Erlent

Ammon Bundy og félagar handteknir í Oregon

Til skotbardaga kom í nótt þegar Alríkislögreglan bandaríska réðst til atlögu gegn vopnuðum hópi manna sem hafa haft skrifstofur náttúruverndarstofnunar í Oregon á sínu valdi um nokkurra vikna skeið. Einn mannanna féll í átökunum og annar særðist en leiðtogi þeirra, Ammon Bundy, er nú í haldi lögreglu ásamt sex öðrum félögum sínum.

Erlent

Köstuðu reyksprengjum í átt að lögreglu

Verkföll flugumferðarstjóra, leigubílstjóra og starfsmanna hins opinbera um gjörvallt Frakkland í gær lömuðu samgöngur í landinu. Illa var hægt að komast á stærstu flugvelli landsins, meðal annars Charles de Gaulle í París. Tugum flugferða var því frestað.

Erlent

Hækkun yfirborðs sjávar meiri en áður var talið

Vísindamenn hafa til þessa vanmetið hækkun yfirborðs sjávar sem rakin er til hlýnunar jarðar og gæti hækkunin jafnvel verið tvöfalt meiri en áður hefur verið talið. Þetta eru niðurstöður rannsóknar sem þýskir vísindamenn gerðu og voru birtar í virtu vísindatímariti í gær.

Erlent

Sænska aðgerðasinnanum sleppt úr haldi í Kína

Sænskur aðgerðasinni sem setið hefur í varðhaldi í Kína frá því í byrjun janúar hefur verið látinn laus. Peter Dahlin var handtekinn þegar kínverska lögreglan gerði rassíu á meðal aðgerðarsinna og lögfræðinga sem hafa látið sig mannréttindi í landinu varða. Í síðustu viku kom hann fram í kínverskum miðlum og játaði á sig margvísleg brot. Nú hefur Dahlin verið sleppt og hann sendur rakleiðis úr landi.

Erlent

Sótt að Dönum á Evrópuþingi

Tveir ráðherrar úr dönsku stjórninni sátu undir harkalegri gagnrýni frá þingmönnum Evrópuþingsins í gær, þar sem áform Dana um að taka fé af flóttafólki voru til umræðu.

Erlent

Mest lesið