Formúlubíll í Smáralind

Mark Webber ökumaður BMW Williams liðsins dvaldi hér á landi yfir helgina. Keppnisbíll hans er til sýnis í Smáralind og hefur verið vinsæll meðal gesta í Smáralindinni. Hann verður sendur af landi brott í kvöld. Webber, sem sagður er líklegur til þess að vera í fremstu röð ökumanna í formúlu 1á næstu árum, hafði í nógu að snúast við að gefa eiginhandaáritanir og kynna bílinn þann tíma sem hann stoppaði hér. Webber færði Barnaspítala Hringsins formúlu 1 leikfangabíla að gjöf, og hélt síðan í Hagkaup í Smáralind þar sem hann ræddi við blaðamenn og áritaði myndir aðdáenda sinna. Webber þótti koma afsakplega vel fyrir og var að sögn ánægður með viðtökurnar sem hann fékk hér. Komu Webbers og keppnisbíls hans má rekja til styrktarsamnings sem Baugur gerði við keppnislið BMW Williams, en liðið auglýsir Hamley's-leikfangaverslanirnar á bílnum.