Bundu sprengju við manninn

Nú er ljóst að mennirnir sem rændu starfsmanni gjaldeyrisbanka í Stokkhólmi í gær, festu við hann sprengju og rændu síðan bankann þar sem hann starfaði, höfðu eina komma fjórar milljónir sænskra króna upp úr krafsinu, eða sem nemur ríflega þrettán milljónum íslenskra króna. Til að tryggja að bankastarfsmaðurinn gerði eins og þeir vildu bundu þeir og kefluðu sambýliskonu hans. Parið treystir sér ekki til að sofa á heimili sínu og dvelur hjá vinum. Ræningjanna er nú leitað, en þeir töluðu sænsku. Faðir bankastarfsmannsins sagði Aftonbladet að hann teldi þá frá rússnesku mafíunni. Lögregla virðist litlu nær og leitar mannanna.