Fréttir

Enginn greiddi atkvæði á móti

Enginn þriggja fulltrúa stjórnarandstöðunnar í bankaráði Seðlabankans greiddi atkvæði gegn því að bankastjórar hækkuðu í launum um tuttugu og sjö prósent í þremur áföngum fram til ársins 2007. Þeir segjast allir telja að það hefði átt að standa öðruvísi að ráðningu nýs seðlabankastjóra en enginn þeirra íhugar þó að hætta í ráðinu í mótmælaskyni.

Innlent 14.10.2005 06:41

Árni gefur ekki kost á sér

Árni Mathiesen, sjávarútvegsráðherra, ætlar ekki að bjóða sig fram til embættis varaformanns Sjálfstæðisflokksins. Að því er fram kemur í Morgunblaðinu í dag segist Árni ætla að styðja Þorgerði Katrínu Gunnarsdóttur, menntamálaráðherra í varaformannskjörinu enda komi það sér best fyrir flokkinn.

Innlent 14.10.2005 06:41

Prófkjörið fer of hratt af stað

Júlíus Vífill Ingvarsson hefur enn ekki tilkynnt um framboð sitt til prófkjörs sjálfstæðisflokksins. Í samtali við Fréttablaðið sagðist Júlíus mjög fljótlega gera grein fyrir því hvaða sæti hann hyggðist taka.

Innlent 14.10.2005 06:41

Eldri borgarar missa 1/4 tekna

Sjö hundruð eldri borgarar hafa misst allt að fjórðungi ráðstöfunartekna sinna frá áramótum þar sem aldurstengd örorkuuppbót fellur niður við sextíu og sjö ára aldur.

Innlent 14.10.2005 06:41

Danskir piltar sækja í húsverk

Fjöldi pilta sem hóf nám við húsmæðra- og handverksskóla í Danmörku nú í haust hefur aldrei verið meiri. Samkvæmt Politiken í dag er þriðji hver nemandi karlkyns en var aðeins fimmtungur nemendafjöldans á síðasta ári.

Erlent 14.10.2005 06:41

Mikilvægt skref fyrir lýðræðið

Hosni Mubarak, forseti Egyptalands, sigraði með yfirburðum í fyrstu forsetakosningum landsins þar sem kjósendur máttu velja á milli tveggja eða fleiri frambjóðenda. Mubarak fékk 88,6 prósent atkvæða en næstflest atkvæði fékk Ayman Nour, 7,3 prósent.

Erlent 14.10.2005 06:41

Pappírsbeinagrindur vekja furðu

Pappírsbeinagrindur sem blöstu við íbúum Caracas, höfuðborgar Venesúela, þegar þeir vöknuðu fyrr í vikunni valda borgarbúum furðu. Landsmenn hafa búið við blóðug mótmæli og ásakanir um samsæri gegn stjórnvöldum en beinagrindurnar, með árituð slagorð gegn stjórnvöldum, eru ólíkar öllu því sem landsmenn hafa áður kynnst.

Erlent 14.10.2005 06:41

Hvetja til að hafna sameiningu

Samtök sem ætla að hvetja landsmenn til að hafna sameiningu sveitarfélaga í kosningum í næsta mánuði eru að verða til í Svarfaðardal. Bitur reynsla heimamanna af sameiningu norðanlands veldur því að forsvarsmenn sjá ástæðu til að vara aðra landsmenn við.

Innlent 14.10.2005 06:41

Ekkert neyðarástand á Sogni

Jón Kristjánsson heilbrigðisráðherra segir að ráðuneytið ætli ekki að vetia aukafjármagni til réttargeðdeildarinnar á Sogni. Í frétt Fréttablaðins í gær kom fram að réttargeðdeildin er full og hefur verið brugðið á það ráð að vista einn sjúkling í vinnuherbergi.

Innlent 14.10.2005 06:41

Tala látinna líklega ofmetin

Færri kunna að hafa látist af völdum fellibylsins Katrínar en fyrst var óttast. Starf björgunarsveitarmanna beinist nú fyrst og fremst að því að hafa uppi á líkum í New Orleans.

Erlent 14.10.2005 06:41

Umferð hleypt á Snorrabraut

Umferð hefur verið hleypt aftur á Snorrabraut en gatan hefur verið lokuð við gatnamót Hringbrautar frá því í lok júní. Að sögn Höskuldar Tryggvasonar hjá framkvæmdasviði Reykjavíkurborgar er framkvæmdum við gatnamótin ekki að fullu lokið og því fyllsta ástæða til að aka með varúð.

Innlent 14.10.2005 06:41

Ráðherra sýnt morðtilræði

Varnarmálaráðherra Afganistans slapp naumlega undan morðtilræði snemma í morgun. Ráðherrann var nýstiginn út úr bifreið sinni og kominn upp í þyrlu á flugvelli í höfuðborginni, Kabúl, þegar nokkrir byssumenn hófu skothríð á bifreiðina. Enginn særðist í árásinni og búið er að handtaka árásarmennina.

Erlent 14.10.2005 06:41

Ný húsakynni Félags eldri borgara

Félag eldri borgara fagnar nýjum húsakynnum um helgina með opnu húsi að Stangarhyl 4 á Ártúnsholti í Reykjavík, milli klukkan tvö og fjögur, bæði í dag og á morgun. Þar fer fram formleg opnun á nýju og glæslegu húsnæði félagsins og eru eldri borgarar hvattir til að mæta og taka með sér gesti til að kynna sér starf félagsins.

Innlent 14.10.2005 06:41

Fer fram gegn Júsjenkó

Júlía Timosjenkó, fyrrum forsætisráðherra Úkraínu, ætlar að stofna nýja stjórnmálahreyfingu og bjóða sig fram gegn Viktor Júsjenkó forseta í næstu forsetakosningum. Júsjenkó vék henni úr embætti forsætisráðherra á fimmtudag.

Erlent 14.10.2005 06:41

Skemmtibátur fórst á Viðeyjarsundi

Þremur var bjargað og tveggja er saknað eftir að skemmtibátur fórst á Viðeyjarsundi í nótt. Leit stendur yfir að karlmanni og konu, björgunarsveitarmenn ganga fjörur og kafarar leita í sjónum og hefur flak bátsins fundist.

Innlent 10.9.2005 00:01

Báturinn nýkominn til landsins

Báturinn sem fórst á Viðeyjarsundi í nótt hét Harpa og var nýkominn til landsins. Að sögn Magnúsar Jóhannssonar hjá svæðisstjórn Landsbjargar var skyggni lélegt á slysstað í nótt en báturinn virðist hafa strandað á Skarfaskeri og sokkið í kjölfarið.

Innlent 10.9.2005 00:01

Neyðarkall tíu ára drengs

Þrennt bjargaðist, hjón og tíu ára sonur þeirra, þegar skemmtibátur steytti á Skarfaskeri við Viðey og sökk um klukkan tvö í fyrrinótt. Rúmlega fimmtug kona lést og rúmlega þrítugs karlmanns er enn saknað. Talið er að hann hafi reynt að kafa undir bátinn eftir konunni sem lést.

Innlent 10.9.2005 00:01

Sluppu vel úr árekstri í Njarðvík

Allharður árekstur tveggja bíla varð á Njarðarbraut í Njarðvík um klukkan eitt aðfararnótt föstudags. Samkvæmt upplýsingum lögreglunnar í Keflavík voru ökumenn og farþegar bílanna fluttir með sjúkrabifreið á Heilbrigðsstofnun Suðurnesja til skoðunar, en meiðsl þeirra voru ekki talin alvarleg.

Innlent 14.10.2005 06:41

Flutt á brott með valdi

Brottflutningur fólks með valdi hefst í New Orleans í dag. Lögreglu- og björgunarsveitarmenn eru nú að mestu búnir að kemba borgina í leit sinni að fólki sem vildi komast burt. Þegar því lýkur munu lögreglu- og hermenn ganga hús úr húsi og flytja þá sem enn eru eftir burt, með góðu eða illu.

Erlent 14.10.2005 06:41

Dyggasti aðdáandi konu sinnar

"Þetta er í þriðja skipti sem ég er hér á landi og alltaf er ég jafnhrifinn af landi og þjóð. Hér hefur fólkið tekið okkur hjónakornum afar vel enda eru Íslendingar gestrisnir og hafa opnað fyrir okkur heimili sín og hjörtu. Fyrir það erum við ævinlega þakklát."

Innlent 14.10.2005 06:41

Anna vill leiða Framsókn

Anna Kristinsdóttir borgarfulltrúi hefur ákveðið að gefa kost á sér í fyrsta sæti á lista Framsóknarflokksins í Reykjavík í næstu borgarstjórnarkosningum.

Innlent 14.10.2005 06:41

Læknum líður mjög illa

"Ég hitti daglega lækna á Landspítalanum sem líður mjög illa andlega.Þeim finnst þeir ekki fá tækifæri til að sinna sjúklingnum eins og þeir ættu að gera og þora ekki að segja neitt. Ef menn gera það þá eru þeir teknir í gegn."

Innlent 14.10.2005 06:41

Icepharma ekki eitt um innflutning

Vegna fréttar Bylgjunnar í hádeginu um skort á sykursýkislyfinu Glucophage þá er rétt að taka fram að Icepharma er ekki eini innflutningsaðili lyfsins, heldur hefur Lyfjaver einnig heimild til samhliða innflutnings.

Innlent 14.10.2005 06:41

300 lík fundin á hamfarasvæðunum

Þrjú hundruð lík hafa nú fundist á hamfarasvæðunum í suðurríkjum Bandaríkjanna. Þangað hafa verið sendir tuttugu og fimm þúsund líkpokar. Þeir sem enn halda til í New Orleans eru nú þvingaðir á brott.

Erlent 14.10.2005 06:41

Fagna opnun jarðgangnanna

Aðalfundur fulltrúaráðs sjálfstæðisfélaganna á Fljótsdalshéraði fagnar þeim „glæsilega áfanga“ sem næst í samgöngumálum Austurlands með opnun jarðgangna á milli Reyðarfjarðar og Fáskrúðsfjarðar.

Innlent 14.10.2005 06:41

Um helmingur bankastjóra ráðherrar

Tólf af sautján seðlabankastjórum hafa verið pólitískt ráðnir. Flestir þeirra voru framsóknarmenn. Átta seðlabankastjórar voru áður ráðherrar. Sigríður Dögg Auðunsdóttir skoðar menntun og starfsreynslu seðlabankastjóra frá stofnun bankans 1961

Innlent 14.10.2005 06:41

Ósáttur við skipun Davíðs

Ágúst Einarsson deildarforseti viðskipta- og hagfræðideildar Háskóla Íslands er ósáttur við skipun Davíðs Oddssonar í stöðu seðlabankastjóra og segir stöðuna ekki fyrir stjórnmálamenn sem eru að setjast í helgan stein.

Innlent 14.10.2005 06:41

Þrennt handtekið fyrir þjófnað

Tveir menn voru handteknir fyrir þjófnað af lögreglunni í Reykjavík í nótt. Þá var kona handtekin af tveimur óeinkennisklæddum lögreglumönnum í sjoppu á bensínstöð í nótt en þeim þótti grunsamlegt hversu mikið hún verslaði þar.

Innlent 14.10.2005 06:41

16 ára í haldi fram í október

Héraðsdómur Reykjavíkur úrskurðaði í gær sextán ára pilt í gæsluvarðhald til 21. október eða þar til dómur fellur í máli hans. Pilturinn rændi ásamt fjórum öðrum tæplega tvítugum starfsmanni Bónuss á föstudaginn fyrir viku og daginn eftir voru þeir úrskurðaðir í sex daga gæsluvarðhald. Hinum fjórum hefur verið sleppt.

Innlent 14.10.2005 06:41

Starfsemin lagfærð að mestu

Norska fjármálaeftirlitið segir að starfsemi dótturfyrirtækis Kaupþings í Noregi hafi verið lagfærð að flestu leyti, eftir að eftirlitið gagnrýndi Kaupþing harðlega fyrir óreiðu í rekstri og fyrir skort á eiginfé. Áfram verður þó fylgst grannt með því að fyrirtækið uppfylli skilyrði fjármálaeftirlitsins ytra.

Innlent 14.10.2005 06:41

Mest lesið