Erlent

Margaret Thatcher er látin

Margaret Thatcher, fyrrverandi forsætisráðherra Bretlands er látin, 87 ár að aldri. Það er breska ríkisútvarpið sem hefur þetta eftir talsmanni hennar. Thatcher var forsætisráðherra Bretlands á árunum 1979 - 1990. Hún var fyrsta konan til að gegna þessu embætti á Bretlandi. Hún varð þingmaður árið 1959 og lét af þingmennsku 1992. Hún átti við heilsubrest að stríða síðustu æviár sín. Meryl Streep fór með hlutverk Thatchers í nýlegri mynd sem gerð var um ævi hennar.

Erlent

Konungur Noregs yfir­gaf höll sína þegar brunarvarnarkerfi fór í gang

Haraldur Noregskonungur og Sonja konan hans þurftu að yfirgefa konungshöllina í morgun þegar brunavarnarkerfið fór í gang. Allt starfsfólk konungshirðarinnar yfirgaf einnig höllina með konungshjónunum. Ola Krokan, varðstjóri hjá lögreglunni í Osló, segir að konungshjónin hafi þegar verið búin að yfirgefa höllina þegar slökkviliðið og lögregla komu á vettvang. Enginn eldur reyndist vera í húsinu, en kerfið fór í gang þegar vifta bilaði. Haraldur kóngur var á fundi með forseta Litháen þegar kerfið fór í gang.

Erlent

WikiLeaks ætlar að birta ný leyniskjöl

Uppljóstrunarsamtökin WikiLeaks ætlar í dag að opinbera meira en 1,7 milljónir skjala úr utanríkisþjónustu- og leyniþjónustu Bandaríkjanna. Julian Assange, leiðtogi samtakanna. Skjölin eru frá áttunda áratug síðustu aldar og verða skjölin sett á vefsíðu WikiLeaks. Skjölin eru dagsett frá 1973 til 1975 og þar á meðal eru skjöl sem Henry Kissinger, þáverandi utanríkisráðherra Bandaríkjanna, hafði undir höndum. Assange situr nú í stofufangelsi í sendiráði Ekvadórs í Lundúnum.

Erlent

Tíu börn fórust í árás Nató

Tólf almennir borgarar, þar af tíu börn, létust í loftárás Nato í austurhluta Afganistan í nótt. Þetta kemur fram á vef breska ríkisútvarpsins.

Erlent

Geislavirkt vatn lak út úr kjarnorkuveri

Talið er að 120 tonn af geislavirku vatni hafi lekið úr Fukushima-kjarnorkuverinu á síðustu dögum. Vatnið, sem notað var til að kæla kjarnakljúfa versins, seitlaði ofan í jarðveginn úr vatnsgeymum.

Erlent

Johnn Kerry til Tyrklands

Utanríkisráðherra Bandaríkjanna, John Kerry, er nú í opinberri heimsókn í Tyrklandi. Þar mun hann funda með ráðamönnum um málefni Sýrlands og áætlun um frið í Austurlöndum nær.

Erlent

Spenntari fyrir Gangnam Style

Almenningur í Suður-Kóreu lætur ekki spennuna í samskiptum við nágrannana í norðri á sig fá, enda hafa þeir áður upplifað slíkar hótanir.

Erlent

Risastórt verkefni NASA

Vísindamenn bandarísku geimferðastofnunarinnar munu á næstu árum freista þess að snara nokkur hundruð tonna smástirni og draga í átt að jörðu. Markmiðið er að rýna í efnasamsetningu slíkra steina og um leið auðvelda mannkyni að verjast mögulegum loftsteinaárekstri í framtíðinni.

Erlent

Hvað er "dogging"?

Mick Philpott, sem dæmdur var í lífstíðarfangelsi í Englandi í gær fyrir að verða valdur að dauða sex barna sinna í íkveikju, tók reglulega þátt í afbrigðilegri kynlífsathöfn sem Bretinn kallar "dogging".

Erlent

Norður-Kórea bætir í kjarnorkuhótanir

Eftir yfirlýsingar yfirvalda í Norður-Kóreu síðustu vikur eykst spennan á Kóreuskaga sífellt. Stjórnvöld í Pjongjang hafa áður beitt svipuðum meðulum til að fá fjárhagsaðstoð og annað. Flest bendir til þess að hið sama sé uppi á teningnum nú.

Erlent

Heldur sig frá hlaupabrautinni

Oscar Pistorius, suður-afríski spretthlauparinn, sem grunaður er um að hafa myrt kærustu sína í febrúar síðastliðnum, er ekki farinn að æfa aftur, hefur bandaríska fréttastofan CNN eftir frænda hans.

Erlent

Heimsfaraldur ekki í nánd

Ekki er talin hætta á að heimsfaraldur brjótist út þrátt fyrir að fuglaflensan H7N9 hafi dregið sex manns til dauða í Kína síðustu vikur. Alþjóðlega heilbrigðismálastofnunin segir að veiran berist ekki frá manni til manns.

Erlent

Mest lesið