Erlent

Sólin skín skærast í Kyrrahafinu

Sérfræðingar bandarísku geimvísindastofnunarinnar NASA hafa uppgötvað hvar sólin skín skærast á Jörðinni. Það er annars vegar í Kyrrahafinu rétt sunnan eyjunnar Hawaí og hinsvegar í Sahara eyðimörkinni. Þessar niðurstöður eru fengnar með því að skoða gögn um sólarljós sem safnað var með gervihnöttum í 22 ár samfleytt. Sérfræðingar NASA vonast til þess að með þessum gögnum verði hægt að kanna áhrif sólarljóss á loftslagsbreytingar, heilsu og landrækt.

Erlent

Lést þegar farsímarafhlaða sprakk

Yfirvöld í Suður-Kóreu rannsaka nú andlát manns sem sagður er hafa látist þegar farsímarafhlaða sprakk. Maðurinn fannst látinn á vinnustað sínum með bráðnaða rafhlöðu í skyrtuvasa sínum og sár á lunga og hjarta. Talsmenn farsímaframleiðandans LG segja að farsíminn hafi verið þaulprófaður og einungis seldur í Kóreu en vilja að öðru leyti ekki tjá sig um málið að svo stöddu. Einungis eru fjórir mánuðir frá því að maður lést í Kína þegar farsími sprakk.

Erlent

Heilbrigðismál eru helsta bitbein demókrata

Eitt mesta deilumál demókrata fyrir forkosningarnar um forsetaembættið í Bandaríkjunum snýst um heilbrigðismál. Hillary Clinton forsetaframbjóðandi segir helsta andstæðing sinn, Barack Obama hafa óskýra stefnu í málaflokknum.

Erlent

Dýr myndi hænan öll

Egg eftir rússneska skartgripahönnuðinn Peter Carl Fabergé verður selt á uppboði í Lundúnum í dag.

Erlent

Maður með heimþrá

Rússneskur maður stal tertu af konu á götu í Moskvu í gær. Hann bað hana svo að hringja í lögregluna og kæra verknaðinn.

Erlent

Blackwater málaliðum stefnt

Blackwater málaliðar eru sakaðir um að hafa hundsað skipanir og yfirgefið herstöðvar sínar rétt áður en þeir hófu árás sem varð 17 íröskum borgurum að bana á Nisoor torgi í Bagdad í september.

Erlent

Musharraf lét af embætti hershöfðingja landsins í morgun

Pervez Musharraf forseti Pakistan lét í morgun af embætti hershöfðingja landsins við hátíðlega athöfn í höfuðstöðvum hersins í Pakistan. Sá sem tekur við af Musharraf heitir Ashfaq Pervez Kiani. Við athöfnina sagði Musharraf að hann væri stoltur yfir því að hafa stjórnað svo miklu afli sem herinn væri.

Erlent

Segir erfðabreytt matvæli hentugri en lífrænt ræktuð

Erfðabreytt matvæli eru yfirleitt hentugri en matvæli sem eru lífrænt ræktuð, sagði David King, helsti vísindaráðgjafi bresku ríkisstjórnarinnar, í gær. King sagði það ljóst að áhyggjur manna af erfðabreyttum matvælum ættu ekki við rök að styðjast. Hann sagði jafnframt að mikil fólksfjölgun og loftslagsbreytingar myndu hafa neikvæð áhrif á landsvæði sem nýtt er til matarræktar. Því gæti erfðafræði verið góð lausn til að tryggja nægt framboð af matvælum í framtíðinni.

Erlent

Bangsakennarinn orðin tilefni milliríkjadeilu

Mál breska kennarans Gillian Gibbons og bangsans Múhameð er orðið að alvarlegri milliríkjadeilu Breta og Súdana. Gillian á yfir höfði sér ákæru fyrir að svívirða múslima en hún gaf sjö ára gömlum nemendum sínum leyfi til þess að nefna bangsann sinn Múhameð.

Erlent

Von í Annapolis

Friðarfundur Miðausturlanda í Marylandríki í Bandaríkjunum er endir byrjunar friðarferlis á svæðinu, ekki endilega byrjunin á endinum. Nú er framundan mikið og erfitt ferli þar sem óleyst deilumál þurfa að fá einhverja lausn; landamæri Ísraels, nýtt ríki Palesínu, Jerúsalem, landsnámsbyggðir Ísraela og palestínskir flóttamenn.

Erlent

Mikill viðbúnaður í París vegna hugsanlegra óeirða

Lögreglan í París verður með mikinn viðbúnað í kvöld þar sem óttast er að til óeirða komi í einu af úthverfum borgarinnar þriðja kvöldið í röð. Forsætisráðherrann Francois Fillon hefur kallað ungmennin sem staðið hafa fyrir óeirðunum glæpamenn.

Erlent

Dýr málsverður

Yfirmaður umferðardeildar lögreglunnar í Rómarborg hefur verið rekinn. Ekki aðeins lagði hann bíl sínum ólöglega heldur setti hann í gluggakistuna heimildarskírteini fyrir fatlaða til að leggja.

Erlent

McCann hjónin eru peningalaus

Peningasjóðurinn sem Kate og Gerry McCann hafa safnað til þess að greiða fyrir leitina að dóttur þeirra er að tæmast. Madeleine hvarf í Portúgal í byrjun maí. Fyrst eftir að það gerðist streymdu peningar inn til foreldra hennar svo þau gætu leitað að henni en verulega hefur dregið úr framlögum í sjóðinn. Hann nemur nú um 130 milljónum íslenskra króna.

Erlent

Í kulda og trekki

Átján milljónum fleiri karlmenn en konur á giftingaaldri búa í Kína. Þetta ójafnvægi er að mestu til komið vegna þeirrar stefnu stjórnvalda að banna hjónum að eignasts fleiri en eitt barn.

Erlent

Bresk kennslukona fangelsuð í Súdan

Breskur grunnskólakennari, Gillian Gibbons, var nýlega handtekin í Súdan, sökuð um að svívirða samfélag múslima, með því að leyfa nemendum sínum að nefna bangsann sinn Múhameð í höfuðið á spámanninum.

Erlent

Lokatilraun til að elta uppi Nasista

Hafin er lokatilraun til að elta uppi og lögsækja fyrrverandi stríðsglæpamenn Nasista úr síðari heimsstyrjöldinni. Verkefnið er kallað "Lokatækifærið" og er skipulagt af stofnun Símons Wiesenthal. Barátta þeirra er háð með auglýsingum og með því að bjóða þeim peningaverðlaun sem veita gagnlegar upplýsingar um Nasista. Lokatilraunin er háð í Chile, Úrugvæ, Argentínu og Brasilíu en talið er að fjölmargir Nasistar hafi flúið þangað eftir seinni heimsstyrjöldina.

Erlent

Mest lesið