Sport

Barry ekki með Englendingum á EM | Jagielka kallaður inn

Meiðslin sem Gareth Barry, miðjumaður Manchester City og enska landsliðsins varð fyrir í æfingaleiknum gegn Norðmönnum um helgina, munu koma í veg fyrir þáttöku hans á Evrópumótinu í sumar.

Matthías með mark í sigri Start

Matthías Vilhjálmsson, leikmaður Start í Noregi, var á skotskónum þegar liðið vann góðan 3-0 sigur á Bodö/Glimt í norsku fyrstu deildinni í dag.

Margrét Lára skoraði þegar Potsdam tryggði sér titillinn

Potsdam, lið íslensku landsliðskonunnar, Margrétar Láru Viðarsdóttur, tryggði sér í dag titillinn í þýska boltanum með stórsigri, 8-0 á Leipzig, í lokaumferð þýsku úrvalsdeildarinnar.

Chelsea að vinna kapphlaupið um Hazard

Eden Hazard, leikmaður Lille í Frakklandi, er sagður hafa ákveðið að ganga til liðs við Chelsea í stað Manchester liðanna í sumar, eftir miklar vangaveltur um framtíð hans á undanförnum vikum.

Hamilton ósáttur við gengi McLaren | vill taka skref fram á við

Breski ökuþórinn Lewis Hamilton er alls ekki sáttur við gang mála hjá keppnisliðinu McLaren eftir keppnina í Mónakó. Hamilton endaði í fimmta sæti og liðsfélagi hans Jenson Button féll úr keppninni. Hamilton krefst þess að McLaren liðið fari að taka skref fram á við eftir afleitt gengi að undanförnu.

Hvítasunnuviðtal: Ýktu veiðisögurnar eru skemmtilegri

Donald efstur á heimslistanum | 120 milljónir kr. fyrir sigurinn

Enski kylfingurinn Luke Donald sigraði á BMW meistaramótinu sem er hluti af Evrópumótaröðinni. Með sigrinum náði Donald efsta sæti heimslistans á ný og hann fékk um 120 milljónir kr. fyrir sigurinn í verðlaunafé. Donald á enn eftir að landa sigri á einu af risamótunum fjórum sem fram fara árlega og hann ætlar sér að brjóta ísinn sem allra, allra fyrst.

Franchitti fagnaði sigri í Indy 500 | afdrifarík mistök hjá Sato

Skoski ökumaðurinn Dario Franchitti sigraði í Indy 500 kappakstrinum sem fram fór í Indianapolis í gær. Mótið er eitt það þekktasta í kappakstursíþróttinni og var þetta í 96. sinn sem keppnin fer fram. Franchitti þurfti að hafa mikið fyrir sigrinum en þetta er í þriðja sinn sem hann vinnur þessa keppni.

Sol Campbell ráðleggur stuðningsmönnum Englands að vera heima

Keppni á Evrópumeistaramótinu í knattspyrnu hefst eftir 11 daga en keppnin fer fram að þessu sinni í Póllandi og Úkraínu. Margir hafa áhyggjur af hvernig tekið verður á móti áhorfendum í þessum löndum og hafa fjölskyldur tveggja enskra landsliðsmanna ákveðið að verða eftir á Englandi vegna fjölmargra mála sem komið hafa upp í tengslum við kynþáttaníð í Úkraínu og Póllandi.

Þjálfari meistaraliðs Juventus yfirheyrður af lögreglu

Ítalska lögreglan hefur handtekið fyrirliða fótboltaliðsins Lazio, Stefano Mauri og Omar Milanetto fyrrum leikmann Genoa vegna gruns um að þeir hafi tekið þátt í að hagræða úrslitum í leikjum í ítalska fótboltanum. Þjálfari Ítalíumeistaraliðs Juventus, Antonio Conte, var yfirheyrður af lögreglunni í tengslum við þetta mál samkvæmt frétt Reuters.

NBA: Sigurganga San Antonio heldur áfram | 19 sigurleikir í röð

Sigurganga San Antonio Spurs í úrslitakeppni NBA deildarinnar heldur áfram. Í nótt hafði San Antonio betur gegn Oklahoma City Thunder, 101-99, í fyrstu viðureigninni i úrslitum Vesturdeildar. Argentínumaðurinn Manu Ginobili var stigahæstur í liði San Antonio með 26 stig og þar af skoraði hann 11 stig í fjórða leikhluta.

Veiði hafin í Hítarvatni

Veiði hófst í Hítarvatni um helgina og fljótlega hefst veiði veiði í Langavatni á Mýrum og Hólmavatni á Hólmavatnsheiði í Dölum.

Grátleg niðurstaða eftir hetjulega baráttu | Myndaveisla

Leikmenn íslenska karlalandsliðsins í knattspyrnu gengu svekktir af velli að loknu 3-2 tapi gegn Frökkum í Valenciennes í kvöld. Íslenska liðið var örfáum mínútum frá því að skrá sig í sögubækurnar en tvö mörk undir lokin gerðu út um þá skráningu.

Birkir Bjarnason: Ég hefði ekki átt að renna mér

"Við erum auðvitað svolítið svekktir en stemmningin er allt í lagi," sagði Birkir Bjarnason sem átti frábæran leik í sókninni hjá Íslandi gegn Frökkum í kvöld.

Lars Lagerbäck: Malouda og Ribery réðu úrslitum

"Stemmningin er frekar dauf myndi ég segja. Það er alltaf erfitt að tapa í lokin líkt og í kvöld," sagði Lars Lagerbäck landsliðsþjálfari Íslands í samtali við Vísi í kvöld.

Dominik Klein: Besta tilfinningin á ferlinum

Þýski hornamaðurinn Dominik Klein var greinilega stoltur og hrærður yfir árangri Kiel sem varð í dag Evrópumeistari í handbolta eftir sigur á Atletico Madrid í úrslitaleik Meistaradeildar Evrópu.

Alfreð: Hrikalega stoltur

"Ég er alveg hrikalega stoltur. Það eina sem ég átti eftir að vinna var þrennan og ég náði henni í dag. Þetta er því stórkostlegt.“

Del Bosque skildi De Gea og Soldado eftir heima

Vincent Del Bosque, landsliðsþjálfari Spánverja, hefur tilkynnt 23 manna hóp sinn fyrir Evrópumótið í knattspyrnu. Mesta athygli vekur að markamaskína Valencia, Roberto Soldado, var ekki valinn í hópinn.

Aron: Þakklátur fyrir að vera hluti af þessu liði

Aron Pálmarsson varð í dag Evrópumeistari með Kiel eftir sigur á Atletico Madrid í úrslitaleik Meistaradeildar Evrópu. Hann sagði í viðtali við Vísi í gær að það hafi verið ólýsanleg tilfinning að fá að lyfta styttunni eftirsóttu.

Eimskipsmótaröðin: Birgir Leifur sigraði eftir harða baráttu

Birgir Leifur Hafþórsson úr GKG sigraði á fyrsta mótinu á Eimskipsmótaröðinni í golfi með glæsilegum lokahring. Birgir lék Hólmsvöllinn í Leiru á 68 höggum í dag eða fjórum höggum undir pari. Guðmundur Ágúst Kristjánsson úr GR lék reyndar betur en Birgir í dag en Guðmundur var nálægt því að jafna vallarmetið. Guðmundur lék á 66 höggum í dag eða 6 höggum undir pari og endaði hann í öðru sæti á -2 samtals. Hlynur Geir Hjartarson varð þriðji á 2 höggum yfir pari vallar samtals.

Eimskipsmótaröðin: Þetta var fullkomið golfhögg

"Þetta var fullkomið golfhögg,“ sagði Einar Haukur Óskarsson kylfingur úr Keili sem gerði sér lítið fyrir og fór holu í höggi á 13. braut Hólmsvallar í Leiru í dag á Eimskipsmótaröðinni í golfi. Það sem er merkilegt við höggið hjá Einari er að hann er fyrsti kylfingurinn sem nær draumahögginu af hvítum teigum á þessum velli enda er þessi par 3 braut ekkert lamb að leika sér við. Um 210 metra löng

Ólafía Þórunn: Sátt við sigurinn | Tekur tíma að komast í íslenska gírinn

"Ég er sátt við sigurinn og sérstaklega þar sem ég var með 36 pútt, ég hefði viljað hafa þau færri. Ég er búinn að jafna þetta vallarmet tvisvar og ég var aðeins farin að velta því fyrir mér að reyna að bæta það eftir að hafa verið þrjá undir pari eftir 9 holur,“ sagði Ólafía Þórunn Kristinsdóttir eftir sigurinn á fyrsta mótinu á Eimskipsmótaröðinni í golfi á þessu tímabili.

Byrjunarlið Íslands gegn Frökkum | Aron Einar fyrirliði

Lars Lagerbäck, þjálfari íslenska landsliðsins í knattspyrnu, hefur tilkynnt byrjunarliðið sem mætir Frakklandi í æfingaleik í Valenciennes í kvöld.

Donovan með þrennu í stórsigri Bandaríkjanna á Skotum

Landon Donovan skoraði þrennu fyrir Bandaríkjamenn sem unnu 5-1 stórsigur á Skotlandi í Dallas í nótt.

Eimskipsmótaröðin: Ólafía sigraði og jafnaði| vallarmetið á Hólmsvelli

Ólafía Þórunn Kristinsdóttir úr GR sigraði á fyrsta móti keppnistímabilsins á Eimskipsmótaröðinni í golfi í kvennaflokki. Íslandsmeistarinn í höggleik virðist kunna vel við sig á Hólmsvelli í Leiru því hún jafnaði vallarmetið í dag með því að leika á 69 höggum eða 3 höggum undir pari.

Frábær akstur hjá Rosberg en ólánið elti Schumacher

Liðsfélagarnir og Þjóðverjarnir Nico Rosberg og Michael Schumacher hjá Mercedes áttu ólíku gengi að fagna í Mónakó-kappakstrinum í dag.

Ólafur: Markmiðið að vera geðveikur á Ólympíuleikunum

Ólafur Stefánsson leikmaður AG viðurkenndi að það hefði verið erfitt að rífa sig upp fyrir leikinn um 3. sætið eftir tapið í undanúrslitum gegn Atlético Madrid í Meistaradeild Evrópu í handbolta í gær.

Alonso í forystustætið eftir kappaksturinn í Mónakó

Spánverjinn Fernando Alonso hjá Ferrari hafnaði í þriðja sæti í Formúlu 1 kappakstrinum í Mónakó. Fyrir það hlaut hann fimmtán stig og tók forystu í stigakeppni ökuþóra með 76 stig.

Guðjón Valur: Gærkvöldið var mjög erfitt

Guðjón Valur Sigurðsson átti góðan seinni hálfleik með AG þegar að liðið tryggði sér bronsið í Meistaradeild Evrópu, eftir sigur á Füchse Berlin.

Eimskipsmótaröðin: Ólafía styrkir stöðu sína | vallarmetið er í hættu

Ólafía Þórunn Kristinsdóttir úr GR er með frábæra stöðu fyrir síðustu 9 holurnar í kvennaflokki á Eimskipsmótaröðinni í golfi. Íslandsmeistarinn lék fyrri 9 holurnar í dag á 33 höggum eða -3 og er hún samtals á +1.