Kolmunnaafli yfir 100 þúsund tonn

Kolmunnaafli íslenskra skipa á vertíðinni fór yfir hundrað þúsund tonnin í fyrradag þegar Hólmaborg SU landaði tæpum tvö þúsund tonnum á Eskifirði. Íslensku skipin hafa nú veitt 103 þúsund tonn af þeim 345 þúsund tonnum sem þeim er heimilt að veiða. Að auki hafa erlend skip landað 82 þúsund tonnum hérlendis og því hafa samanlagt borist 185 þúsund tonn af kolmunna á land. Mest hefur borist á land hjá Síldarvinnslunni á Seyðisfirði, 33 þúsund tonn, og næstmest hjá Eskju á Eskifirði, 30 þúsund tonn.