Erlent

Gekk fram á lík konunnar

Lögreglan í Svíþjóð handtók í bænum Strömstad í morgun karlmann sem grunaður er um að hafa myrt um fjörtíu ára gamla konu. Það var norskur ferðamaður sem gekk fram á lík konunnar í gær en talið er að hún hafi verið kynferðislega misnotuð áður en hún var drepinn.

Erlent

Fimm Tamil tígrar féllu á Sri Lanka

Fimm Tamil tígrar féllu þegar til átaka kom milli sveita þeirra og stjórnarhersins á Sri Lanka í norðvesturhluta landsins í gærkvöldi. Talsmenn Tamil tígra sögðust hafa slasað fjölda hermanna í átökunum.

Erlent

Deilt um útgáfu á bók Hitlers

Útgáfuréttur á hinni umdeildu bók Adolfs Hitlers, Mein Kampf, í Þýskalandi verður öllum frjáls eftir átta ár. Virtur sagnfræðingur telur nauðsynlegt að verða á undan nýnasistum til að gefa bókina út með viðeigandi skýringum.

Erlent

Talinn líkastur Hemingway

Hvítskeggjaður tryggingasölumaður frá Flórída vann keppni um hver sé líkastur nóbelsskáldinu látna, Ernest Hemingway, á árlegri hátíð í minningu rithöfundarins.

Erlent

Söng rangan þjóðsöng

Yves Leterme, sem sækist eftir embætti forsætisráðherra Belgíu, söng rangan þjóðsöng í viðtali við sjónvarpsfréttamenn á þjóðhátíðardaginn á laugardag. Í stað þess belgíska söng hann franska þjóðsönginn.

Erlent

Demban var á við mánaðar úrhelli

Bjarga þurfti hundruð manns úr þungum flóðum í Bretlandi með þyrlum og bátum í gær. Miklar rigningar hafa valdið gríðarlegum vatnsflaumi í bæjum og meðal annars á fæðingarstað leikskáldsins William Shakespeare.

Erlent

Krefjast fangaskipta í kvöld

Talsmaður talibana í Afganistan sagði í gær að afgönsk yfirvöld hefðu frest fram til klukkan sjö í kvöld til að afhenda handsamaða talibana í skiptum fyrir 23 kóreska gísla, sem talibanar eru með í haldi.

Erlent

Ætlar í verkfall

Barack Obama, einn af frambjóðendum demókrata til forseta Bandaríkjanna, lofaði forkólfum verkalýðsfélaga á laugardagskvöld að hann mundi taka þátt í verkföllum með þeim ef hann næði kjöri á næsta ári.

Erlent

Kona Kirchners ætlar fram

Cristina Fernandez, eiginkona Nestors Kirchners Argentínuforseta, ætlar að bjóða sig fram í forsetakosningunum í landinu sem fara fram í lok október. Fernandez tilkynnti um framboð sitt á kosningafundi í borginni La Plata á fimmtudag.

Erlent

Stærsti turn heims er á við sjö Hallgrímskirkjur

Burj- turninn í Dubai er orðinn hæsta bygging heims, þrátt fyrir að framkvæmdir á honum muni ekki taka enda fyrr en undir lok næsta árs. Skýjakljúfurinn er 512 metrar á hæð, fjórum metrum hærri en Taipei 101 turninn í Taívan, sem hefur verið hæstur síðustu þrjú ár. Burj-turninn er á hæð við sjö Hallgrímskirkjur.

Erlent

Fimm skotnir til bana í Fíladelfíu í dag

Fimm voru skotnir til bana á innan við sex klukkustundum í Fíladelfíu í Bandaríkjunum fyrr í dag. Þrír hinna látnu voru myrtir á öldurhúsi í nágrenni við heimili þeirra. Alls hafa 232 verið myrtir í Fíladelfíu það sem af er ári og hafa ekki verið framin fleiri morð í meira en áratug. Enginn hefur verið handtekinn vegna skotárásanna í dag.

Erlent

Hómer og fjölskylda mætt til Vermont

Heimabær Hómers, Marge, Barts, Lísu og Maggie, Springfield í Vermont í Bandaríkjunum, var valinn gestgjafi frumsýningar kvikmyndarinnar um fjölskylduna vinsælu, The Simpsons Movie.

Erlent

Óbreytt stjórnarástand í Tyrklandi

Allt stefnir í að ráðandi stjórnmálaflokkur Tyrklands, íslamski AK flokkur Erdogan forsætisráðherra, hljóti sigur í þingkosningum sem fram fóru í landinu í dag. Samkvæmt nýjustu tölum er flokkurinn nú með þriðjung atkvæða, en í fyrstu talningu var flokkurinn með tæp fimmtíu og tvö prósent atkvæða.

Erlent

Talíbanar enn með Suður-Kóreumenn í haldi

Varnarmálaráðherra Afghanistans sagði í dag að svæðið sem talið er að Talibanar haldi tuttugu og þremur suður Kóreumönnum hafi verið umkringt. Talibanar hafa framlengt fresti Suður Kóreumanna til að draga herlið sitt til baka frá Afghanistan.

Erlent

Flóð víða um heim

Flóð höfðu áhrif á þúsundir manna víða um heim um þessa helgi. Á Englandi hefur úrhellisrigning orsakað flóð á stórum svæðum og hafa hjálparsveitir unnið sleitulaust að björgunarstörfum. Flóð hafa einnig verið í Asíu en hitabylgja í Suðausturhluta Evrópu gerir íbúum lífið leitt.

Erlent

Stjórnmálaflokkar í Venesúela að renna saman í einn

Allt stefnir í að innan skamms starfi aðeins einn stjórnmálaflokkur í Venesúela. Haldinn hefur verið fundur með fulltrúum allra þingflokka þar sem drög voru lögð að samruna flokkanna í einn stóran sósíalistaflokk á bak við forseta landsins, Hugo Chavez.

Erlent

Feitur Búdda skekur smábæ á Englandi

Viðskiptajöfur nokkur hefur mætt harðri andstöðu í smábænum Durham á Englandi vegna nafnagiftar á veitingastað sem hann hyggst opna þar í bæ. Hann vill kalla stað sinn Fat Buddha, eða feiti Búdda. Bæjarstjórnin í Durham telur að nafnið muni særa Búddatrúað fólk og hefur krafist þess að því verði breytt.

Erlent

Útlit fyrir óbreytt stjórnarástand í Tyrklandi

AK flokkurinn hefur hlotið rúm 48% atkvæða í kosningunum sem fram fóru í Tyrklandi í dag, þegar rúm 58% atkvæði hefur verið talin. Samkvæmt heimildum Associated Press fréttastofunnar hafa tveir aðrir flokkar fengið meira en 10% atkvæða. Það eru vinstri flokkurinn CHP og öfga-þjóðernisflokkurinn MHP.

Erlent

Sjálfstýrðir bílar í framför

Þróun sjálfstýrðra bifreiða þýtur fram þessa dagana. Að öllum líkindum er þess ekki lengi að bíða að slíkir bílar komi á almennan markað.

Erlent

Talíbanar gefa afgönskum stjórnvöldum lengri frest

Talsmaður Talíbana, Qari Yousef Ahmadi, sagði fyrr í dag að frestur afganskra stjórnvalda til að leysa úr haldi 23 talíbanska fanga yrði framlengdur til morguns. Mannræningjarnir hafa hótað að myrða 23 suður-kóreska gísla sleppi afgönsk stjórnvöld ekki föngunum.

Erlent

Manntjón varð þegar lest skall á hópferðabíl

Átta manns létust og á þriðja tug slösuðust þegar lest rakst á hópferðabíl í Gura Ocnitei í Rúmeníu. Slysið varð rétt fyrir klukkan þrjú í dag að íslenskum tíma. Lestin skall á vinstri hlið bílsins og dró hann þrjú hundruð metra eftir veginum.

Erlent

Orðið hæsta hús í heimi

Ókláraður skýjakljúfur í Dúbai, Burj Dubai, er orðinn hæsta hús í heimi, fullyrða verkfræðingar sem koma að verkinu. Segja þeir turninn kominn yfir 512 metra, eða fjórum metrum hærri en hingað til hæsta hús í heimi, Taipei 101 turninn í Tævan.

Erlent

Flæddi inn í 80 þúsund byggingar

Flóð halda áfram í Bretlandi í dag eftir úrhellisrigningar helgarinnar. Í morgun flæddi aftur yfir sum svæði Oxfordskíris. Aðstæður eru víða hættulegar, en hjálparsveitir björguðu hundruð manna í morgun og þurfti bæði báta og þyrlur til björgunarstarfsins. Flætt hefur inn í um 80 þúsund byggingar eða heimili og 200 þúsund manns verða beint fyrir óþægindum af flóðunum.

Erlent

Clinton vill tryggja Afríkubúum malaríulyf

Bill Clinton, fyrrverandi forseti Bandaríkjanna, er að hefja tilraunaverkefni sem miðar að því að auka aðgengi að nýjum malaríulyfjum í Tansaníu. Á hverju ári látast 3 milljónir manna af völdum malaríu og 300 milljónir veikjast alvarlega. Níutíu prósent dauðsfalla eru í Suður-Afríku og Sahara.

Erlent

Hundrað manns létust í óveðri í Kína

Óveður varð að minnsta kosti 100 manns að bana í Kína í síðustu viku. Í Austur-Shandong héraði hafa 40 látíst síðan á miðvikudag. Þá hafa fjörutíu lík fundist við Chongqing eftir flóð og aurskriður. Fjölda manns er saknað þar.

Erlent

Kosið í Tyrklandi

Þingiskosningar hófust í Tyrklandi í morgun. Þær þykja skipta sköpum í átökum milli veraldlega sinnaðra Tyrkja sem styðja aðskilnað ríkis og íslam, og trúaðra múslima. Gripið var til þess að halda þingiskosningar þar sem þingið komst ekki að samkomulagi um frambjóðendur til forseta.

Erlent

Suður-kóresku gíslarnir enn í haldi

Öryggissveitir hafa umkringt staðinn þar sem Talibanar halda suður kóreskum gíslum í Ghazni héraði í Afghanistan. Ekki hefur verið ráðist til atlögu með hervaldi til að frelsa gíslana, en talsmaður talibana sagði í gær að yrði það reynt myndu allir gíslarnir verða teknir af lífi.

Erlent

Mest lesið