Fréttir

Reynt að höfða til atvinnulausra

Reyna á að finna leið til að fá fólk sem er á atvinnuleysisskrá til að ráða sig í vinnu hjá leikskólum borgarinnar, að sögn Stefáns Jóns Hafstein, formanns menntaráðs borgarinnar.

Innlent 14.10.2005 06:42

Fellibylsleifar við suðurströndina

Leifar af fellibylnum Maríu eru nú við suðurströnd landsins. Veðrið mun ná hámarki nú í hádeginu. Fólki er ráðlagt að gera ráðstafanir og binda niður lausa hluti á svæðum sem eru opin fyrir vindi.

Innlent 14.10.2005 06:41

Kosið um sameiningu eftir um mánuð

Þriðjungi kosningabærra manna í landinu býðst að kjósa um sameiningu sveitarfélaga eftir fjórar vikur. Kosið verður meðal annars um að gera Eyjafjarðarsvæðið að einu sveitarfélagi, Árnessýslu að tveimur og um sameiningu Hafnarfjarðar og Vatnsleysustrandar.

Innlent 14.10.2005 06:42

Má ekki dreifa Enska boltanum einn

Íslenska sjónvarpsfélagið braut gegn ákvörðun samkeppnisráðs frá því í vor með því að neita að afhenda Íslandsmiðli og Tengi hf. sjónvarpsmerki Enska boltans samkvæmt bráðabrigðaniðurstöðu Samkeppniseftirlitsins. Landssíminn hefur því ekki einkarétt til þess að dreifa Enska boltanum í fjarskiptakerfum fyrirtækisins.

Innlent 14.10.2005 06:42

Palestínumaður skotinn til bana

Palestínumaður var skotinn til bana á landamærum Gasastrandarinnar og Egyptalands í dag, sama dag og Ísraelar drógu sig algerlega út af Gasaströndinni. <em>Reuters</em>-fréttastofan hefur eftir vitnum á staðnum að fjölmargir Palestínumenn og Egyptar hafi streymt í báðar áttir yfir landamærin til þess að fagna brotthvarfi Ísraelshers þaðan, en egypskum landamæravörðum var falið að gæta þess að vopnum yrði ekki smyglað frá Egyptalandi til Gasastrandarinnar eftir brottför Ísraelshers.

Erlent 14.10.2005 06:42

Hyggst hrinda umbótum í framkvæmd

Junichiro Koizumi, forsætisráðherra Japans, hyggst nota stóraukinn þingmeirihluta sinn eftir þingkosningar um helgina til að hrinda umbótastefnu sinni í framkvæmd.

Erlent 14.10.2005 06:42

Opnuðu Disneyland í Kína

Mikki mús hefur hafið innreið sína í Kína en Disneyland-skemmtigarður var opnaður í Hong Kong í morgun. Eigendurnir gera sér vonir um að íbúar þessa fjölmennasta ríkis heims streymi í garðinn. Það var Zeng Kinghong, varaforseti Kína, sem opnaði garðinn formlega ásamt Donald Tsang, leiðtoga Hong Kong, en viðstaddir voru bandarískir yfirmenn Disney-fyrirtækisins.

Erlent 14.10.2005 06:41

Áframhaldandi óeirðir í Belfast

Óeirðir héldu áfram í Belfast á Norður-Írlandi í gærkvöldi, annan daginn í röð, þegar öfgasinnaðir mótmælendur réðust að lögreglu og kveiktu í bifreiðum. Þetta eru mestu átök í borginni í áratug. Yfirmaður norðurírsku lögreglunnar hefur skellt skuldinni á reglu Óraníumanna en hún neitar sök.

Erlent 14.10.2005 06:41

Greiða kostnað vegna kynsjúkdóma

Veikist íslenskir sjómenn af klamidíu, sárasótt, lekanda, herpes eða öðrum kynsjúkdómum er það skráð í lög að sameiginlegir sjóðir landsmanna skuli greiða ferða- og sjúkrakostnað þeirra. Kynsjúkdómur sjómanns í útlöndum er þannig ekkert einkamál hans heldur mál allra skattborgara. Ekki er vitað til að aðrar stéttir njóti slíkra sérkjara.

Innlent 14.10.2005 06:42

Bessi Bjarnason látinn

Bessi Bjarnason leikari lést í gær, 75 ára að aldri. Bessi fæddist 5. september árið 1930 í Reykjavík. Hann lauk prófi frá leiklistarskóla Þjóðleikhússins árið 1952 og var hann lengst af sínum starfsferli fastráðinn leikari við Þjóðleikhúsið, þar sem hann lék vel yfir tvö hundruð hlutverk.

Innlent 14.10.2005 06:42

Ástandið ekki verra í áratug

Óeirðir héldu áfram í Belfast í gærkvöldi og í morgun, þriðja daginn í röð. Tæpur áratugur er síðan annað eins ástand hefur skapast þar, en fimmtíu lögreglumenn liggja sárir eftir átök helgarinnar.

Erlent 14.10.2005 06:42

Vilja yfirráð yfir landamærum

Síðustu ísraelsku hermennirnir yfirgáfu Gasaströndina í morgun. Palestínumenn fagna þessum áfanga mjög en krefjast einnig yfirráða yfir landamærum og lofthelgi.

Erlent 14.10.2005 06:41

Vilja flugið til Keflavíkur

Rúmlega hundrað hafa gerst stofnfélagar í þverpólitískum samtökum sem ætla að beita sér fyrir því að flytja innanlandsflug til Keflavíkur. Stofnfundur verður haldinn 6. október.

Innlent 14.10.2005 06:42

Útlagafylkingar sagðar ábyrgar

Herskáir mótmælendur slógust við óeirðalögreglu og hermenn á götum Belfast í fyrrinótt, aðra nóttina í röð. Leituðu hinir herskáu með þessu útrásar fyrir reiði sína yfir því að skrúðganga liðsmanna þeirra skyldi þurfa að sæta tilteknum hömlum.

Erlent 14.10.2005 06:42

Hafi tapað miklu á lánabreytingum

ASÍ segir hjón á verkamannalaunum með dæmigert íbúðarlán frá Byggingasjóði verkamanna hafa tapað eitt hundrað þúsund krónum frá breytingunum á lánamarkaðnum í fyrra. Segir ASÍ að greiðslubyrgði þeirra væri um fimm þúsund krónum minni á mánuði ef engar breytingar hefðu orðið á lánamarkaðnum.

Innlent 14.10.2005 06:42

Erfitt að stjórna í minnihluta

Geir Haarde fjármálaráðherra segir að úrslitin komi ekki á óvart því norska stjórnin hafi lengi verið í fallhættu.

Erlent 14.10.2005 06:42

Davíð skoðaði Heimssýningu í Japan

Davíð Oddsson utanríkisráðherra skoðaði í dag Heimssýninguna í Aichi í Japan. Hann fór meðal annars í norræna sýningarskálann og þann japanska. Á morgun mun utanríkisráðherra eiga fund með Nobutaka Machimura, utanríkisráðherra Japans. Á miðvikudaginn tekur utanríkisráðherra þátt í viðskiptaráðstefnu þar sem íslensk fyrirtæki munu kynna starfsemi sína.

Innlent 14.10.2005 06:41

Mál í biðstöðu vegna dómaraskipta

Mál ákæruvaldsins vegna banaslyssins við Kárahnjúka í mars á síðasta ári er í biðstöðu vegna dómaraskipta. Ákæra í málinu var gefin út um miðjan apríl á þessu ári og hafa allir ákærðu komið fyrir Héraðsdóm Austurlands við þingfestingu málsins, en þeir eru yfirmenn hjá Arnarfelli, Impregilo og VIJV.

Innlent 14.10.2005 06:41

Á brattan að sækja

"Svo virðist sem vinstriblokkin hafi náð forskotinu, en svona jöfn hefur baráttan aldrei verið í þingkosningum í Noregi. Þetta hefur verið mjög spennandi," sagði Svein Ludvigsen, sjávarútvegsráðherra Noregs, í gærkvöldi, en hann er einn af forystumönnum Hægriflokksins.

Erlent 14.10.2005 06:42

50 lögreglumenn sárir í Belfast

Óeirðir héldu áfram í Belfast í gærkvöldi og í morgun, þriðja daginn í röð. Tæpur áratugur er síðan annað eins ástand hefur skapast þar, en 50 lögreglumenn liggja sárir eftir átök helgarinnar.

Erlent 14.10.2005 06:41

Norðmenn vilja styrkja tengslin

Íbúar Vestur-Noregs hafa mikinn áhuga á að styrkja tengslin við Íslendinga og leggja sveitarfélög þar nú fjármuni í að byggja upp menningartengda ferðaþjónustu, byggða á sameiginlegri sögu frændþjóðanna.

Innlent 14.10.2005 06:41

Handtóku 70 vegna fíkniefnaneyslu

Lögreglan í Singapúr réðst inn á nokkra af fínustu börum borgarinnar í gær og handtók 70 manns fyrir fíkniefnamisnotkun. Fíkniefnalöggjöfin í Singapúr er með þeim ströngustu í heimi þar sem þeir sem eru gripnir með meira en fimmtán grömm af heróíni, 30 grömm af kókaíni, hálft kíló af kannabisefnum eða 250 grömm af amfetamíni eru dæmdir til hengingar.

Erlent 14.10.2005 06:41

Mikill áhugi fyrir samtökum

Fjölmargir hafa skráð sig sem stofnfélaga í samtök sem berjast fyrir því að fá miðstöð innanlandsflugs til Keflavíkurflugvallar samhliða samgöngutengingu milli Straumsvíkur og Vatnsmýrarinnar í Reykjavík. <em>Víkurfréttir</em> segja frá því að það kosti 1500 krónur að skrá sig á skráningarsíðu samtakanna og hefur komið fram gagnrýni á gjaldtökuna.

Innlent 14.10.2005 06:42

Koizumi hyggst hraða umbótum

Eftir yfirburða kosningasigur í þingkosningunum á sunnudag hét Junichiro Koizumi forsætisráðherra því í gær að fylgja eftir áætlun um að skipta upp og einkavæða póst- og lífeyrissparnaðarkerfi landsmanna, og hraða öðrum efnahagsumbótum.

Erlent 14.10.2005 06:42

Samskiptin verða áfram góð

"Ég tel að hvor sem niðurstaðan verður í þessum kosningum verði samskipti Íslendinga og Norðmanna áfram góð," sagði Halldór Ásgrímsson forsætisráðherra þegar leitað var álits hjá honum í gærkvöldi en þá var búið að telja um helming atkvæða. Flest benti þá til þess að stjórn Kjell Magne Bondevik myndi falla.

Innlent 14.10.2005 06:42

Icelandair flýgur til Manchester

Icelandair hyggst hefja beint áætlunarflug til Manchester í Englandi í byrjun apríl á næsta ári. Flogið verður tvisvar í viku, á föstudögum og mánudögum með Boeing 757 þotum félagsins eftir því sem fram kemur í tilkynningu frá félaginu.

Viðskipti innlent 14.10.2005 06:42

Unglingspiltar fundust látnir

Lögregla í bænum Wokingham í Berkshire í Bretlandi hefur handtekið tvo 18 ára pilta í tenglsum við morð á tveimur öðrum piltum á fimmtánda og sautjánda ári í gærkvöld. Talið er að báðir drengirnir hafi verið stungnir til bana, en líkin af þeim fundust í vinsælum almenningsgarði í bænum.

Erlent 14.10.2005 06:42

Naktir í nafni listarinnar

Fimmtán hundruð karlar og konur sviptu sig klæðum í Frakklandi í gær, allt í nafni listarinnar. Bandaríski listamaðurinn Spencer Tunick, sem áður hefur myndað fólk nakið í stórborgum eins og New York og Barcelona, stefndi fólkinu að hafnarsvæðinu í Lyon þar sem hann fékk það til að afklæðast og leggjast á jörðina.

Erlent 14.10.2005 06:42

Lést í sjó­slysi á Við­eyjar­sundi

Konan sem lést þegar bátur steytti á Skarfaskeri á Viðeyjarsundi, aðfaranótt laugardags, hét Matthildur Harðardóttir, 51 árs að aldri. Matthildur var til heimilis að Hjallabrekku í Kópavogi. Hún lætur eftir sig tvo syni. Sambýlismanns Matthildar er enn saknað. Hann heitir Friðrik Ásgeir Hermannsson, 33 ára. Friðrik á barnungan son.

Innlent 12.9.2005 00:01

Ekki seinagangur vegna litarháttar

George Bush Bandaríkjaforseti hafnaði því í dag að stjórnvöld hefðu brugðist seint við hamförunum í suðurríkjum Bandaríkjanna vegna þess að flest fórnarlambanna hefðu verið blökkumenn og sagði fáránlegt að halda því fram að ekki hefði verið til nægur mannafli til björgunarstarfa vegna Íraksstríðsins. Þessi orð lét forsetinn falla eftir að hafa ekið um New Orleans í dag og kynnt sér aðstæður þar í borg, en hluti borgarinnar er enn á kafi eftir flóðin.

Erlent 14.10.2005 06:42