Fréttir

Eldur í húsi að Klapparstíg

Allt tiltækt lið slökkviliðsins var kallað út fyrir stundu vegna elds í tveggja hæða húsi að Klapparstíg 30. Þar er til húsa veitingastaðurinn Sirkus. Að sögn slökkviliðsins er eldurinn þó ekki á veitingastaðnum heldur í íbúð á annarri hæð hússins. Unnið er að því að ráða niðurlögum eldsins, sem hefur m.a. læst sig í veggi, en eldsupptök eru ókunn.

Innlent 14.10.2005 06:40

Sjálfstæðisflokkurinn fær stuðning

"Í fyrra var sjálfseignarfélagsformið málamiðlun milli stjórnarflokkanna en margir sjálfstæðismenn vildu þá hlutafélagsformið. Nú lítur út fyrir að Evrópusambandið hafi gengið í lið með Sjálfstæðisflokknum," segir Mörður Árnason, þingmaður Samfylkingarinnar.

Innlent 14.10.2005 06:40

Varð undir hesti sínum í göngum

Björgunarsveitin Dalvík og Björgunarsveitin Tindur Ólafsfirði voru kallaðar út síðdegis í gær vegna slyss í Þverárdal inn af Skíðadal en þar hafði gangnamaður orðið undir hesti sínum og slasast nokkuð. Læknir og sjúkraflutningamenn komu einnig á staðin frá Dalvík. Hinn slasaði var borinn á móts við sjúkrabíl um 5 kílómetra leið.

Innlent 14.10.2005 06:40

Mikill erill eftir Ljósanótt

Mikill erill var hjá lögreglunni Keflavík í gærkvöld eftir að formlegri dagskrá Ljósanætur lauk í Reykjanesbæ en nokkuð var um unglingadrykkju og ólæti í bænum.

Innlent 14.10.2005 06:40

Schröder og Merkel mætast í kvöld

Gerhard Schröder, kanslari Þýskalands og leiðtogi jafnaðarmannaflokksins og Angela Merkel, kanslaraefni Kristilegra demókrata mætast í kvöld í kappræðum í sjónvarpi. Þetta verða þeirra einu kappræður fyrir kosningarnar sem fram fara 18. september og eru taldar geta haft þó nokkur áhrif á hvor flokkurinn beri sigur úr býtum.

Erlent 14.10.2005 06:40

Sótti slasaðan fjórhjólamann

Þyrla Landhelgisgæslunnar var send eftir manni sem slasaðist þegar fjórhjól hans valt í Svínahrauni laust fyrir hádegið.

Innlent 14.10.2005 06:40

Uppbygging í Reykholti

Íbúum í Reykholti gæti fjölgað úr þrjátíu í tvö hundruð á næstu árum. Þar er verið að reisa tólf nýjar íbúðir og fimmtíu og sjö einbýlishús eru á teikniborðinu. Einnig er gert ráð fyrir minjagarði.

Innlent 14.10.2005 06:40

Fellibylur veldur usla í Kína

Að minnsta kosti 54 hafa látist í Kína í flóðum og aurskriðum af völdum fellibylsins Talim sem gekk á land á fimmtudaginn var. Fellibylurinn hefur valdið miklu tjóni Anhui-héraði og borginni Wenzhou en alls hafa hundrað þúsund manns þurft að yfirgefa heimili sín vegna hans. Talim olli einnig usla á Taívan um miðja síðustu en þar létust að minnsta kosti tveir og tugir slösuðust.

Erlent 14.10.2005 06:40

Pútín rekur yfirmann flotans

Vladímír Pútín, forseti Rússlans, rak í dag Vladímír Kúrojodov, yfirmann rússneska flotans, úr starfi. Forsetinn gaf ekki upp ástæðu fyrir brottvikningunni en rússneskir fjölmiðlar leiða að því líkur að hann hafi verið látinn fara vegna vandræðagangs innan sjóhersins.

Erlent 14.10.2005 06:40

Bíða dauðans eða björgunar

Þótt nú hafi loks tekist að koma þeim tugþúsundum til hjálpar sem leitað höfðu skjóls í ráðstefnumiðstöð og íþróttahöll New Orleans-borgar er enn mikill fjöldi fólks innlyksa víða um borgina og annars staðar á hamfarasvæðunum við Mexíkóflóann. Sumir bíða eftir að að eitt af þessu tvennu berist: dauðinn eða björgun.

Erlent 14.10.2005 06:40

Vona að fjarskiptum sé um að kenna

Bróðir Lilju Ólafsdóttur Hansch, sem saknað er eftir fellibylinn Katrínu, segist vona að ekkert verra en slæmt fjarskiptasamband valdi því að fjölskyldan hafi ekki enn heyrt frá henni.

Erlent 14.10.2005 06:40

Velti bíl við að reyna ökukúnstir

Sautján ára piltur velti bíl sínum í Húsagötu við Brekkuhjalla í Kópavogi í gærkvöldi. Einn farþegi var í bílnum og sluppu þeir báðir ómeiddir. Ökumaðurinn var að leika sér að því að láta ískra í dekkjum í þessari íbúðagötu þar sem hámarkshraði er þrjátíu kílómetrar á klukkustund. Færnin var ekki meiri en svo að bíllinn endaði á toppnum og skemmdist talsvert.

Innlent 14.10.2005 06:40

Barnastarf kirkjunnar hefst í dag

Barnastarf kirkjunnar hefst í dag í flestum kirkjum höfuðborgarsvæðisins en einnig víða um land. Fimmtán til tuttugu þúsund börn og fullorðnir koma að barnastarfi Þjóðkirkjunnar á hverju ári. Til að stuðla að markvissri og skemmtilegri fræðslu hafa kirkjurnar fengið í hendur nýtt fræðsluefni fyrir sunnudagaskóla, þar sem lögð er áhersla á fjölskyldulíf, vináttu og samskipti við aðra. Samkvæmt Gallup telja rúmlega 70 prósent spurðra að Þjóðkirkjan sinni barnastarfi vel.

Innlent 14.10.2005 06:40

Fjórtán látnir í eldsvoða í París

Að minnsta kosti fjórtán létust, þar af þrjú börn, í enn einum eldsvoðanum í Frakklandi í gærkvöld. Meira en sextíu manns hafa látið lífið í brunum þar frá því í apríl.

Erlent 14.10.2005 06:40

Störf lögreglu verði rannsökuð

Ung hjón hafa krafist rannsóknar á ætlaðri handvömm lögreglunnar í Reykjavík vegna andláts sonar þeirra við fæðingu á Landspítalanum árið 2002.

Innlent 14.10.2005 06:40

Rannsókn á mannráni heldur áfram

Verið er að vinna úr ábendingum sem borist hafa vegna mannránsins í verslun Bónuss síðastliðinn föstudag.

Innlent 14.10.2005 06:40

Biðja ESB og NATO um aðstoð

Bandaríkjamenn hafa formlega beðið bæði Evrópusambandið og Atlantshafsbandalagið um neyðaraðstoð vegna fellibylsins Katrínar sem reið yfir suðurströnd landsins fyrir tæpri viku. Framkvæmdastjórn ESB segir Bandaríkjastjórn hafa beðið um sjúkragögn, teppi, vatnsbíla og matvæli fyrir íbúa á hamfarasvæðunum.

Erlent 14.10.2005 06:40

Lokuðu skóla vegna veikinda

Yfirvöld í Mississippi lokuðu í dag skóla, þar sem hópur fórnarlamba hamfaranna við suðurströnd Bandaríkjanna hafði dvalið, eftir að yfir 20 manns veiktust þar. Eftir því sem kemur fram á fréttavef <em>CNN</em> höfðu um 400 manns hafst þar við síðan á mánudag þegar fellibylurinn reið yfir.

Erlent 14.10.2005 06:40

Kanslarinn hafði betur

Gerhard Schröder, kanslari Þýskalands, og Angela Merkel, kanslaraefni Kristilega demókrataflokksins (CDU), mættust í sjónvarpseinvígi í gærkvöld, eina slíka einvíginu sem fram fer í kosningabaráttunni fyrir þýsku þingkosningarnar hinn 18. þessa mánaðar.

Erlent 14.10.2005 06:40

Byrjað að safna saman líkum

Brottflutningi íbúa frá New Orleans er að mestu lokið. Bæði íþróttahöllin SuperDome og ráðstefnumiðstöð borgarinnar hafa verið tæmdar af fólki og byrjað er að safna saman líkum af götunum.

Erlent 14.10.2005 06:40

Minntust komu Andersens til Köben

Kaupmannahöfn breyttist í sannkallað ævintýraland þegar borgarbúar héldu 4. september hátíðlegan, en þann dag árið 1819 kom H.C. Andersen fyrst til höfuðborgarinnar.

Erlent 14.10.2005 06:40

Eldur í húsnæði við Fiskislóð

Allt tiltækt slökkvilið höfuðborgarsvæðisins var kallað út um klukkan hálfsjö í morgun vegna bruna í atvinnuhúsnæði við Fiskislóð í Reykjavík. Var útlit fyrir að um stórbruna væri að ræða. Þykkan, svartan reykjarmökk lagði út um allar dyr og glugga en húsnæðið er einungis einn geimur, að hluta til á tveimur hæðum.

Innlent 14.10.2005 06:40

Búa þjóðina undir hið versta

Michael Leavitt, ráðherra heilbrigðis- og mannúðarmála í ríkisstjórn Bandaríkjanna, sagði í gær að nú væri reiknað með að þúsundir manna hefðu látið lífið af völdum fellibylsins Katrínar. Þetta var í fyrsta sinn sem talsmaður alríkisstjórnarinnar viðurkenndi opinberlega að manntjónið væri svona mikið.

Erlent 14.10.2005 06:40

Norðurlandameistari kvenna í skák

Lenka Ptacnikova, fyrirliði íslenska kvennalandsliðsins í skák, varð í dag Norðurlandameistari kvenna í skák þegar hún gerði jafntefli við eistnesku skákkonuna Tuli Lasson í síðustu umferð Norðurlandamótsins í Vammala í Finnlandi. Á mótinu voru sterkustu skákkonur Norðurlanda auk sterkra fulltrúa frá Eystrasaltsríkjunum.

Innlent 14.10.2005 06:40

Réttarhöld hefjast 19. október

Ríkisstjórn Íraks hefur staðfest að réttarhöldin yfir Saddam Hussein, fyrrverandi forseta landsins, hefjist 19. október næstkomandi. Þar verður réttað yfir honum vegna fjöldamorðanna í bænum Dujail árið 1982, en 143 voru myrtir í bænum eftir misheppnað banatilræði við forsetan fyrrverandi.

Erlent 14.10.2005 06:40

Langur biðlisti í Hólabrekkuskóla

Í Reykjavík hafa tugir barna ekki enn fengið inni á frístundaheimilum. Ástandið er sérstaklega slæmt í Hólabrekkuskóla, þar sem allir nemendur í fyrsta bekk eru á biðlista og ganga um hverfið með lykil um hálsinn.

Innlent 14.10.2005 06:40

Baugur fjárfestir í Bretlandi

Breska dagblaðið Sunday Telegraph greindi í gær frá því að Baugur ásamt skoska frumkvöðlinum Tom Hunter og breska stórbankanum HBOS hefðu stofnað með sér fasteignafélag.

Viðskipti innlent 14.10.2005 06:40

Segja hamfarir reiði guðs

Hryðjuverkasamtökin al-Qaida fögnuðu í dag mannfallinu í hamförunum í Bandaríkjunum og sögðu þær hefnd guðs. Í yfirlýsingu á heimasíðu sem samtökin nota segja þau að bænum hinna kúguðu hafi verið svarað og kúgunarþjóðin Bandaríkin hefði fengið að kenna á reiði guðs. Ekki er búið að staðfesta hvort yfirlýsingin er ekta en al-Qaida samtökin eru sem kunnugt er í hópi hörðustu andstæðinga Bandaríkjanna á alþjóðavettvangi.

Erlent 14.10.2005 06:40

Slasaðist þegar fjórhjól valt

Maður slasaðist þegar fjórhjólið hans valt í Svínahrauni í dag. Þyrla Landhelgisgæslunnar var kölluð út til að flytja hann á sjúkrahús.

Innlent 14.10.2005 06:40

Forseti Hæstaréttar BNA látinn

William H. Rehnquist, forseti Hæstaréttar Bandaríkjanna, lést í gær eftir erfiða baráttu við skjaldskirtilskrabbamein. Rehnquist, sem var áttræður, tók sæti í Hæstarétti árið 1972 í tíð Richards Nixons en það var Ronald Reagen sem skipaði hann forseta réttarins árið 1986.

Erlent 14.10.2005 06:40