu helgi.