Erlent

Fréttamynd

Óeirðir víðar en í Frakklandi

Það er ekki bara í Frakklandi sem óeirðir geisa: Í Belgíu og Þýskalandi var kveikt í bílum í nótt og stjórnmálamenn í Evrópu óttast að óróinn í Frakklandi breiðist út. En hvernig stendur á því að svona mikil spenna hefur myndast undanfarin ár og jafnvel áratugi? Hver er ástæðan og hvað má læra af mistökum annarra?

Erlent
Fréttamynd

Tala látinna hækkar

Nú er ljóst að 18 manns fórust og um rúmlega hundruð manns eru slasaðir eftir að öflugur hvirfilbylur fór yfir suðvesturhluta Indiana fylkis og hluta Kentucky fylkis í Bandaríkjunum í nótt.

Innlent
Fréttamynd

Kosningar í Aserbædjan í dag

Íbúar Aserbædjan ganga til þingkosninga í dag. Ekki er reiknað með neinum breytingum, enda er stjórnarandstöðunni ekki leyft að starfa nema að afar takmörkuðu leyti. Kosningastjóra stærstu stjórnarandstöðuhreyfingarinnar var þó sleppt úr fangelsi í dag.

Erlent
Fréttamynd

Kínverjar lóga fiðurfénaði

Öllum fiðurfénaði í norðausturhluta Kína verður lógað fyrir mánudag til að hindra útbreiðslu fuglaflensu. Sautján hundruð embættismenn hafa verið sendir á staðinn með her- og lögregluvernd, til að lóga fuglunum, en þeir eru allt að ein milljón talsins.

Erlent
Fréttamynd

Sprengja sprakk í Mógadishu

Þrír létust og minnst tuttugu særðust þegar öflug sprengja sprakk í Mógadishu, höfuðborg Sómalíu í dag. Allt útlit er fyrir að um árás hafi verið að ræða og að ætlunin hafi verið að ráða forsætisráðherrann Mohammad Al Gedi af dögum.

Erlent
Fréttamynd

Engin fríverslunarsamningur

Tveggja daga leiðtogafundi Ameríkuríkja lauk í gær án nokkurs samkomulags um fríverslun milli álfanna. Andstaða fimm ríkja undir forystu Hugos Chavez, forseta Venesúela réði þar úrslitum.

Erlent
Fréttamynd

Versta nóttin hingað til

Ekkert lát er á óeirðunum í Frakklandi. Þrettán hundruð bílar voru brenndir og kveikt var í skólum, verslunum, lögreglustöðvum og pósthúsum í nótt. Þetta er versta nótt óeirðanna til þessa, hin tíunda í röð.

Erlent
Fréttamynd

Óeirðirnar versna enn

Þrettán hundruð bílar voru brenndir og kveikt var í skólum og pósthúsi í Frakklandi í gærkvöldi. Þetta er versta kvöld óeirðanna til þessa, hið tíunda í röð, en lögregla handtók á fjórða hundrað brennuvarga.

Erlent
Fréttamynd

Írakskur stjórnmálamaður í lífshættu

Hátt settur stjórnmálamaður úr röðum Súnníta slasaðist alvarlega í dag, þegar vopnaðir menn réðust að bifreið hans og hófu skothríð. Maðurinn varð fyrir fimm skotum í handleggi og brjóstkassann og er enn í lífshættu.

Erlent
Fréttamynd

Crusader í farbanni

Fraktskipið Crusader hefur verið úrskurðað í farbann frá Noregi á meðan á rannsókn á kókaínsmygli stendur yfir. Talið er að rannsóknin muni taka nokkra daga.

Erlent
Fréttamynd

Annan hætti við að fara til Íran

Kofi Annan, aðalritari Sameinuðu Þjóðanna, hefur hætt við fyrirhugaða ferð sína til Írans vegna nýlegra ummæla forseta landsins um að réttast væri að þurrka Ísrael út af landakortinu.

Innlent
Fréttamynd

Kerfi sem varar við skjálftum

Japanir hafa komið sér upp jarðskjálftaviðvörunarkerfi sem virðist ætla að gefa góða raun. Tilraunagerð kerfisins var sett upp í Miyagi héraði í febrúar og varaði það við stórum skjálfta í borginni Sendai, fimmtán sekúndum áður en skjálfti upp á sjö komma tvo skók borgina þann sextánda ágúst.

Erlent
Fréttamynd

Óeirðirnar breiðast út

Franska lögreglan handtók tvö hundruð og fimmtíu manns í gærkvöldi, í miklum óeirðum í úthverfum Parísar, níunda kvöldið í röð. Kveikt var í að minnsta kosti sjö hundruð og fimmtíu bílum.

Erlent
Fréttamynd

200 handteknir í Frakklandi

Franska lögreglan handtók tvö hundruð manns í gærkvöldi, í miklum óeirðum í einu úthverfa Parísar, níunda kvöldið í röð.

Erlent
Fréttamynd

Liðsflutningar til landamæra

Talsmaður Afríkubandalagsins í Eþíópíu lýsti í gær yfir áhyggjum sínum af herflutningum Eþíópíumanna og Erítreumanna að landamærum sínum. Jafnvel er talin hætta á að stríð geti brotist út.

Erlent
Fréttamynd

Öryggisverðir farnir í verkfall

Lausafjárskortur gæti orðið í stærstu borgum Svíþjóðar um helgina þar sem öryggisverðir sem annast peningaflutninga ætla að leggja niður störf þar til öryggi þeirra verður tryggt. Óttast er að hraðbankar tæmist jafnvel strax í dag.

Erlent
Fréttamynd

Aldrei verið óvinsælli

George W. Bush Bandaríkjaforseti hefur aldrei verið jafn óvinsæll og nú. Í skoðanakönnun sem gerð var fyrir CBS-fréttastofuna reyndust aðeins 35 prósent þeirra sem spurðir voru ánægð með störf forsetans. Þetta er versta útkoma Bush frá upphafi og jafnframt ein ­versta­­ útkoma sem nokkur forseti Bandaríkjanna hefur hlotið.

Erlent
Fréttamynd

Ekkert lát á óeirðunum

Enn kom til óspekta í úthverfum Parísarborgar í fyrrinótt, áttundu nóttina í röð. Annars staðar í Frakklandi kom til átaka í innflytjendahverfum.

Erlent
Fréttamynd

Lífvörður Rabins vill nýja rannsókn

Öryggisvörður Yitzhak Rabin, forsætisráðherra Ísrael, vill að rannsókn verði hafin á morðinu á honum á nýjan leik. Í gær voru tíu ár liðin frá því að nóbelsverðlaunahafinn var skotinn til bana. 4. nóvember 1995 skaut Yigal Amir, öfgahægrimaður úr hópi gyðinga, Rabin þar sem hann hann flutti ávarp á friðarsamkomu í Tel Aviv.

Erlent
Fréttamynd

Kenningum vísað á bug eystra

Flugmálayfirvöld bæði í Rúmeníu og Póllandi neituðu því í gær að meint leynifangelsi CIA væri að finna við flugvelli í þessum löndum eins og getum hefur verið leitt að. Stjórnendur Szczytno-Szymany-flugvallar í Póllandi staðfestu hins vegar að bandarísk Boeing 737-þota hefði lent á vellinum þann 22. september 2003, sú sem Mannréttindavaktin segir að hafi flutt leynifanga CIA, en aðeins haft um klukkustundar viðdvöl þar.

Erlent
Fréttamynd

Fullur í bílprófinu

Danskur maður, sem misst hafði bílprófið, ákvað á dögunum að taka það á ný. Taugarnar voru hins vegar ekki sterkari en svo að hann ákvað að fá sér nokkra gráa fyrir prófið. Allt komst upp og situr nú maðurinn eftir með sárt ennið, próflaus, mörg þúsund krónum fátækari vegna sekta og má ekki reyna við bílprófið aftur fyrr en eftir nokkur ár.

Erlent
Fréttamynd

Hanar með vegabréf

Aðdáendur hanaslags geta andað léttar, því ríkisstjórn Taílands hefur fundið leið til að tryggja að slagsmálahanar hverfi ekki fyrir fullt og allt þrátt fyrir fuglaflensu. Þeir fá nú til að mynda sérstök vegabréf svo hægt sé að fara með þá svæða og landa á milli í keppnisferðir.

Erlent

Mest lesið