Erlent

78% Þjóðverja vilja Grikkland af evrusvæðinu

Wolfang Schäuble, fjármálaráðherra Þýskalands, tjáði sig um stöðu Grikklands innan Evrópusambandsins í samtali við dagblaðið Bild am Sonntag í gær. Í viðtalinu ráðlagði Schäuble Grikkjum og sagði að þeir þyrftu að hætta að biðja um meiri aðstoð og snúa sér frekar að því að framkvæma gefin loforð.

Erlent

Uppgötvuðu undarlegt sólkerfi

Stjörnufræðingar hafa uppgötvað afar sérkennilegt sólkerfi í um 1.200 ljósára fjarlægð frá Jörðinni. Þar má finna tvær gerólíkar reikistjörnur, gasrisa og berghnött, á óvenju nálægum sporbrautum sem snúast á ógnarhraða um stjörnuna Kepler-36.

Erlent

Þrekvirki kínverskra geimfara

Blað var brotið í sögu kínverskra geimferða þegar Shenzhou-9 geimflaugin lagði að Tiangong-1 rannsóknarstöðinni. Geimfararnir notuðust ekki við sjálfvirkan búnað líkt og venja er, þess í stað var handstýring ferjunnar notuð.

Erlent

Úrslitin kynnt á morgun

Úrslit forsetakosninganna í Egyptalandi verða kunngjörð á morgun. Þetta tilkynnti kjörstjórn Egyptalands í dag.

Erlent

Mugly er ljótastur

Hvuttinn Mugly hefur verið valinn ljótasti hundur veraldar. Hann sigraði 28 forljóta hunda í Norður-Karólínu í gær og fékk að launum þúsund dollara sem og ársbirgðir af hundasnakki.

Erlent

Hitað upp fyrir alþjóðlega lúftgítarmótið

Aristóteles bar sigur úr býtum í lúftgítarkeppninni í New York á dögunum. Gítarhetjan mætir ellefu rokkurum í Colorado í næsta mánuði en þeir munu berjast um sæti á alþjóðlega lúftgítarmótinu í Finnlandi.

Erlent

Þorparinn í 2 Guns opinberaður

Sjónvarpsleikarinn Edward James Olmos hefur gengið til liðs við Baltasar Kormák og kemur til með að leika þorparann í næstu kvikmynd hans, 2 Guns.

Erlent

Ný ríkisstjórn í Sýrlandi

Bashar al-Assad, forseti Sýrlands, tilkynnti í dag að ný stjórn hefði verið mynduð í Sýrlandi. Þingkosningar fóru fram í landinu fyrir tveimur mánuðum en stjórnarandstaðan sniðgekk kosningarnar alfarið.

Erlent

Fótboltaþjálfari sekur um að brjóta gegn 10 drengjum

Fyrrverandi fótboltaþjálfari í ameríska fótboltanum, Jerry Sandusky, hefur verið dæmdur fyrir ítrekuð kynferðisbrot. Sandusky, sem er 68 ára gamall, var fundinn sekur um að hafa brotið gegn 10 drengjum á fimmtán ára tímabili. Alls var hann sakfelldur fyrir 45 ákæruliði af 48, að því er fram kemur á vef bresku fréttastöðvarinnar BBC. Búist er við því að Sandusky áfrýji dómnum en hann gæti átt yfir höfði sér allt að lífstíðarfangelsi. Sandusky þjálfaði fótboltalið háskólans í Pennsylvaníufylki um árabil.

Erlent

Bretadrottning hittir fyrrverandi hryðjuverkaleiðtoga

Martin McGuinnes, fyrrverandi leiðtogi hryðjuverkasamtakanna IRA, mun hitta Elísabetu Bretlandsdrottningu í tveggja daga heimsókn hennar til Norður Írlands í næstu viku. Breska blaðið Daily Telegraph segir að McGuinnes áformi að taka í hönd Elísabetar. Það verður gríðarlega stór áfangi í friðarferli á Norður-Írlandi, þar sem bardagar geysuðu á hverjum degi fyrir fáeinum árum. Enn hefur ekki verið ákveðið hvort McGuinnes og Elísabet munu takast í hendur í augsýn almennings eða ekki.

Erlent

Dæmdur vegna hryðjuverka á Balí

Umar Patek, 45 ára meðlimur í Al-Kaída hryðjuverkasamtökunum var á fimmtudag dæmdur í 20 ára fangelsi fyrir að hafa smíðað bílsprengju sem notuð var til að sprengja skemmtistað á indónesísku eyjunni Balí árið 2002. Alls létust 202 í sprengingunni, þar á meðal 88 Ástralar og sjö Bandaríkjamenn.

Erlent

Elstu merki um notkun á mjólk

Efnafræðilegar rannsóknir á leifum af ílátum sem talin eru um 7.000 ára gamlar sýna að fólk í Norður-Afríku var byrjað að nýta sér mjólk úr nautgripum mun fyrr en áður hefur verið sýnt fram á, mögulega til að bregðast við þurrkum á svæðinu.

Erlent

Fundu fimmtíu beinagrindur

Fornleifafræðingar í Ástralíu fundu um fimmtíu beinagrindur af svokölluðum risavömbum í Queensland í gær. Beinin munu líklega gefa vísindamönnum betri skýringar á því hvers vegna tegundin dó út.

Erlent

Krafðist sýknu við lok réttarhaldanna

Tíu vikna réttarhöldum yfir hryðjuverkamanninum Anders Behring Breivik lauk fyrir rétti í Ósló í gær. Breivik hélt lokaávarpið í réttarhöldunum þar sem hann krafðist þess að vera látinn laus og hélt því fram að sagan myndi hreinsa hann af áburði. Fjölmargir áhorfendur í salnum yfirgáfu hann áður en Breivik hóf að tala.

Erlent

Mega ekki framselja vald sitt

Hæstiréttur í Arkansasríki í Bandaríkjunum hefur dæmt lög um dauðarefsingar þar ógild og segir þau ekki standast stjórnarskrá. Tíu fangar sem bíða þess að dauðadómi þeirra verði fullnægt höfðu áður gagnrýnt lögin.

Erlent

Talibanar réðust á borgara

Vígbúnir talibanskir uppreisnarmenn réðust inn í hótel norður af Kabúl, höfuðborg Afganistans, og skutu á gesti í gær. Átján féllu, flestir þeirra óbreyttir borgarar.

Erlent

Stjórnarskrá Washingtons seldist á hundruð milljóna

Eintak af bandarísku stjórnarskránni sem var í eigu George Washington seldist nýverið á 10 milljónir bandaríkjadala. Upphæðin nemur rétt tæplega 1300 milljónum íslenskra króna. Bókin var prentuð árið 1789, eða fyrsta árið sem George Washington sat í embætti. Fyrirfram var áætlað að bókin færi á einungis tvær til þrjár milljónir bandaríkjadala en niðurstaða uppboðsins varð allt önnur. Sagnfræðingar segja að það séu glósur sem Washington skrifar sjálfur í bókina sem geri hana svo verðmæta. Forsetinn hafi verið vel meðvitaður um það fordæmi sem hann myndi setja þeim forsetum sem fylgdu á eftir.

Erlent

Mest lesið