Íslenski boltinn

Lennon: Þetta var bara vinaleg stríðni

Eftir leikinn á mánudag fóru Steven Lennon og Gary Martin, leikmaður ÍA, mikinn á samskiptasíðunni Twitter þar sem þeir gerðu stólpagrín að Skúla Jóni Friðgeirssyni, leikmanni KR en Fram vann 5-0 sigur á KR þar sem Lennon skoraði öll fimm mörk Framliðsins.

Íslenski boltinn 15.2.2012 08:30

Stefnum á Evrópusæti í sumar

Framherjinn Steven Lennon segir að Fram-liðið ætli ekki að vera í neinni fallbaráttu í sumar. Hann skoraði fimm mörk í úrslitaleik Reykjavíkurmótsins gegn KR.

Íslenski boltinn 15.2.2012 08:00

Blikar unnu Fótbolta.net mótið | Guðmundur Kristjáns með sigurmarkið

Breiðablik vann 3-2 sigur á Stjörnunni í úrslitaleik Fótbolta.net mótsins í Kórnum í kvöld en það þurfti að endurtaka leikinn þar sem rafmagn fór af Kórahverfinu í Kópavogi þegar 20 mínútur voru eftir af fyrri leiknum fyrir tíu dögum.

Íslenski boltinn 14.2.2012 19:52

Lolli í Val síðastur á undan Lennon til að skora fimm á móti KR

KR-ingurinn Ólafur Brynjar Halldórsson hefur að venju tekið saman skemmtilegar staðreyndir um KR-liðið á heimasíðu félagsins en greinin um 5-0 tap KR á móti Fram í úrslitaleik Reykjavíkurmótsins er nú komin inn á síðunni undir fyrirsögninni "A Hard Day's Night"

Íslenski boltinn 14.2.2012 18:15

Sonur Atla Eðvaldssonar farin frá FH yfir í KR

Emil Atlason hefur ákveðið að skipta úr FH yfir í KR í fótboltanum en þetta kemur fram á heimasíðu KR. Emil Atlason er 19 ára gamall og spilar framarlega á miðjunni eða sem framherji. Hann er sonur Atla Eðvaldsson, fyrrum atvinnumanns og landsliðsfyrirliða og er yngri bróðir landsliðskonunnar Sifjar Atladóttur og Egils Atlasonar sem hefur spilað lengst með Víkingum.

Íslenski boltinn 14.2.2012 17:15

Sverrir hættur hjá FH

Varnarmaðurinn Sverrir Garðarsson hefur náð samkomulagi við knattspyrnudeild FH um starfslok sín hjá félaginu. Frá þessu er greint á stuðningsmannasíðu FH í dag.

Íslenski boltinn 14.2.2012 15:25

KR-ingar réðu ekkert við Lennon - sjáið mörkin

Það er óhætt að segja að Steven Lennon hafi verið maður á bak við Reykjavíkurmeistaratitil Framara en Lennon skoraði öll mörkin í úrslitaleiknum í Egilshöllinni í kvöld þegar Fram vann 5-0 sigur á KR.

Íslenski boltinn 13.2.2012 22:20

Fyrsti úrslitaleikur Fram og KR í fimmtán ár er í kvöld

Fram og KR mætast í úrslitaleik Reykjavíkurmóts karla í Egilshöllinni í kvöld en leikurinn hefst klukkan 19.30. KR er komið í úrslitaleikinn fjórða árið í röð og vann titilinn 2009 og 2010 en Fram hefur ekki unnuð Reykjavíkurmeistaratitilinn síðan 2006 og er í sínum fyrsta úrslitaleik í fjögur ár.

Íslenski boltinn 13.2.2012 17:30

Óskar Ófeigur fékk fjölmiðlaviðurkenningu KSÍ

Óskar Ófeigur Jónsson, íþróttablaðamaður á Vísi og Fréttablaðinu, fékk í gær fjölmiðlaviðurkenningu KSÍ á ársþingi sambandsins í gær.

Íslenski boltinn 12.2.2012 12:16

Gísli tók sæti Jóns í stjórn KSÍ

Ársþing KSÍ fór fram í gær og var kosið um fjögur sæti í stjórn. Skagamaðurinn Gísli Gíslason er sá eini sem kemur nýr inn í hana.

Íslenski boltinn 12.2.2012 08:00

Ásgeir Börkur til reynslu hjá sænsku félagi

Miðjumaðurinn Ásgeir Börkur Ásgeirsson heldur eftir helgi út til Svíþjóðar þar sem hann verður til reynslu hjá sænska úrvalsdeildarfélaginu Åtvidaberg.

Íslenski boltinn 12.2.2012 06:00

Skýrslur eftirlitsmanna birtar á innrivef KSÍ

Tillaga um breytingu á reglugerð um störf eftirlitsmanna KSÍ voru samþykktar á ársþingi sambandsins. Tillögu um skýrslur dómara var vísað í starfshóp.

Íslenski boltinn 11.2.2012 15:11

Færri leikbönn fyrir gul spjöld

Breytingar hafa verið gerðar á reglum um leikbönn vegna gulra spjalda á Íslandsmótinu í knattspyrnu en tilllögur þess efnis voru samþykktar á ársþingi KSÍ í dag.

Íslenski boltinn 11.2.2012 15:04

Samþykkt að fjölga deildum á Íslandsmótinu í knattspyrnu

Tillaga Leiknis og KB úr Breiðholti um að skipta 3. deild karla í tvær deildir og fjölga þar með um eina deild á Íslandsmótinu hefur verið samþykkt.

Íslenski boltinn 11.2.2012 14:29

Lagerbäck: Númer eitt að vinna leiki

Lars Lagerbäck hélt í gær sinn fyrsta blaðamannafund síðan hann var kynntur til sögunnar sem nýr landsliðsþjálfari seint á síðasta ári. Þar tilkynnti hann þá leikmenn sem munu spila í vináttuleikjunum gegn Japan og Svartfjallalandi ytra í lok mánaðarins.

Íslenski boltinn 11.2.2012 10:00

U-21 spilar 4-4-2 eins og A-liðið

Samvinna þjálfara A-landsliðs karla og U-21 landsliðsins verður meiri en hingað til. Lars Lagerbäck sagði á blaðamannafundi KSÍ í gær að hann vonaðist eftir góðu samstarfi við bæði Eyjólf Sverrisson, þjálfara U-21 liðsins, sem og Sigurð Ragnar Eyjólfsson þjálfara kvennalandsliðsins.

Íslenski boltinn 11.2.2012 08:00

Geir sér ekki eftir því að hafa ráðið Ólaf og kosið Blatter

Geir Þorsteinsson, formaður KSÍ, var í ítarlegu viðtali hjá íþróttafréttamönnunum Henry Birgi Gunnarssyni og Eiríki Stefáni Ásgeirssyni í íþróttaþættinum á X-inu 977 í morgun.

Íslenski boltinn 10.2.2012 17:17

Uppgjör bestu liðanna í Reykjavíkurmóti kvenna er í kvöld

Valskonur geta farið langt með því að tryggja sér Reykjavíkurmeistaratitilinn fimmta árið í röð þegar þær taka á móti Fylki í Egilshöllinni í kvöld. Bæði liðin hafa unnið tvo fyrstu leiki sína á mótinu af öryggi og þetta er því óopinber úrslitaleikur mótsins.

Íslenski boltinn 10.2.2012 15:30

Lagerbäck valdi 36 leikmenn fyrir tvo leiki í febrúar

Lars Lagerbäck, landsliðsþjálfari karla í knattspyrnu, hefur valið fyrstu landsliðshópa sína en hann tilkynnti á blaðamannafundi í höfuðstöðvum KSÍ í dag hvaða leikmenn munu taka þátt í vináttulandsleikjum við Japan og Svartfjallaland sem fara fram 24. og 29. febrúar næstkomandi.

Íslenski boltinn 10.2.2012 13:16

KR í úrslit Reykjavíkurmótsins

Það verða KR og Fram sem leika til úrslita í Reykjavíkurmótinu í knattspyrnu. KR lagði Fylki, 1-0, í síðari undanúrslitaleik kvöldsins.

Íslenski boltinn 9.2.2012 22:37

Fram í úrslit Reykjavíkurmótsins eftir vítakeppni

Fyrri undanúrslitaleiknum í Reykjavíkurmótinu í knattspyrnu er lokið. Fram lagði Þrótt eftir vítaspyrnukeppni. Steven Lennon var hetja Framara.

Íslenski boltinn 9.2.2012 20:46

Kemst KR í úrslitaleikinn fjórða árið í röð? | Undanúrslitaleikirnir í kvöld

Undanúrslitaleikir Reykjavíkurmótsins í fótbolta fara fram í Egilshöllinni í kvöld og verða þeir sýndir í beinni útsendingu á Sporttv.is. Fram og Þróttur mætast í fyrri leiknum klukkan 18:45 og strax á eftir, eða klukkan 20:45, leika svo Fylkir og KR.

Íslenski boltinn 9.2.2012 16:30

Kristján Örn hættur að leika með landsliðinu

Varnarmaðurinn sterki, Kristján Örn Sigurðsson, hefur ákveðið að setja landsliðsskóna á hilluna aðeins 32 ára að aldri. Kristján lék 53 A-landsleiki og skoraði 4 mörk.

Íslenski boltinn 9.2.2012 15:48

Söfnum fyrir stúkunni ef þess þarf

Aðeins þrír mánuðir eru í að keppni í Pepsi-deild karla hefjist á ný og enn sem komið er eru stúkumál Fylkis enn óleyst. Félagið þarf að hefja framkvæmdir við byggingar á nýrri stúku til þess að fá keppnisleyfi á heimavelli sínum í Árbænum.

Íslenski boltinn 9.2.2012 08:00

Brynjar Björn spilar með KR í sumar

Brynjar Björn Gunnarsson, atvinnumaður í knattspyrnu hjá Reading í Englandi, hefur ákveðið að leika með Íslands- og bikarmeisturum KR í sumar. Þetta kemur fram í Morgunblaðinu í morgun. Samningur Brynjars Björns við Reading rennur út í vor.

Íslenski boltinn 8.2.2012 09:09

Gríðarháar sjónvarpstekjur

Ársþing Knattspyrnusambands Íslands fer fram um næstu helgi og þar verður ársreikningur KSÍ lagður fram til samþykktar. Samkvæmt fjárhagsáætlun KSÍ fyrir rekstrarárið 2012 er gert ráð fyrir 777 milljónum í rekstrartekjur og rekstrargjöldum upp á rétt tæplega 714 milljónir króna.

Íslenski boltinn 7.2.2012 06:45

Elín Metta með þrennu í sigri Vals á KR | Búin að skora 6 mörk í 2 leikjum

Hin 16 ára gamla Elín Metta Jensen skoraði þrennu í 5-0 sigri Vals á KR í Reykjavíkurmóti kvenna í fótbolta en leikurinn fór fram í Egilshöllinni í dag. Rakel Logadóttir skoraði hin tvö mörkin. Þetta er önnur þrenna Elínar í röð en hún skoraði einnig þrjú mörk í 5-0 sigri á Fjölni á dögunum.

Íslenski boltinn 5.2.2012 21:55

KR-ingar skoruðu níu mörk gegn ÍR - sjáið mörkin

KR-ingar tryggðu sér sæti í undanúrslitum Reykjavíkurmóts karla í fótbolta í dag með því að vinna 9-0 stórsigur á ÍR í Egilshöllinni. Framarar fara einnig í undanúrslitin þrátt fyrir að þeir gerðu bara jafntefli við Leikni en Breiðhyltingar hefðu með sigri farið áfram á kostnað KR-inga.

Íslenski boltinn 4.2.2012 23:30

Rakel byrjar vel með Blikum - skoraði tvö gegn FH

Rakel Hönnudóttir byrjar vel með Breiðabliksliðinu í kvennafótboltanum en hún skoraði bæði mörk liðsins í 2-0 sigri á FH í Faxaflóamótinu í dag. Rakel kom til Blika frá Þór/KA í vetur.

Íslenski boltinn 4.2.2012 17:51

Ásgeir Gunnar hættur hjá FH

Ásgeir Gunnar Ásgeirsson hefur leikið sinn síðasta leik fyrir FH en þetta kemur fram á Stuðningsmannasíðu félagsins. Ásgeir Gunnar sem verður 32 ára gamall í sumar hefur leikið með FH í áratug og spilað í ýmsum stöðum.

Íslenski boltinn 2.2.2012 11:31