Taka aftur upp dauðarefsingar

Palestínumenn hafa tekið upp dauðarefsingar aftur en þeim hefur ekki verið beitt frá árinu 2002. Fjórir menn, sem dæmdir höfðu verið fyrir morð á Gasaströndinni, voru í dag teknir af lífi, þrír þeirra voru hengdir en einni leiddur fyrir aftökusveit. Palestínsk yfirvöld segja aftökurnar hluta af nýrri stefnu stjórnvalda sem reyni að koma í veg fyrir upplausn á sjálfsstæðurnarsvæðum Palestínumanna. Mannréttindasamtök höfðu lýst yfir áhyggjum af endurupptöku dauðarefsingarinnar en Mahmoud Abbas, leiðtogi Palestínu, sem heimilaði aftökurnar, lýsti því yfir í febrúar að til stæði að taka aftur upp þessa refsingu. Þar til í dag höfðu níu verið teknir af lífi í Palestínu frá árinu 1994 en Jassir Arafat, fyrrverandi leiðtogi landsins, bannaði þær árið 2002 í kjölfar gagnrýni á alþjóðavettvangi.