Sport

Íþróttamaður ársins 2015 | Heildarniðurstöður kjörsins

Ingvi Þór Sæmundsson skrifar
Eygló (lengst til vinstri) með bronsmedalínuna sem hún fékk á HM í 25 metra laug fyrr í þessum mánuði.
Eygló (lengst til vinstri) með bronsmedalínuna sem hún fékk á HM í 25 metra laug fyrr í þessum mánuði. vísir/afp
Eins og fram kom á Vísi í kvöld var sundkonan Eygló Ósk Gústafsdóttir kjörinn Íþróttamaður ársins af Samtökum íþróttamanna en niðurstöður kosningarinnar voru kynntar við hátíðlega athöfn í Silfurbergi í Hörpu.

Eygló er fimmta konan sem hlýtur þessa viðurkenningu en áður höfðu Sigríður Sigurðardóttir (1964), Ragnheiður Runólfsdóttir (1991), Vala Flosadóttir (2000) og Margrét Lára Viðarsdóttir (2007) hlotið þetta sæmdarheiti.

Sjá einnig: Karlalandsliðið í fótbolta lið ársins | Heimir þjálfari ársins

Eygló átti frábært ár í sundlauginni og vann m.a. til tveggja bronsverðlauna á EM í 25 metra laug í Ísrael fyrr í þessum mánuði.

Eygló fékk 470 stig í kjörinu, 120 atkvæðum fleiri en næsti maður á lista, fótboltamaðurinn Gylfi Þór Sigurðsson sem var valinn Íþróttamaður ársins fyrir tveimur árum.

Sundkonan Hrafnhildur Lúthersdóttir lenti í 3. sæti í kjörinu, handboltamaðurinn Guðjón Valur Sigurðsson í því fjórða og Fanney Hauksdóttir, kraftlyftingakona úr Gróttu, endaði í 5. sæti. Körfuboltamaðurinn Jón Arnór Stefánsson, Íþróttamaður ársins 2014, endaði í 6. sæti í kjörinu.

Alls fengu 28 íþróttamenn atkvæði í kjörinu í ár en niðurstöður þess má sjá hér að neðan:

Íþróttamaður ársins 2015:

1. Eygló Ósk Gústafsdóttir (sund) 470 stig

2. Gylfi Þór Sigurðsson (fótbolti) 350

3. Hrafnhildur Lúthersdóttir (sund) 229

4. Guðjón Valur Sigurðsson (handbolti) 202

5. Fanney Hauksdóttir (kraftlyftingar) 139

6. Jón Arnór Stefánsson (körfubolti) 137

7. Aron Einar Gunnarsson (fótbolti) 128

8. Sara Björk Gunnarsdóttir (fótbolti) 63

9. Aníta Hinriksdóttir (frjálsar) 44

10. Helgi Sveinsson (íþr. fatlaðra) 29

11. Ragnar Sigurðsson (fótbolti) 16

12. Hannes Þór Halldórsson (fótbolti) 15

13. Aron Pálmarsson (handbolti) 12

14. Irina Sazanova (fimleikar) 9

15. Hanna Rún Bazev Óladóttir (dans) 8

16. Ásgeir Sigurgeirsson (skotfimi) 7

17. Dagný Brynjarsdóttir (fótbolti) 6

18. Birkir Bjarnason (fótbolti) 6

19. Ásdís Hjálmsdóttir (frjálsar) 5

20. Anton Sveinn McKee (sund) 5

21. Birgir Leifur Hafþórsson (golf) 4

22. Ólafía Þórunn Kristinsdóttir (golf) 4

23. Hlynur Bæringsson (körfubolti) 4

24. Þormóður Jónsson (júdó) 2

25. Helena Sverrisdóttir (körfubolti) 1

26. Júlían J. K. Jóhannsson (kraftlyftingar) 1

27. Guðbjörg Gunnarsdóttir (fótbolti) 1

28. Norma Dögg Róbertsdóttir (fimleikar) 1




Fleiri fréttir

Sjá meira


×