Veggjakrot til vandræða

Fossvogshverfið er illa farið af veggjakroti. Gunnlaugur A. Júlíusson býr í hverfinu og hann hefur sent öllum borgarfulltrúum tölvubréf til að benda á þessa skrílmennsku. Svar hefur aðeins borist frá einum þeirra sem segir ástandið líka slæmt í Breiðholtinu.  Gunnlaugur A. Júlíusson hefur undanfarna daga farið um Víkingshverfið og gert úttekt á veggakrotinu. Hann segir að allar opinberar eigur séu útkrassaðar á einn eða annan hátt en alltaf ljótan, sérstaklega sé ástandið slæmt við Réttarholtsskóla þar sem flestallir veggir eru útkrotaðir auk þess sem veggjakrotið herjar víða í Fossvogsdalnum. Hann hefur sent borgarfulltrúum tölvubréf um ástandið. Hann segir flesta leikskólan vera útkrotaða, ruslatunnur, bekki í Elliðaárdalnum, upplýsingaskilti, styttur vera útkrassaða. Hilmar Hilmarsson, skólastjóri Réttarholtsskóla, segir ástandið vera heldur verra en venjulega og að aðgerðir skólayfirvalda séu aðallega þær að þrífa þetta af eins fljótt og kostur er