Fréttir

600 sýkst af salmonellu á Spáni

Yfir 600 manns hafa sýkst af salmonellu á Spáni á undanförnum vikum og segja heilbrigðisyfirvöld þar í landi að sýkinguna megi rekja til soðins kjúklings sem framleiddur er í Castilla La Mancha.

Erlent 13.10.2005 19:37

Viðgerð tókst að óskum

Stephen Robinson, geimfari um borð í bandarísku geimferjunni Discovery, tókst í geimgöngu í gær að losa tvö stykki úr einangruninni sem stóð út úr hitahlíf Discovery. Hann þurfti ekki að nota til þess sögina sem sérstaklega hafði verið búin til í geimstöðinni, heldur dugði að toga varlega.

Erlent 13.10.2005 19:37

Eignast heilbrigða dóttur

Heilasködduð kona í Bandaríkjunum eignaðist dóttur á þriðjudag eftir sjö mánaða meðgöngu. Konunni hafði verið haldið á lífi með öndunarvél í þrjá mánuði, til að ófætt barnið fengi að þroskast áður en það fæddist.

Erlent 13.10.2005 19:37

Ígildi 57 bankagjaldkera

Ingvar Vilhjálmsson, forstöðumaður KB banka, er ígildi fimmtíu og sjö bankagjaldkera sé litið til upplýsinga í opinberum álgningarskrám. Bankagjaldkerar hafa að meðaltali eitthundrað og sjötíuþúsund krónur á mánuði, en forstöðumaðurinn hefur hinsvegar rúmar níu komma þrjár milljónir. Ingvar Vilhjálmsson seigr að upplýsingarnar séu rangar og hann hyggst hyggst kæra álagninguna.

Innlent 13.10.2005 19:37

Komust allir lífs af úr slysinu

Kanadísk yfirvöld segja að allir farþegarnir 252 sem voru í Airbus þotunni sem hlekktist á í lendingu á Torontoflugvelli í kvöld hafi komsit lífs af. Einn flugmanna þotunnar var fluttur á sjúkrahús en hann var á ráfi nálægt slysstaðnum. Þá hlutu 14 farþegar minniháttar meiðsli.

Erlent 13.10.2005 19:37

Þota með 200 manns fórst í lendingu í Toronto

Þota með um 200 manns innanborðs fórst í lendingu á flugvellinum í Toronto í Kanada í kvöld. Sjónarvottar sögðu vélina hafa runnið út af flugbrautinni eftir lendingu, þar hafi skrokkurinn brotnað og mikill eldur gosið upp. Vélin sem var af gerðinni Airbus 340 var í eigu Air France og var að koma frá París. Slæmt veður var þegar slysið varð, úrhellisrigning og þrumuveður. Ekki hafa fengist fregnir af manntjóni en flugstjóri og flugmaður þotunnar voru sagðir hafa komist út úr brennandi flakinu. Þá sögðust sjónarvottar hafa séð farþega klifra út úr flaki vélarinnar. Kanadísk útvarpsstöð fullyrti að flestir farþeganna hefðu bjargast úr flakinu en það eru óstaðfestar fréttir.

Erlent 13.10.2005 19:37

Þjóðhátíðargestir komnir á land

Lang flestir þjóðhátíðargestir eru nú komnir í land þrátt fyrir truflanir á flugi í gær. Herjólfur fór aukaferð í nótt og kom til Þorlákshafnar undir morgun og flug hófst á milli Eyja og Bakkaflugvallar klukkan sex í morgun.

Innlent 13.10.2005 19:36

Samningar harðlega gagnrýndir

Formaður Verslunarmannafélags Suðurnesja gagnrýnir harðlega að aukaleikarar í Eastwood-kvikmyndinni, sem verður tekin upp hér á landi, fái einungis fimm þúsund krónur á dag fyrir að leika í myndinni. Formaður félags íslenskra leikara segir fáránlegt að leikararnir þurfi sjálfir að bera ábyrgð á leikmunum.

Innlent 13.10.2005 19:37

Skútufólki bjargað úr sjávarháska

Þyrla Landhelgisgæslunnar TF-LÍF lenti á Reykjavíkurflugvelli klukkan rúmlega fimm í morgun með fjóra skipbrotsmenn af skútunni Svölu, sem lenti í hrakningum um 130 sjómílur suðaustur af landinu i gærkvöldi. Þegar seglið hafði rifnað í vindhviðu og lítið var orðið eftir af olíu á vélinni kallaði áhöfnin, sem er íslensk, á aðstoð.

Innlent 13.10.2005 19:36

Skaftárhlaupið hefur náð hármarki

Skaftárhlaupið náði hámarki við Sveinstind á fimmta tímanum í morgun og komst rennslið þar í 720 rúmmetra á sekúndu. Það jafngildir rúmlega fimmföldum Gullfossi á sumardegi. Rennsli Skaftár við Kirkjubæjarklaustur hefur verið stöðugt í dag og klukkan þrjú mældist rennslið 116 rúmmetrar á sekúndu.

Innlent 13.10.2005 19:37

Misskilningur segir Árni

Hreimur Heimisson, söngvari Lands og sona, sakar Árna Johnsen um að hafa slegið sig í andlitið á þjóðhátíðarsviðinu í Vestmannaeyjum á sunnudag. Árni Johnsen segir að það sé misskilningur.

Innlent 13.10.2005 19:37

Leikið við Kólumbíu í ágúst

Íslenska landsliðið í knatttspyrnu mætir Kólumbíu í vináttulandsleik á Laugardalsvelli þann 17 ágúst n.k. Ásgeir Sigurvinsson og Logi Ólafsson, landsliðsþjálfarar hafa valið hópinn sem mætir Suður Ameríkumönnunum.

Sport 13.10.2005 19:37

Útlánageta getur tvöfaldast

Fjárfestingarfélagið Burðarás hverfur inn í Landsbankann annars vegar og Straum hinsvegar í mestu hræringum á íslenskum fjármálamarkaði sem um getur. Við þetta getur útlánageta Landsbankans tvöfaldast - en það jafngildir því að bankinn gæti lánað 800 milljarða króna.

Innlent 13.10.2005 19:37

Gísli Marteinn leiðtogaefni

Samkvæmt viðhorfskönnun IMG Gallup, telja borgarbúar Gísla Martein Baldursson líklegastan leiðtogaefna sjálfstæðismanna í Reykjavík til að velta R-listanum úr sessi og leiða Sjálfstæðisflokkinn til sigurs í næstu borgarstjórnarkosningum.

Innlent 13.10.2005 19:37

Engin nauðgun tilkynnt

Enginn hefur leitað til Stígamóta og Neyðarmóttöku vegna nauðgunarmála á Landspítalanum eftir helgina.Guðrún Jónsdóttir hjá Stígamótum segir að svipaða sögu hafi verið að segja í fyrra en þá leituðu tíu konur til samtakanna síðar á árinu vegna nauðgana sem tengdust beint útihátíðum um verslunarmannahelgi.

Innlent 13.10.2005 19:37

Annasamt hjá Blönduóslögreglu

150 ökumenn voru kærðir í umdæmi lögreglunnar á Blönduósi um verslunarmannahelgina fyrir of hraðan akstur. Sá sem hraðast ók, mældist á 153 kílómetra hraða á klukkustund en það var 17ára ökumaður sem má vænta þess að tapa ökuréttindunum.

Innlent 13.10.2005 19:36

Handtökur í London

Tveir menn til viðbótar hafa verið handteknir vegna árásanna á London sem misheppnuðust fyrir rúmri viku. Mennirnir voru handteknir í áhlaupi lögreglunnar á þrjár íbúðir í suðurhluta borgarinnar í gærkvöldi.

Erlent 13.10.2005 19:36

Stjórnlaus í stórsjó

Þyrla Landhelgisgæslunar sótti í fyrrinótt fjóra áhafnarmenn á skútunni Svala ISL 1840 sem bilað hafði um það bil hundrað sjómílur suðaustur af landinu. Bóma sem heldur stórsegli hafði brotnað og sigldi skútan með vélarafli en var orðin olíulítil þegar áhöfn afréð að kalla á aðstoð Landhelgisgæslunar klukkan tíu í fyrrinótt.

Innlent 13.10.2005 19:37

Ríflega 20 milljónir á mánuði

Vilhelm Robert Wessmann, forstjóri Actavis, hefur lang hæstu mánaðalaun allra Íslendinga samkvæmt tekjublaði Frjálsrar Verslunar, eða ríflega 20 milljónir króna. Næstir koma Jón Ásgeir Jóhannesson í Baugi og Ingvar Vilhjálmsson í KB banka, með röskar níu milljónir á mánuði en ná samt ekki að vera hálfdrættingar á við Vilhelm Róbert.

Innlent 13.10.2005 19:36

Kelduhverfi logaði í eldglæringum

Eldingar ollu rafmagns-, útvarps- og sjónvarpstruflunum á Norðurlandi. Oddviti í Kelduneshreppi segir skepnur hafa hræðst, hestar hlupu um tún og hundar forðuðu sér í hús. Eldingu laust niður í rafmagnslínu.

Innlent 13.10.2005 19:37

Fahd borinn til grafar

Fahd, konungur Sádi-Arabíu, var borinn til grafar í dag. Íslamskir þjóðarleiðtogar frá öllum heimshornum söfnuðust saman í Riyadh í Sádi-Arabíu í dag til að votta Fahd virðingu sína.

Erlent 13.10.2005 19:37

Ólöglegar veiðar

Tveir línubátar voru staðnir að meintum ólöglegum veiðum í Reykjafjarðarál norðaustur af Ströndum aðfaranótt þriðjudags.

Innlent 13.10.2005 19:37

Varkárni og taugaveiklun í London

Taugaveiklun greip um sig í London í dag, þegar fréttir bárust af eldi um borð í strætisvagni. Við nánari athugun reyndist ekkert alvarlegt á seyði. Í gærkvöldi voru tveir menn til viðbótar handteknir í tengslum við árásirnar sem misheppnuðust fyrir viku. standið í London þessa dagana einkennist af óróa og varkárni.

Erlent 13.10.2005 19:37

Saka Kúveita um olíustuld

Íraskir þingmenn ásökuðu Kúveita í gær um að stela olíu Íraka og ræna af þeim landsvæði. Ásökunin, sem er svipuð þeim sem Saddam Hussein notaði til að réttlæta innrásina í Kúveit 2. ágúst 1990, kom í kjölfar nokkurra minniháttar átaka við landamæri Kúveits og Íraks.

Erlent 13.10.2005 19:37

Gróðurhúsalofttegundir forða ísöld

Bandarískur vísindamaður segir að ef ekki væri fyrir gróðurhúsalofttegundirnar, væri jörðin á leið inn í nýja ísöld og jöklar farnir að leggja undir sig norðurhvel jarðar.

Erlent 13.10.2005 19:37

Sprengjutilræði í Íran

Sprenging varð við við skrifstofur British Airways í Teheran, höfuðborg Írans í morgun. Sprengjan var falin í ruslatunnu fyrir utan húsið sem einnig hýsir skrifstofur BP olíufélagsins og Daimler Chryseler. Engin slys urðu á mönnum og enginn hefur lýst tilræðinu á hendur sér.

Erlent 13.10.2005 19:36

Fullhraustir í sérmerktum stæðum

Til stendur að taka upp hert eftirlit með notkun sérmerktra bílastæða fyrir hreyfihamlaða á Akureyri, bæði á opinberum bílastæðum og einkalóðum. Ástæðan er að nokkuð hefur verið um það að fullhraust fólk heufr verið að nota þessi stæði í heimildarleysi og til mikils óhagræðis fyrir hreyfihamlaða.

Innlent 13.10.2005 19:37

Mest lesið