Þrjú verkefni fengu háan styrk

Þrjú íslensk verkefni fengu samtals um áttatíu milljónir íslenskra króna í stryk frá Framkvæmdastjórn Evrópusambandsins vegna Leonardo da Vinci starfsmenntunaráætlunar 2005. Er þetta næst hæsta upphæð sem Ísland hefur fengið úthlutað úr áætluninni frá því Ísland hóf að taka þátt árið 1995. Verkefnin sem fengu styrkinn miða að því að þróa nýjar aðferðir og leiðir til að stuðla að auknum gæðum og fjölbreytni í starfsmenntun og starfsþjálfun. Verkefnin þrjú eru á vegum Landbúnaðarháskólans á Hvanneyri, Fræðslumiðstöðvar atvinnulífsins og Verslunarmannafélags Reykjavíkur.