Tekur framhaldsskólann á 2 árum 5. janúar 2005 00:01 "Það er frekar erfitt að vakna snemma svona fyrst eftir jólafríið," segir Þykkvabæingurinn Ragnhildur Sigurbjartsdóttir, sem þó var mætt galvösk í skólann í gærmorgun. Enda dugar ekkert slór þar sem skólinn heitir Hraðbraut og hóf göngu sína í ágúst 2003. Ragnhildur var með frá upphafi og verður því meðal fyrstu stúdentanna sem útskrifast þaðan eftir tveggja ára nám ef allt fer eftir áætlun. Henni finnst þetta ekki mikið mál og kveðst alveg eiga líf fyrir utan skólann. "Maður verður bara að skipuleggja sig vel," segir hún og útskýrir fyrirkomulagið í skólanum. "Hér er sambland af bekkjar- og áfangakerfi og kennt á náttúrufræði- og málabraut. Skóladagurinn er frá 8.30-16.15 alla daga og við eigum ekki að þurfa að læra heima nema við séum með ritgerðir eða önnur stærri verkefni. Kennslan er þrjá daga vikunnar en hina tvo situr fólk yfir okkur þar sem við erum að læra. Við tökum þrjú fög fyrir í einu, lærum þau í fjórar vikur og í fimmtu vikunni eru lokapróf í þeim. Í sjöttu vikunni eru upptökupróf fyrir þá sem falla en hinir eru í fríi." Allt hljómar þetta vel en hvað liggur á og hvað kostar pakkinn? "Þetta eru algengar spurningar," segir Ragnhildur rólega og svarar þeim svo frá sínum bæjardyrum. "Mér finnst bara fínt að klára þetta á tveimur árum fyrst það er hægt. Sumir spyrja hvernig ég tími að missa af tveimur skemmtilegum skólaárum en ég lít ekki svo á að ég sé að missa af neinu og þó svo að 190 þúsund fari í skólagjöld á ári fyrir utan skólabækur þá er það fljótt að vinnast upp ef maður kemst tveimur árum fyrr í háskóla eða út á vinnumarkaðinn. Auk þess kostar alltaf mikið fyrir fólk utan af landi að vera í framhaldsskóla." En hver skyldi svo stefnan vera að stúdentsprófi loknu hjá þessari einörðu skólastúlku? "Ég ætla að fá mér vinnu næsta haust og taka eitthvað pínulítið í háskóla með til þess að kynnast honum," svarar hún og hraðar sér í næstu kennslustund. Nám Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Erna Ómars er borgarlistamaður Reykjavíkur Menning Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið Frambjóðendum gekk misvel í hraðaspurningum Lífið The Lazarus Project: Varúð, veldur svefnleysi Gagnrýni Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Þetta höfðu netverjar að segja um kappræðurnar Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
"Það er frekar erfitt að vakna snemma svona fyrst eftir jólafríið," segir Þykkvabæingurinn Ragnhildur Sigurbjartsdóttir, sem þó var mætt galvösk í skólann í gærmorgun. Enda dugar ekkert slór þar sem skólinn heitir Hraðbraut og hóf göngu sína í ágúst 2003. Ragnhildur var með frá upphafi og verður því meðal fyrstu stúdentanna sem útskrifast þaðan eftir tveggja ára nám ef allt fer eftir áætlun. Henni finnst þetta ekki mikið mál og kveðst alveg eiga líf fyrir utan skólann. "Maður verður bara að skipuleggja sig vel," segir hún og útskýrir fyrirkomulagið í skólanum. "Hér er sambland af bekkjar- og áfangakerfi og kennt á náttúrufræði- og málabraut. Skóladagurinn er frá 8.30-16.15 alla daga og við eigum ekki að þurfa að læra heima nema við séum með ritgerðir eða önnur stærri verkefni. Kennslan er þrjá daga vikunnar en hina tvo situr fólk yfir okkur þar sem við erum að læra. Við tökum þrjú fög fyrir í einu, lærum þau í fjórar vikur og í fimmtu vikunni eru lokapróf í þeim. Í sjöttu vikunni eru upptökupróf fyrir þá sem falla en hinir eru í fríi." Allt hljómar þetta vel en hvað liggur á og hvað kostar pakkinn? "Þetta eru algengar spurningar," segir Ragnhildur rólega og svarar þeim svo frá sínum bæjardyrum. "Mér finnst bara fínt að klára þetta á tveimur árum fyrst það er hægt. Sumir spyrja hvernig ég tími að missa af tveimur skemmtilegum skólaárum en ég lít ekki svo á að ég sé að missa af neinu og þó svo að 190 þúsund fari í skólagjöld á ári fyrir utan skólabækur þá er það fljótt að vinnast upp ef maður kemst tveimur árum fyrr í háskóla eða út á vinnumarkaðinn. Auk þess kostar alltaf mikið fyrir fólk utan af landi að vera í framhaldsskóla." En hver skyldi svo stefnan vera að stúdentsprófi loknu hjá þessari einörðu skólastúlku? "Ég ætla að fá mér vinnu næsta haust og taka eitthvað pínulítið í háskóla með til þess að kynnast honum," svarar hún og hraðar sér í næstu kennslustund.
Nám Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Erna Ómars er borgarlistamaður Reykjavíkur Menning Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið Frambjóðendum gekk misvel í hraðaspurningum Lífið The Lazarus Project: Varúð, veldur svefnleysi Gagnrýni Herra Hnetusmjör og Sara selja íbúðina Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Þetta höfðu netverjar að segja um kappræðurnar Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira