Alltaf að sjá eitthvað nýtt 16. júlí 2004 00:01 "Þetta er ekki leiðinlegt starf en það er fremur lítið upp úr því að hafa," segir Loftur Þór Pétursson bólstrari sem við hittum á verkstæði sínu Bólsturverk við Kleppsmýrarveg. Hann talar af reynslu því hann hefur sinnt bólstrun í þrjátíu ár en einnig flytur hann inn handverkfæri og vélar til þeirrar iðnar. Loftur er eldhress og segir fjölbreytnina einn af kostum starfsins. "Þó maður sé búinn að vera lengi í þessu er maður alltaf að sjá eitthvað nýtt," segir hann brosandi. Loftur starfar einn að jafnaði en kveðst fá aðstoð flinkrar saumakonu stöku sinnum. Vinnan snýst um að gera upp eldri húsgögn sem eru vönduð að gerð. Ekki endilega í rókokkóstíl heldur líka stofnanahúsgögn fyrir skrifstofur, félagsheimili og skóla. En skyldi borga sig að láta gera upp húsgögn frekar en að kaupa ný? "Það er afstætt," svarar Loftur. "Ég var að klæða sófasett í síðustu viku; púðasett, ekki mjög gamalt. Kostnaðurinn við það með efni og vinnu var um 250 þúsund kall. Þú getur auðvitað fengið sófasett sem kostar minna en af allt öðrum gæðaflokki. Ef hlutirnir eru góðir upphaflega borgar sig að gera við þá en margt af því sem er á markaðinum núna er í raun bara einnota," segir hann og lýsir bólstrun stólsetu. "Fyrst tekur maður strigaborða og neglir niður með borðasaum. Síðan koma fjaðrirnar, bundnar í rétta hæð með bindigarni. Svo kemur hessíanstrigi og stopp. Yfir það kemur grófari strigi og er stunginn. Lóin sem er íslenskt gott ullarhráefni er næst og yfir hana kemur léreft og að lokum áklæði. Þannig að þetta eru æði mörg lög í einu sæti. Auðvitað er miklu léttara að fá sér svamp og suma utan um hann. Það er bara allt önnur vara." Stundum kemur einhver speki innan úr húsgögnunum þegar þau eru rifin í sundur. Nöfn og ártöl. Einnig kemur fyrir að húsgögn dagi uppi í bólstruninni af einhverjum ástæðum og Loftur nefnir í lokin dæmi um það. "Einu sinni var ég að gera upp tvo stóla fyrir gamlan mann og þegar ég hafði lokið við þá hringdi ég heim til hans en hann hafði þá dáið nóttina áður. Félagar mínir stríddu mér mikið á þessu. Sögðu að það borgaði sig ekki að fara með húsgögn til mín því menn lifðu það ekki af!" Atvinna Mest lesið Skönnuðu Aldísi frá toppi til táar og gleymdu ekki tönnunum Lífið Af vængjum fram: Ekki viss um að hann myndi þekkja lyktina af hassi Lífið Fer fótgangandi tæpa 800 kílómetra Lífið Millie Bobby Brown og sonur Bon Jovi orðin hjón Lífið Tónleikum Nicki Minaj aflýst vegna fíkniefnahandtöku Tónlist Brauðtertuveisla í brauðtertusamkeppni á Selfossi Lífið Krakkatían: Ljón, líffæri og landafræði Lífið Forsetaáskorunin: Lærbraut sig út í móa og beið lengi eftir aðstoð Lífið Af vængjum fram: Borðaði vængi með hníf og gaffli og sagðist vera saddur Lífið Sitt sýnist hverjum um nýja mynd af Katrínu Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
"Þetta er ekki leiðinlegt starf en það er fremur lítið upp úr því að hafa," segir Loftur Þór Pétursson bólstrari sem við hittum á verkstæði sínu Bólsturverk við Kleppsmýrarveg. Hann talar af reynslu því hann hefur sinnt bólstrun í þrjátíu ár en einnig flytur hann inn handverkfæri og vélar til þeirrar iðnar. Loftur er eldhress og segir fjölbreytnina einn af kostum starfsins. "Þó maður sé búinn að vera lengi í þessu er maður alltaf að sjá eitthvað nýtt," segir hann brosandi. Loftur starfar einn að jafnaði en kveðst fá aðstoð flinkrar saumakonu stöku sinnum. Vinnan snýst um að gera upp eldri húsgögn sem eru vönduð að gerð. Ekki endilega í rókokkóstíl heldur líka stofnanahúsgögn fyrir skrifstofur, félagsheimili og skóla. En skyldi borga sig að láta gera upp húsgögn frekar en að kaupa ný? "Það er afstætt," svarar Loftur. "Ég var að klæða sófasett í síðustu viku; púðasett, ekki mjög gamalt. Kostnaðurinn við það með efni og vinnu var um 250 þúsund kall. Þú getur auðvitað fengið sófasett sem kostar minna en af allt öðrum gæðaflokki. Ef hlutirnir eru góðir upphaflega borgar sig að gera við þá en margt af því sem er á markaðinum núna er í raun bara einnota," segir hann og lýsir bólstrun stólsetu. "Fyrst tekur maður strigaborða og neglir niður með borðasaum. Síðan koma fjaðrirnar, bundnar í rétta hæð með bindigarni. Svo kemur hessíanstrigi og stopp. Yfir það kemur grófari strigi og er stunginn. Lóin sem er íslenskt gott ullarhráefni er næst og yfir hana kemur léreft og að lokum áklæði. Þannig að þetta eru æði mörg lög í einu sæti. Auðvitað er miklu léttara að fá sér svamp og suma utan um hann. Það er bara allt önnur vara." Stundum kemur einhver speki innan úr húsgögnunum þegar þau eru rifin í sundur. Nöfn og ártöl. Einnig kemur fyrir að húsgögn dagi uppi í bólstruninni af einhverjum ástæðum og Loftur nefnir í lokin dæmi um það. "Einu sinni var ég að gera upp tvo stóla fyrir gamlan mann og þegar ég hafði lokið við þá hringdi ég heim til hans en hann hafði þá dáið nóttina áður. Félagar mínir stríddu mér mikið á þessu. Sögðu að það borgaði sig ekki að fara með húsgögn til mín því menn lifðu það ekki af!"
Atvinna Mest lesið Skönnuðu Aldísi frá toppi til táar og gleymdu ekki tönnunum Lífið Af vængjum fram: Ekki viss um að hann myndi þekkja lyktina af hassi Lífið Fer fótgangandi tæpa 800 kílómetra Lífið Millie Bobby Brown og sonur Bon Jovi orðin hjón Lífið Tónleikum Nicki Minaj aflýst vegna fíkniefnahandtöku Tónlist Brauðtertuveisla í brauðtertusamkeppni á Selfossi Lífið Krakkatían: Ljón, líffæri og landafræði Lífið Forsetaáskorunin: Lærbraut sig út í móa og beið lengi eftir aðstoð Lífið Af vængjum fram: Borðaði vængi með hníf og gaffli og sagðist vera saddur Lífið Sitt sýnist hverjum um nýja mynd af Katrínu Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira