Fréttir

Stuðningsfundur í Garðasókn

Stuðningsmenn og velunnarar séra Hans Markúsar Hafsteinssonar sóknarprests í Garðaprestakalli halda stuðningsfund í kvöld í Hofsstaðaskóla í Garðabæ. Sveinn Andri Sveinsson lögmaður mun mæta á fundinn og svara spurningum sem varða deilurnar í Garðasókn sem staðið hafa lengi yfir.

Innlent 13.10.2005 19:30

Gæsluvarðhald fellt úr gildi

Hæstiréttur hefur fellt úr gildi gæsluvarðhald yfir 27 ára gömlum erlendum manni. Maðurinn hafði áður verið úrskurðaður í gæsluvarðhald í héraðsdómi vegna gruns um að hafa framið kynferðisbrot gegn tveimur stúlkum fæddum árið 1994.

Innlent 13.10.2005 19:30

Spáð straumi til Eyja

Að sögn þeirra sem fylgjast með þróuninni fyrir verslunarmannahelgina virðast Eyjar ætla að verða vinsælastar þetta árið. Hjá flugfélagi Íslands hefur þegar verið tekin ákvörðun um fjölmörg aukaflug til Eyja, enda eftirspurnin þegar orðin þó nokkur, þó að júlímánuður sé enn ekki hálfnaður.

Innlent 13.10.2005 19:30

Sjálfsmorðsárás í Bagdad

Að minnsta kosti 25 börn og einn amerískur hermaður féllu í sjálfsmorðssprengjuárás sem gerð var í Bagdad, höfuðborg Íraks í morgun. Þá er talið að 25 manns til viðbótar hafi særst í árásinni. Sprengingin átti sér stað nálægt herstöð Bandaríkjamanna en hermennirnir voru að gefa börnunum sælgæti þegar atvikið átti sér stað.

Erlent 13.10.2005 19:30

Atvinnuleysi í lágmarki

Atvinnuleysi á landinu var 2,1 prósent í júní og dróst saman um 0,1 prósent frá fyrri mánuði og hefur atvinnuleysi ekki mælst jafn lágt síðan í desember 2001 en þá mældist það 1,9 prósent. Að því er fram kemur í hálf fimm fréttum KB banka jókst atvinnuleysi á höfuðborgarsvæðinu um 01, prósent en minnkaði á sama tíma á landsbyggðinni um 0,2 prósent.

Innlent 13.10.2005 19:30

Fyrstu kartöflurnar í búðir í dag

Fyrstu nýju íslensku kartöflurnar koma í búðir á höfuðborgarsvæðinu í dag eftir að kartöflubændur í Þykkvabæ hófu að taka upp eldsnemma í morgun. Upptaka hófst sama dag í fyrra. Kartöflubændur ætla nú í fyrsta sinn að bjóða daglega upp á nýuppteknar kartöflur, eða eins lengi og uppskerutíminn stendur, og verða þær í sérmerktum umbúðum.

Innlent 13.10.2005 19:30

Mótmæltu aðför að Hans Markúsi

Um tvö hundruð sóknarbörn mættu á fund í gærkvöld til stuðnings séra Hans Markúsi Árnasyni, sóknarpresti í Garðasókn að sögn Sveins Andra Sveinssonar, lögmanns hans. Fundurinn stóð í tæpa tvo tíma og var á honum samþykkt samhljóða ályktun til stuðnings sóknarprestinum.

Innlent 13.10.2005 19:30

Maður slasast í Esjugöngu

Björgunarsveit og neyðarsveit frá Slökkviliðinu voru kallaðar út í gærkvöld til að leita að rosknum manni sem saknað var í hlíðum Esjunnar. Áður en skipuleg leit hófst, fann kona manninn skammt frá bílastæðunum neðan við aðal uppgönguleiðina í Kollafirði. Hann hafði dottið og meiðst á höfði, og vankast við það.

Innlent 13.10.2005 19:30

Fyrsta ferðin síðan Columbia fórst

Geimferjunni Discovery verður skotið á loft frá Canaveral-höfða á Flórída á morgun. Þetta er fyrsta ferð ferjunnar í geiminn frá því geimferjan Columbia fórst í ferð sinni til jarðar fyrir tveimur árum en öll áhöfnin lét lífið.

Erlent 13.10.2005 19:30

Kennsl ekki borin strax

Að sögn talsmanns lögreglunnar í Suður-Afríku mun það taka nokkurn tíma að bera formleg kennsl á lík manns sem fannst þar í vikunni og er talið vera af Íslendingi. Reynt verður að fá vini mannsins til að bera kennsl á föt hans en hugsanlega þarf að bíða eftir að ættingjar komi til Suður-Afríku og gefi DNA-sýni.

Innlent 13.10.2005 19:30

Húsleit hjá Intel

<font face="Helv">S</font>amkeppnisyfirvöld í Evrópu leituðu í gær óvænt samtímis á skrifstofum Intel í Bretlandi, Þýskalandi, Spáni og Ítalíu. Intel er stærsti framleiðandi tölvuörgjörva í heiminum með 90 prósent markaðshlutdeild,

Erlent 13.10.2005 19:30

Sprenging í verslunarmiðstöð

Sprenging varð í verslunarmiðstöð í bænum Netanya í Ísrael fyrir stundu. Að sögn útvarpsins á staðnum eru margir látnir. Nánari upplýsingar um sprenging<font face="Courier New">una</font> liggja ekki fyrir að svo stöddu.

Erlent 17.10.2005 23:41

Grunur um morð á Íslendingi

Lík af manni á fertugsaldri sem fannst í Suður-Afríku um helgina er sagt kunna vera af íslendingi sem búið hefur í Jóhannesarborg í um tíu ár. Yfirvöld hér heima hafa sent lögreglu í Suður-Afríku fyrirspurnir vegna málsins, en ekki er vitað af hverjum líkið er.

Innlent 13.10.2005 19:30

Enskar konur geta orðið biskupar

Konur geta nú orðið biskupar í enskum kirkjum eftir að lögum innan kirkjunnar var breytt á dögunum. Málið, sem er afar umdeilt, hafði verið rætt fram og aftur en yfirmenn kirkjunnar skiptust í tvær fylkingar.

Erlent 13.10.2005 19:30

Bílflökin enn á veginum

Lögreglan á Blönduósi biður ökumenn að sýna sérstaka aðgát skammt frá Vatnsnesvegamótum í Vestur-Húnavatnssýslu vegna tveggja vörubílsflaka. Bílarnir lentu saman í hörðum árekstri í gær þar sem einn maður hlaut beinbrot.

Innlent 13.10.2005 19:30

London: Líklega sjálfsmorðsárásir

Breska fréttastöðin Sky hefur það eftir heimildum innan lögreglunnar að fjórir tilræðismenn í sprengjuárásunum í London í síðustu viku hafi látist í árásunum. Ýtir þetta undir þann grun að um sjálfsmorðsárásir hafi verið að ræða.

Erlent 13.10.2005 19:30

Kúabændur huga að útrás

Framkvæmdastjóri Landssambands kúabænda segir bjart fram undan hjá kúabændum, svo bjart að þeir séu farnir að huga að útrás. Sambandið hefur hvatt kúabændur til aukinnar mjólkurframleiðslu vegna vinsælda nýrra mjólkurafurða.

Innlent 13.10.2005 19:30

Konum á gæsluvöllum sagt upp

Össur Skarphéðinsson segir að verið sé að brjóta loforð með því að segja upp tuttugu og tveimur konum á gæsluvöllum borgarinnar. Guðlaugur Þór Þórðarson segir konunum sýnt virðingarleysi.

Innlent 13.10.2005 19:30

Ódýrari símtöl til útlanda

Og Vodafone hefur tekið í notkun nýja þjónustu sem nefnist 1010 en með henni geta viðskiptavinir hringt ódýrari símtöl til útlanda. Með því að velja 1010 í stað 00 þegar hringt er til útlanda geta notendur fengið 16-40% afslátt af almennri verðskrá.

Innlent 13.10.2005 19:30

Ólafur 19 - Davíð 17

Skothríð hélt áfram við Reykjavíkurhöfn í dag, þriðja daginn í röð. Skipverjar á rússneskan herskipinu Lesjenkó aðmíráli skutu nítján heiðursskotum í loftið, Ólafi Ragnari Grímssyni, forseta Íslands, til heiðurs en hann skoðaði skipið í dag. Forsetinn fékk tveimur heiðursskotum meira en Davíð Oddsson utanríkisráðherra sem var á sömu slóðum í gær.

Innlent 13.10.2005 19:30

Íslensk börn fá ekki nóg D-vítamín

Hátt hlutfall íslenskra barna fær ekki nægilega mikið D-vítamín dag hvern að sögn Ingu Þórsdóttur næringarfræðings, sem rannsakað hefur D-vítamínneyslu íslenskra barna.

Innlent 13.10.2005 19:30

Grunur um að a.m.k. einn hafi dáið

Breska lögreglan er enn að reyna að komast að því hvort allir fjórir sprengjutilræðismennirnir í London í síðustu viku hafi látist í árásunum. Talsmaður lögreglunnar greindi frá þessu í beinni útsendingu á Sky-fréttastöðinni rétt í þessu. Sterkar vísbendingar eru um að a.m.k. einn þeirra hafi látist í sprengingunni við Aldgate-lestarstöðina.

Erlent 13.10.2005 19:30

Með 300 ketti á heimilinu

Rúmlega 300 kettir voru fjarlægðir af heimili eldri konu í Virginíufylki í Bandaríkjunum á dögunum. Um þriðjungur kattanna var dauður.

Erlent 13.10.2005 19:30

Áhyggjur af framtíð kjarasamninga

Kerfisbreytingin vegna dísilolíunnar veldur hækkun á vísitölu neysluverðs. Alþýðusamband Íslands segir hækkun vísitölunnar ekki koma á óvart og þar á bæ hafa menn áhyggjur af framtíð kjarasamninga.

Innlent 13.10.2005 19:30

Hafðist við á flugvelli í eitt ár

Fyrrverandi Keníabúi, sem hafðist við í meira en eitt ár á flugvellinum í Naíróbó, fékk breskan ríkisborgararétt í morgun. Maðurinn, Sanjay Shah, var viðstaddur sérstaka athöfn í breska sendiráðinu í Naíróbí og fær hann afhent breskt vegabréf innan viku.

Erlent 13.10.2005 19:30

Norskur fjársvikari fyrirfór sér

Norski fjársvikarinn Ole Christian Bach skaut sig í bifreið sinni á flótta undan sænsku lögreglunni á mánudagskvöld. Mikil umræða var um málið í skandinavískum fjölmiðlum í gær og hefur lögmaður Bach óskað eftir rannsókn á dauða hans.

Erlent 13.10.2005 19:30

Óljóst um ábyrgð í meðlagsmálum

Forstjóri Innheimtustofnunar sveitarfélaga segir óljóst hver sé ábyrgur í meðlagsmálum þar sem barn hefur verið rangfeðrað. Hann segir meðal annars móður barnsins og ranga föðurinn bera einhvern hluta ábyrgðarinnar.

Innlent 13.10.2005 19:30

Öryggismyndavél með símkorti

Hafin er sala á nýrri eftirlitsmyndavél frá Nokia sem sögð er geta hentað fyrir heimili og eins til að hafa auga með sumarbústöðum.

Innlent 13.10.2005 19:30

Illa búin ásamt barni í Þórsmörk

Lögreglan á Hvolsvelli hafði afskipti af þýskri ferðakonu, sem var komin langleiðina inn í Þórsmörk undir kvöld í gær, ásamt þriggja ára gömlu barni sínu og voru þau bæði mjög illa búin þrátt fyrir slæmt veður.

Innlent 13.10.2005 19:30

Líkið talið vera af Íslendingi

Lík af karlmanni, sem talinn er vera Íslendingur, fannst í tunnu fullri af steinsteypu í húsagarði í Boksburg í Suður-Afríku í vikunni. Mbl.is greinir frá þessu. Að sögn suður-afrískra fjölmiðla er talið að um sé að ræða mann sem hafði búið undanfarinn áratug þar í landi en hvarf fyrir um fimm vikum.

Innlent 13.10.2005 19:30