Fjölskylda finnst látin í Moskvu

Lögreglan í Moskvu fann lík fjögurra manna fjölskyldu í íbúð í fjölbýlishúsi þegar hún réðist þar til inngöngu eftir kvartanir frá nágrönnum um að þau hefðu ekki greitt hita- og rafmagnsreikninga í tvö ár. Það undarlega er þó að fólkið hafði allt látist á mismunandi tíma. Afinn, fæddur 1912, dó fyrir um áratug, fimm árum síðar lést kona hans, amman, sem fædd var 1914. Dóttir þeirra, sem fædd var árið 1942, og dótturdóttir, sem fædd var 1971, létust einnig með nokkru millibili. Lögreglan fann aðeins beinagrindur kynslóðanna þriggja en rannsóknir á þeim leiddu þetta í ljós. Nágrannarnir sögðu þau hafa tilheyrt sértrúarhópi.