Gáfu báta til hamfarasvæðanna

Rótarýklúbburinn Reykjavík-Austurbær hefur gefið fjóra báta ásamt veiðarfærum til fiskimannafjölskyldna í Andra Pradesh héraði á Indlandi. Á þeim slóðum misstu þúsundir aleigu sína í flóðbylgjunni sem reið yfir Indlandshaf  annan dag jóla. Gjöfin er hluti af samstarfsverkefni rótarýhreyfingarinnar í Andra Pradesh og 65 rótarýklúbba í tíu löndum. Alls voru gefnir 180 bátar og veiðarfæri og er verkefnið liður í uppbyggingu á svæðinu. Á þessum slóðum eru fiskveiðar megin atvinnugrein íbúanna og með hverjum báti geta tvær fjölskyldur séð sér farborða.