Erlent

Sarkozy stóð sig betur að mati kjósenda

Franskir kjósendur telja flestir að hægrimaðurinn Nicolas Sarkozy hafi haft betur í baráttu sinni við sósíalistann Segolene Royal í sjónvarpskappræðum í gærkvöldi. Royal missti stjórn á skapi sínu og sagði Sarkozy það til marks um að hún ætti ekkert erindi í forsetaembættið. Kosið verður á sunnudaginn.

Erlent

Frakkar spara vatnið

Gripið hefur verið til vatnsskömmtunar í sjö af 96 sýslum Frakklands og þar í landi óttast menn sumarþurrka. Landbúnaðarráðuneytið segir að nú þegar sé neikvæð staða á vatnsbirgðum í nokkrum sýslum.

Erlent

100 tonna risaeðla í Ástralíu

Steingervingar af tveim risastórum risaeðlum hafa fundist í Ástralíu. Eðlurnar eru af tegundinni Titanosaurus og langstærsta tegund sem fundist hefur í landinu til þessa. Þær hafa verið um 100 tonn að þyngd og milli 26 og 35 metra langar. Þær reikuðu um sléttur Ástralíu fyrir 98 milljónum ára.

Erlent

Myndin sem hneykslaði Íran

Strangtrúaðir í Íran eru í uppnámi vegna þess að forseti landsins Mahmoud Ahmadinejad faðmaði að sér gamla kennslukonu sína og kyssti á hönd hennar. Dagblaðið Hizbolla segir að annað eins hafi ekki sést síðan á dögum keisaratímabilsins.

Erlent

Neydd til að fæða dauðvona barn

Sautján ára gömul írsk stúlka berst nú fyrir því fyrir hæstarétti á Írlandi að fá að fara til Bretlands til þess að láta eyða fóstri sem á sér engar lífslíkur þótt hún fæði það. Fóstrið er svo vanþroskað á höfði að það vantar á það bæði stóran hluta af höfuðkúpunni og heilanum. Læknar telja það mest geta lifað í þrjá daga eftir fæðingu.

Erlent

Danir ætla að banna blæjur

Danska ríkisstjórnin vill setja lög sem gera atvinnurekendum kleift að banna múslimakonum að ganga með slæður eða búrka í vinnunni. Kveikjan að þessu er að barnfóstra í Óðinsvéum neitaði að taka af sér slæðuna við gæslu barna. Bæjarstjórnin þar leitaði til stjórnvalda þar sem hún var ekki viss um að hún hefði heimild til þess að úrskurða í málinu.

Erlent

Felldu upplýsingafulltrúa al-Kaída í Írak

Bandaríski herinn í Írak skýrði frá því í dag að þeir hefðu fellt upplýsingafulltrúa al-Kaída í Írak. Talsmaður hersins sagði að hann hefði verið viðriðinn mannránið á bandarísku blaðakonunni Jill Carroll og fleiri útlendingum.

Erlent

Brjóst í pósti

Eins og margar danskar vændiskonur er Kirsten með heimasíðu. Þar er meðal annars að finna myndir af henni. Nýlega fékk Kirsten bréf frá fyrirtæki sem heitir "Helth Care Danmark." Þar segir meðal annars: "Með tilliti til líkamsbyggingar og hæðar yrðir þú gríðarlega flott með stærri barm, C 75, viljum við gera þér tilboð og ráðleggingar. Hringdu til okkar til að fá tíma."

Erlent

Telja Sarkozy hafa staðið sig betur

Franskir kjósendur telja að Nicolas Sarkozy hafi haft betur í baráttu sinni við Sególene Royal í kappræðum þeirra í frönsku sjónvarpi í gær. Þetta kemur fram í könnun sem birt var í dag. Hún var gerð eftir kappræðurnar sem voru líflegar og spennandi. Í henni sögðu 53% aðspurðra Sarkozy hafa staðið sig betur en aðeins 31% völdu Sególene.

Erlent

Færast nær friðarsamkomulagi

Stjórnvöld í Úganda og Uppreisnarher drottins (Lord's Resistance Army) færðust í gærkvöldi einu skrefi nær því að binda endi á tveggja áratuga borgarastyrjöld í landinu. Báðir aðilar skrifuðu þá undir annan hluta friðarsamkomulags en þeir sættust á vopnahlé á síðasta ári.

Erlent

Heigullinn af Titanic fær uppreist æru

Hinn illræmdi skúrkur frá Titanic slysinu hefur nú fengið uppreist æru með bréfi sem einkaritari hans skrifaði skömmu eftir slysið. Sir Cosmo Duff Gordon var hataður og fyrirlitinn í Bretlandi eftir að Titanic sökk. Því var haldið fram að hann hefði borgað fyrir að komast um borð í björgunarbát, og mútað áhöfn hans til að snúa ekki aftur að skipinu til þess að bjarga fleiri farþegum.

Erlent

Traktor keyrði tvisvar yfir ungling

Traktor keyrði í tvígang yfir austurrískan ungling – fyrst eftir að hann datt af og svo aftur þegar ökumaðurinn bakkaði til að athuga hvar pilturinn væri. Hinn 17 ára Hubert Hochstetter datt af traktornum þegar Josef Mittringer 22 ára félagi hans keyrði hann eftir vegi við þorpið Kainisch í Austurríki. Hann hafnaði undir afturhjólum traktorsins sem vegur um þrjú tonn.

Erlent

Hættulegustu öfgasamtök N-Írlands hætta starfsemi

Hættulegustu öfgasamtök mótmælenda á Norður-Írlandi, Ulster Volunteer Force (UVF), hafa tilkynnt að þau muni hætta vopnaðri baráttu. Þau segjast ætla að taka upp baráttu án vopna. „Frá og með tólf á miðnætti, fimmtudaginn 3. maí 2007, munu Ulster Volunteer Force og Red Hand Commando beita sér á friðsaman hátt og taka upp borgaralega starfsemi." sagði í tilkynningu frá þeim í morgun.

Erlent

Vilja hvít barnaheimili í Svíþjóð

Flokkur þjóðernissinna í Svíþjóð vill stofna barnaheimili fyrir innfædd hvít börn. Ætlunin er að fyrsta barnaheimilið verði opnað í Uppsölum, á næsta ári. Vávra Suk, formaður flokksins segir að fólk eigi að eiga þess kost að ala börn sín upp í vestrænni menningu.

Erlent

Kosið í Englandi, Skotlandi og Wales

Almenningur í Englandi, Skotlandi og Wales gengur til kosninga í sveitastjórnar- og þingkosningum í dag. Kosið er á flestum stöðum í Bretlandi að undanskildri höfuðborginni, Lundúnum. Alls eru 39 milljón manns með kosningarétt. Búist er við góðu veðri í dag sem gæti aukið kjörsókn.

Erlent

Leiðtogi íslamska ríkisins í Írak allur

Bandaríski og íraski herinn hafa fellt leiðtoga íslamska ríkisins í Írak, hryðjuverkahóps með tengsl við al-Kaída. Innanríkisráðherra Íraks skýrði frá þessu í morgun. Hann sagði að leiðtogi hópsins, Abu Omar al-Baghdadi, hefði verið felldur í bardaga norður af Bagdad. Hann neitaði að segja hvenær þetta gerðist en sagði að yfirvöld hefðu lík hans í sinni vörslu.

Erlent

Bush fundar með demókrötum

George W. Bush, forseti Bandaríkjanna, og leiðtogar demókrata í bandaríska þinginu hafa heitið því að komast að niðurstöðu varðandi aukafjárveitingu til hersins.

Erlent

Fundað um framtíð Íraks

Alþjóðleg ráðstefna um framtíð Íraks fer nú fram í Sharm el-Sheikh í Egyptalandi. Á meðal þátttakenda eru Bandaríkin, Íran og Sýrland. Búist er við því að löndin sem ráðstefnuna sækja eigi eftir að sættast á fimm ára áætlun sem krefst endurbóta fyrir stuðning.

Erlent

Jafnræði í kappræðum

Frönsku forsetaframbjóðendurnir Nicolas Sarkozy og Sególene Royal tókust á í sjónvarpskappræðum í gærkvöldi. Töluverðar tilfinningar voru í spilinu en kappræðurnar eru taldar geta ráðið úrslitum í forsetakosningunum sem fara fram á sunnudaginn kemur.

Erlent

AC Milan mætir Liverpool

Ítalska knattspyrnuliðið AC Milan bar í gærkvöldi sigurorð af Manchester United í undanúrslitum Meistaradeildar Evrópu og mun því mæta enska liðinu Liverpool í úrslitum þann 23. maí næstkomandi. Brasilíumaðurinn Kaka var hetja AC Milan en hann skoraði fyrsta mark liðsins þegar aðeins tíu mínútur voru liðnar af leiknum.

Erlent

Japanir vilja nýja stjórnarskrá

Forsætisráðherra Japans, Shinzo Abe, sagði í gær að það þyrfti að endurskoða stjórnarskrá landsins. Ástæðuna sagði hann að sú stjórnarskrá sem Bandaríkjamenn hefðu sett Japönum eftir síðari heimsstyrjöld væri úrelt með tilliti til heimsmála í dag.

Erlent

Þingmenn styðja Olmert

Þingmenn Kadima flokksins í Ísrael hafa ákveðið að styðja við bakið á Ehud Olmert eftir að utanríkisráðherra Ísraels, Tzipi Livni, sagði að hann ætti að segja af sér. Þeir áttu sérstakan fund í gærkvöldi til þess að ræða stöðu mála innan flokksins.

Erlent

Sjálfsstæðissinnum spáð naumum sigri

Skotar og Walesbúar ganga að kjörborðinu í dag og kjósa sér þing. Einnig eru sveitarstjórnarkosningar um allt Bretland. Í Skotlandi vonast aðskilnaðarsinnar til þess að sigra og boða þá kosningar árið 2010 um aðskilnað frá Bretlandi.

Erlent

Forseti verði þjóðkjörinn

Stjórnarflokkurinn í Tyrklandi fór á þriðjudag fram á það við þingið að þingkosningum yrði flýtt um nokkra mánuði. Að öllum líkindum verða þær haldnar 22. júlí næstkomandi í staðinn fyrir nóvember.

Erlent

Eitt síðasta tækifæri Royal

Neistarnir flugu þegar keppinautarnir um franska forsetaembættið, sósíalistinn Segolene Royal og hægrimaðurinn Nicolas Sarkozy, mættust í sjónvarpskappræðum í gærkvöld. Þær voru hápunktur kosningabaráttunnar fyrir úrslitaumferð kosninganna á sunnudaginn.

Erlent

Fjórir Pakistanar hálshöggnir

Yfirvöld í Sádi-Arabíu létu í gær hálshöggva fjóra Pakistana, sem dæmdir höfðu verið fyrir að berja mann til dauða þar sem hann svaf í rekkju sinni, nauðga og misþyrma eiginkonu hans og ræna fé og skartgripum hjónanna. Frá þessu greindi sádi-arabíska innanríkisráðuneytið.

Erlent

Kosningaaldur niður í 16 ár

Ríkisstjórn Austurríkis ákvað í gær að leggja formlega fram lagafrumvarp, þar sem lagt er til að lágmarksaldur til að kjósa í þingkosningum í landinu verði færður niður í 16 ár.

Erlent

Súdanstjórn hafnar afskiptum

Alþjóðlegi sakadómstóllinn í Haag (ICC) hefur gefið út handtökutilskipun á hendur ráðherra í Súdanstjórn og eins af forsprökkum svonefndra janjaweed-sveita á grundvelli gruns um að þeir beri ábyrgð á stríðsglæpum í Darfúr-héraði. Frá þessu greindi dómstóllinn í gær.

Erlent

Mest lesið