Kaldaljós kom sá og sigraði

Kvikmyndin Kaldaljós eftir Hilmar Oddsson krækti í fimm verðlaun á Edduverðlaunahátíðinni sem haldin var á Hótel Nordica. Kaldaljós var valin mynd ársins, Ingvar E. Sigurðsson var valinn besti leikarinn og Kristbjörg Kjeld besta leikkonan í aukahlutverki. Hilmar Oddsson fékk einnig verðlaun fyrir leikstjórn Kaldaljóss og Sigurður Sverrir Pálsson fyrir besta hljóð og mynd.

Þátturinn Sjálfstætt fólk sem sýndur er á Stöð 2, í umsjón Jóns Ársæls Þórðarsonar og Steingríms Þórðarsonar, var valinn besti sjónvarpsþátturinn og Spaugstofan þótti besti skemmtiþátturinn í sjónvarpi.

Sjónvarpsmaður ársins var einnig valinn í gær eftir langar og strangar kosningar. Almenningur gat valið úr hópi 38 sjónvarpsmanna á Vísi og í könnun sem Gallup gerði. Fimm sjónvarpsmenn stóðu upp úr eftir það; Auðunn Blöndal, Edda Andrésdóttir, Gísli Marteinn Baldursson, Ómar Ragnarsson og Sverrir Þór Sverrisson, og kusu sjónvarpsáhorfendur um hvert þeirra skyldi hreppa titilinn eftirsótta með SMS-kosningu. Það var síðan Ómar Ragnarsson sem stóð uppi sem sigurvegari.

Páll Steingrímsson fékk heiðursverðlaun Íslensku kvikmynda- og sjónvarpsakademíunnar "fyrir langan og farsælan feril á sviði heimildarmynda, með sérstaka áherslu á náttúru og umhverfi," eins og segir í ummælum dómnefndar.

Hátíðin var sem fyrr segir haldin á Hótel Nordica og voru Kristján Kristjánsson sjónvarpsmaður og Helga Braga Jónsdóttir leikkona kynnar. Sjónvarps- og kvikmyndagerðarfólk flykktist á hátíðina og skemmti sér vel fram eftir kvöldi.

Verðlaunahafar Eddunnar 2004 eru:







Heimildarmynd ársins

Leikari/leikkona ársins í aðalhlutverki

Skemmtiþáttur ársins









Blindsker eftir Ólaf Jóhannesson

Ingvar E. Sigurðsson fyrir Kaldaljós

Spaugstofan - RÚV







Sjónvarpsþáttur ársins



Leikari/leikkona ársins í aukahlutverki

Hljóð og mynd









Sjálfstætt fólk - Stöð 2

Kristbjörg Kjeld fyrir Kaldaljós

Sigurður Sverrir Pálsson fyrir Kaldaljós







Útlit myndar

Handrit ársins

Leikstjóri ársins









Helga Rós Hannam fyrir Svínasúpuna

Huldar Breiðfjörð fyrir Næsland

Hilmar Oddsson fyrir Kaldaljós







Bíómynd ársins

Stuttmynd ársins

Leikið sjónvarpsefni ársins









Kaldaljós eftir Hilmar Oddsson

Síðasti bærinn eftir Rúnar Rúnarsson

Njálssaga eftir Björn Brynjúlf Björnsson







Tónlistarmyndband ársins

Heiðursverðlaun

Vinsælasti sjónvarpsmaður ársins









Stop in the name of loveBang Gang. Leikstjóri Ragnar Bragason

Páll Steingrímsson

Ómar Ragnarsson