Fyrsta geimfar á braut um Merkúr

Fyrsta geimfarið, sem á að fara á braut um Merkúr, var skotið á loft í morgun. Geimfarið flytur rannsóknargervihnött bandarísku geimferðastofnunarinnar, NASA, til Merkúr, sem er ein af heitustu reikistjörnum sólkerfisins en þar getur hitinn farið upp í 500 gráður á celsíus. Vísindamenn búast hins vegar við því að finna ís á þessari nær loftlausu plánetu og þá við póla hennar í djúpum eldgígum þar sem sólar nýtur ekki og frost mælist tæpar 200 gráður. Geimskotið á Canaveral höfða á Flórída tókst vel og fór flaugin á loft nákvæmlega klukkan sex sextán eins og ráðgert hafði verið. Þrír áratugir eru síðan NASA sendi rannsóknarfar til Merkúr.