Erlent

Kidman leikur Grace Kelly

Stórleikkonan Nicole Kidman mun leika í nýrri mynd um Óskarsverðlaunaleikkonuna Grace Kelly, sem siðar varð prinsessan af Mónako. Myndin mun bera titilinn Grace of Mónako og fjalla um sex mánaða tímabil í lífi hennar á árinu 1962, þegar Charles de Gaulle og Rainier III fursti stóðu í deilum um Mónako.

Erlent

Breivik ánægður með að vera metinn sakhæfur

Geir Lippestad, verjandi norska fjöldamorðingjans Anders Behring Breivik, segir að umbjóðandi sinn sé afar ánægður með nýtt geðmat þar sem segir að hann sé sakhæfur. Hann hafi margoft haldið því fram sjálfur að hann sé heill á geði og því sé honum létt með nýja matið, en í fyrra geðmatinu sem hann gekkst undir var það álit lækna að hann væri geðveikur og því ósakhæfur.

Erlent

Segja að Breivik sé sakhæfur

Anders Behring Breivik, fjöldamorðingi í Noregi, er sakhæfur samkvæmt niðurstöðum nýrrar geðrannsóknar. Nýja geðrannsóknin er unnin af læknunum Agnar Aspaas og Terje Törrissen. Skýrslan hefur ekki enn verið gerð opinber en norskir fjölmiðlar fullyrða að hann sé sakhæfur samkvæmt nýja matinu.

Erlent

Dregur úr glæpum en morðum á lögreglumönnum fjölgar mikið

Ný bandarísk skýrsla leiðir í ljós að dregið hefur úr ofbeldisglæpum í landinu síðustu ár. Hinsvegar fjölgar morðum á lögreglumönnum mikið. Skýrslan er gerð af bandarísku alríkislögreglunni og þar kemur fram að 72 lögreglumenn hafi verið drepnir við skyldustörf árið 2011, sem er 25 prósenta aukning frá árinu á undan.

Erlent

Má framselja Abu Hamza til Bandaríkjanna

Mannréttindadómstóll Evrópu í Strasbourg úrskurðaði í morgun að öfgapredikarann Abu Hamza megi framselja til Bandaríkjanna þar sem hann hefur verið kærður fyrir að standa að hryðjyuverkum. Dómstóllinn úrskurðaði á sama veg hvað varðar fjóra aðra grunaða hryðjuverkamenn sem hafa verið í haldi í Evrópu. Abu Hamza var á sínum tíma dæmdur í sjö ára fangelsi í Bretlandi fyrir að hvetja til hryðjuverka og nú vilja Bandaríkjamenn ná í hann fyrir svipaðar sakir.

Erlent

Breyta flugáætlunum vegna eldflaugarskots

Þrjú flugfélög í Asíu, tvö frá Japan og eitt frá Filippseyjum hafa ákveðið að breyta flugleiðum sínum til þess að koma í veg fyrir að vélar þeirra eigi á hættu að verða fyrir Norður Kóreskri eldflaug sem stendur til að skjóta á loft einhvern tíma í þessari viku.

Erlent

Mannskæð árás í Afganistan

Að minnsta kosti níu eru látnir og tuttugu særðir í Herat héraði í Afganistan í morgun þar sem sjálfsmorðsárás var gerð á stjórnsýslubyggingu. Mikill fjöldi fólks var þar saman kominn til þess að fá viðtal við stjórnmálamenn svæðisins og greina fregnir sjónarvotta frá því að tveir árásarmenn hafi ekið upp að byggingunni á jeppum sem þeir hafi síðan sprengt í loft upp.

Erlent

Tvö flugmóðurskip á Persaflóa

Yfirmenn bandaríska flotans staðfestu í gær að þeir hefðu sent bandaríska flugmóðurskipið Enterprise á Persaflóa. Þar var fyrir annað flugmóðurskip, og þykir víst að hernaðaruppbyggingin tengist kjarnorkuáætlun Íran.

Erlent

Lítil von talin á vopnahléi í dag

Gærdagurinn var einn sá blóðugasti í langan tíma í Sýrlandi, þrátt fyrir að stefnt hafi verið að því að vopnahlé hæfist þar í dag. Aðgerðasinnar segja að í það minnsta 100 manns hafi látið þar lífið í gær.

Erlent

Aukning koltvísýrings olli endalokum ísaldar

Ný rannsókn þykir sýna að aukið magn koltvísýrings í andrúmsloftinu hafi valdið endalokum síðustu ísaldar. Aukning koltvísýrings í andrúmsloftinu síðustu hundrað ár er svipuð og aukningin sem batt enda á ísöldina.

Erlent

Frídagarnir milljarða virði

Þjóðarframleiðsla í Bretlandi myndi aukast um nítján milljarða punda á ári ef lögbundnir frídagar yrðu afnumdir. Það jafngildir um 3.800 milljörðum íslenskra króna.

Erlent

Í fangelsi fyrir bílastæðabrot

Bílastæðayfirvöld í Kaupmannahöfn og samtök fatlaðra hafa tekið höndum saman til að koma í veg fyrir misnotkun á bílastæðum fyrir fatlaða. Þetta kemur fram hjá danska ríkisútvarpinu. Mögulegt er að þeir sem leggja ólöglega í slík stæði verði dæmdir í fangelsi.

Erlent

Fljótandi eyjar í sjónmáli

Víða um heim eru arkitektar og borgarskipuleggjendur að leita nýstárlegra lausna fyrir þau fjölmörgu svæði á jörðinni sem búast má við að fari annað hvort varanlega á kaf þegar yfirborð sjávar hækkar vegna loftslagshlýnunar eða tímabundið þegar flóð steðja að vegna óstöðugs veðurlags.

Erlent

Fornmenn stálu bráð frá ljónum

Rannsóknir á heillegu hræi af ungum mammúti sýna að bæði ljón og menn áttu þátt í dauða hans á sléttum Síberíu fyrir um 10 þúsund árum. Það þykir benda til þess að hópar veiðimanna hafi stolið bráð af ljónum, samkvæmt frétt BBC.

Erlent

Prenta súkkulaði í þrívídd

Nýr súkkulaðiprentari gæti umbylt súkkulaðiframleiðslu þegar hann kemur á markað seinni partinn í apríl, segir í frétt BBC. Hönnuðir tækisins treysta á að eftirspurnin verði mikil þó páskarnir verði liðnir með tilheyrandi súkkulaðiáti.

Erlent

Hrikalegt ástand í Sýrlandi

Óttast er að átökin í Sýrlandi kunni að stigmagnast eftir að til skotbardaga kom milli stjórnarhermanna og uppreisnarmanna við landamæri Tyrklands og Sýrlands. Hermennirnir eru sakaðir um að hafa skotið yfir landmærin með þeim afleiðingum að einn flóttamaður féll og fimm særðust.

Erlent

Er hugsanlega faðir 600 barna

Grunur leikur á að Bertold Wiesner, breskur vísindamaður, sem setti upp tæknifrjóvgunarstofu ásamt eiginkonu sinni á fimmta áratug síðustu aldar sé faðir allt að sex hundruð barna sem urðu til með hjálp stofunnar. Þetta sýna niðurstöður rannsókna tveggja manna sem þegar hafa fengið úr því skorið að þeir eru líffræðilegir synir mannsins. Um er að ræða 2/3 af öllum þeim börnum sem komu í heiminn fyrir tilstuðlan stofunnar.

Erlent

Farþega Titanic minnst í sérstakri siglingu

Breska farþegaskipið Balmoral lagði í gær af stað í sérstaka siglingu til að minnast þeirra sem létu lífið í Titanic slysinu fyrir hundrað árum. Uppselt var í ferðina en skipið mun sigla sömu leið og Titanic gerði í jómfrúarferð sinni.

Erlent

Ættingjar leggja í minningarsiglingu um Titanic

Ættingjar þeirra sem létust þegar breska farþegaskipið RMS Titanic sökk í sæ héldu í sjóferð í dag til minningar um fórnarlömbin. Sunnudaginn 15. apríl næstkomandi verða hundrað ár liðin frá því að Titanic sökk.

Erlent

Blaðamaðurinn Mike Wallace látinn

Blaðamaðurinn fyrrverandi Mike Wallace lést í dag. Hann var 93 ára gamall. Síðustu ár hafði Wallace þurft að glíma við ýmsa heilsukvilla. Árið 2008, þá 90 ára gamall, þurfti Wallace að gangast undir hjartaskurðaðgerð.

Erlent

Tveir handteknir í Tulsa

Lögreglan í Oklahoma í Bandaríkjunum hefur handtekið tvo menn sem grunaðir eru um að hafa skotið fimm manns á föstudagskvöldið, þar af þrjá til bana, í borginni Tulsa.

Erlent

Páfi messar á Péturstorgi í dag

Benedikt Páfi 16. heldur páskamessu sína á Péturstorgi í Páfagarði í dag. Í aftanmessu sinni í gær sagði Páfi að skuggi hafi fallið á gjörvallt mannkyn á síðustu árum.

Erlent

Mest lesið