Ralf Schumacher vongóður um stig

Ralf Schumacher býst við að nýja lið hans, Toyota, muni fara með einhver stig heim af fyrstu keppni Formúlu 1 kappakstursins sem fram fer í Melbourne í Ástralíu um helgina. Miklar væntingar eru gerðar til Toyota-liðsins sem, auk Schumacher, gerði samning við Jarno Trulli fyrir tímabilið í ár og er eitt dýrasta liðið í Formúlunni í dag. "Við verðum að stefna að stigunum sem eru í boði," sagði Schumacher. Samkvæmt Mike Gascoyne, framkvæmdastjóra tæknisviðs Toyota, verður nýji bíllinn mun öflugri en á síðasta ári. "Hann býr yfir meiri sprengikrafti og ég held að það muni duga til að fleyta Toyota í toppslaginn í ár," sagði Gascoyne.