Heiðar búinn að skora

Heiðar Helguson er búinn að skora fyrir Watford sem er 1-0 yfir gegn Rotherham í ensku Championship deildinni í knattspyrnu. Brynjar Björn Gunnarsson er einnig í byrjunaliði Watford eins og Heiðar. Gylfi Einarsson er í byrjunaliði Leeds sem er að leika við QPR á útivelli en hann er nýstiginn úr meiðslum. Athygli vekur að Ívar Ingimarsson er á varamannabekk Reading sem er að spila við Nottm Forest en hann hefur þjáðst af miklu kvefi undanfarna daga. Jóhannes Karl Guðjónsson er í byrjunarliði Leicester sem er 1-0 undir gegn Wigan en Bjarni bróðir hans er enn meiddur og er ekki í leikmannahóp Plymouth sem er 1-0 undir gegn Stoke. Bróðir þeirra, Þórður, er ekki í leikmannahóp Stoke.