Snúið af leið vegna hættu

Ísraelsk yfirvöld skipuðu í dag fjórum skemmtiferðaskipum á leið til Tyrklands að snúa af leið af öryggisástæðum. Skipin voru öll á leið til hafnarinnar Alanya í Tyrklandi en samkvæmt ísraelsku útvarpi er bárust yfirvöldum vísbendingar um einhvers konar hættu þar og því var ákveðið að stefna skipunum annað, en alls eru um 3500 Ísraelar í skipunum fjórum. Ekki hefur fengist gefið upp hvers eðlis ógnin var en talsmaður samgönguráðuneytist Ísraels segir að bæði ísraelska og tyrkneska leyniþjónustan hafi varað við einhvers konar ógn.