Vísitala fasteignaverðs hækkar enn

Vísitala fasteignaverðs á höfuðborgarsvæðinu hækkaði um 3,8 prósentustig í maí og heldur því áfram að hækka. Á síðustu þremur mánuðum hefur hún hækkað um 10,4 prósent, 24,9 prósent á hálfu ári og síðasta árið hefur vísitalan hækkað um heil 38,5 prósent. Þetta kemur fram í tilkynningu á vef Fasteignamats ríkisins. Vísitalan er reiknuð út frá fermetraverði á níu mismunandi flokkum íbúðahúsnæðis og það vegið út frá hlutdeild viðkomandi flokks á markaði síðustu tvö árin.