Fuglaflensa geisar enn

Yfirvöld í Víetnam hafa falið óeirðalögreglunni að aðstoða við eftirlit með öllum alifuglaviðskiptum í Ho Chi Minh borg til að reyna að hefta útbreiðslu fuglaflensu. Þar lést maður í gær úr flensunni og er það tíunda fórnarlamb hennar þar í landi. Læknar telja aðeins tímaspursmál hvenær smitið fer að berast á milli manna en þá gæti brotist úr faraldur og orðið milljónum manna að bana á stórum svæðum í Asíu og jafnvel víðar. Óeirðalögreglumenn eiga meðal annars að skoða upprunavottorð allra fugla sem boðnir eru til sölu og sjá umsvifalaust um eyðingu þeirra sem gætu komið frá sýktum búum.