Metverðbólga á evrusvæðinu

Verðbólga mældist 4,0 prósent á evrusvæðinu í síðasta mánuði. Þetta er 0,3 prósentustiga hækkun á milli mánaða og hefur hún aldrei verið meiri.

Eik Banki fellur um 10% á markaðinum í Kaupmannahöfn

Tveir litlir bankar á markaðinum í Kaupmannahöfn hafa fallið mikið frá því í morgun. Hinn færeyski Eik Banki hefur fallið um 10% en hann er einnig skráður í kauphöllina hérlendis. Þá hefur Bonusbanken fallið um rúm 7%.

Co-op samþykkir yfirtöku Sommerfield fyrir 240 milljarða kr.

Co-op group hefur samþykkt yfirtöku Sommerfield fyrir 1,57 milljarða punda eða sem svarar til um 240 milljarða kr. Kaupþing var einn af eigendum Sommerfield.

Fjöldi fasteignafélaga á Spáni orðin gjaldþrota

Fasteignafélög á Spáni standa nú í röðum eftir að lýsa sig gjaldþrota. Þetta kemur í kjölfar þess að um 40.000 fasteignasalar í landinu hafa lokað skrifstofum sínum frá því í fyrra.

Fitch segir hættu á fjöldagjaldþrotum flugfélaga

Matsfyrirtækið Fitch Ratings segir að mikil hætta sé á fjöldagjaldþrotum meðal bandarískra flugfélaga á næsta ári.

Danir baula á konur á barneignaraldri

Mörg fyrirtæki ráða fremur aðra umsækjendur en konur á barneignaraldri. Þetta kemur fram í Börsen en þar er sagt frá rannsókn sem greiningarstöðin Zapera gerði með því að taka viðtöl við 252 starfsmannastjóra í dönskum fyrirtækjum.

General Motors segir upp 16 þúsund manns

Rick Wagoner, forstjóri bandaríska bílaframleiðandans General Motors, tilkynnti í dag að fyrirtækið ætli að segja upp 20 prósentum af skrifstofufólki sínu fram á næsta ári. Horft er til þess að uppsagnirnar spari fyrirtæki fimmtán milljarða bandaríkjadala, jafnvirði 1.164 milljarða íslenskra króna.

Hráolíuverðið féll í dag

Heimsmarkaðsverð á hráolíu féll um tíu dali á tunnu í kjölfar ummæla Bens Bernanke, seðlabankastjóra, að útlit sé fyrir að einkaneysla muni dragast saman á árinu. Þá helst verðlækkunin í hendur við lækkun á gengi hlutabréfa en fjárfestar seldu mikið magn bréfa vegna fregna um slæma fjárhagsburði fjármálafyrirtækja.

Bush ver björgun húsnæðislánasjóðanna

Húsnæðislánasjóðirnir Fannie Mae og Freddie Mac eru nægilega fjármagnaðir. Þetta sagði George W. Bush, forseti Bandríkjanna, á blaðamannafundi sem nú stendur yfir í Hvíta húsinu. Hann vísaði því á bug að ákvörðun ríkisstjórnarinnar að auka hlutafé sjóðanna í skugga mikilla afskrifta vegna þrenginga á fasteignamarkaði sé til þess fallið að bjarga hluthöfum sjóðanna.

Enn falla húsnæðislánasjóðirnir

Gengi hlutabréfa í bandarísku húsnæðislánasjóðunum Fannie Mae og Freddy Mac féll á ný í dag þrátt fyrir að bandaríska ríkið hafi ákveðið að grípa til björgunaraðgerða til að forða fyrirtækjunum frá þroti.

Smásöluverslun í Bandaríkjunum undir væntingum

Smásöluverslun í Bandaríkjunum jókst aðeins um 0,1 prósent í júní en sérfræðingar höfðu spáð aukningu upp á nærri hálft prósentustig. Helsta ástæðan er talin vera minni sala á bílum en hún lækkaði um 3,3 prósent í mánuðnum.

Risavaxinn afgangur á vöruskiptum í Noregi

Hið háa olíuverð í heiminum fær Norðmenn til að brosa breitt þessa dagana. Afgangurinn af vöruskiptum þeirra við útlönd nam yfir 500 milljörðum kr. í júnímánuði einum saman.

Mikil verðbólga í Bretlandi

Verðbólga mældist 3,8 prósent í Bretlandi í síðasta mánuði, samkvæmt nýjustu tölum bresku hagstofunnar. Hún hefur ekki verið meiri í áratug.

Lækkanir á Asíumörkuðum í morgun

Fjármálafyrirtæki leiddu lækkun á hlutabréfamörkuðum í Asíu í morgun. Fylgir Asía þar með í fótspor markaða í Bandaríkjunum í gær.

Húsnæðislánasjóðirnir rjúka upp

Gengi hlutabréfa í fasteignalánasjóðunum Fannie Mae og Freddie Mac hefur rokið upp á bandarískum markaði í dag eftir björgunaraðgerðir stjórnvalda til að forða þeim frá gjaldþroti.

Iðnaðarframleiðslan á evrusvæðinu dregst saman

Iðnaðarframleiðsla dróst saman um 1,9% í maí frá fyrri mánuði á evrusvæðinu samkvæmt tölum sem evrópska hagstofan birti í morgun en mest dróst framleiðslan saman í Þýskalandi og Frakklandi, tveimur stærstu hagkerfum evrusvæðisins.

Hlutabréf í Roskilde bank enn í frjálsu falli

Hlutabréf í Roskilde bank hafa verið í frjálsu falli frá því að kauphöllin í Kaupmannahöfn opnaði í morgun. Björgunaraðgerðir Seðlabanka Danmerkur fyrir helgina hafa ekki náð að róa fjárfesta.

Stoðir Invest bjarga Nyhedsavisen

Viðskiptasíður danskra blaða segja í morgun að Stoðir Invest muni koma Nyhedsavisen til bjargar. Samkomulag hafi náðist milli Stoða og Morten Lund meirihlutaeigenda útgáfunnar um helgina og verði það kynnt síðar í dag.

Stærsti bjórframleiðandi heims varð til um helgina

Stærsti bjórframleiðandi í heimi varð til um helgina er Anheuser-Busch, sem framleiðir Budwaiser-bjórinn. samþykkti yfirtöku belgíska InBev brygghúsana sem framleiða Stella Artois bjórinn.

Fasteignasjóðum í Bandaríkjunum bjargað frá þroti

Fjármálaráðherra Bandaríkjanna hefur gefið út yfirlýsingu um að tveimur stærstu íbúðalánasjóðum landsins verði komið til aðstoðar. Bæði ríkissjóður landsins og seðlabanki munu koma að málinu.

Þriðjungur Airbus-pantana í uppnámi

EADS, sem framleiðir Airbus-farþegaþoturnar í Evrópu, gerir ráð fyrir því að allt að þriðjungur þeirra pantana sem flugfélögin hafa lagt inn hjá fyrirtækinu gæti endað í ruslinu vegna þeirrar úlfakreppu sem hækkandi eldsneytisverð hefur valdið flugfélögum um allan heim.

Skuldir vegna SMS-lána hlaðast upp í Finnlandi

Finnskar fjármálastofnanir riðu fyrir þremur árum á vaðið með SMS-lán, nýja kynslóð bankalána sem afgreidd eru á þremur mínútum. Nú er svo komið að skuldir tengdar þessum lánum eru orðnar 20 prósent vandræðaskulda Finna

Yahoo! hafnaði tilboði Microsoft um kaup á leitarvélahluta

Yahoo! hafnaði í dag tilboði Microsoft og milljarðamæringsins Carls Icahns um kaup á leitarvélahluta fyrirtækisins.

Allt að 800 metra biðraðir eftir nýja iPhone-símanum

Gloppur í hugbúnaði nýja iPhone-símans frá Apple og takmarkað upplag hans í mörgum verslunum sló marga kaupendur út af laginu í gær þegar sala á gripnum hófst í 22 löndum en hans hefur verið beðið með eftirvæntingu síðan í vor þegar fréttir tóku að berast af nýjum iPhone-síma.

Lækkun á bandarískum hlutabréfamarkaði

Gengi hlutabréfa hefur almennt lækkaði á bandarískum hlutabréfamarkaði í dag. Hátt olíuverð á hlut að máli auk þess sem fregnir um slæma fjárhagsstöðu bandarísku fasteignasjóðanna Fannie Mae og Freddie Mac varð til þess að fjárfestar losuðu sig við hlutabréf og færðu fjármuni sína í öruggara skjól.

Hráolíuverð aftur í methæðir

Heimsmarkaðsverð sló nýtt met í dag þegar það hækkaði verulega og snerti 146 dali á tunnu. Ástæðan er vaxandi spenna fyrir botni Miðjarðarhafs, fyrirhugað nokkurra daga verkfall í olíuframleiðslu í Brasilíu og árásir á olíuvinnslustöðvar í Nígeríu.

Gengi fasteignasjóðanna hrynur

Gengi bréfa í fasteignasjóðunum Fannie Mae og Freddie Mac hafa fallið um helming fyrir upphaf viðskiptadagsins í dag. Henry Paulson, fjármálaráðherra Bandaríkjanna, vísaði því á bug í gær að sjóðirnir væru að keyra í þrot og benti á að þeir væru of mikilvægir fyrir bandarískt efnahagslíf til að svo geti farið.

Fleiri danskir bankar en Roskilde bank í erfiðleikum

Fjölmiðlar í Danmörku hafa skrifað mikið um erfiðleika Roskilde bank sem nú hefur fengið 12 milljarða kr. lán frá danska seðlabankanum til að halda sér á floti. Fjárfestingarstjóri Straums-Burðarás í Danmörku segir að Roskilde bank sé ekki einstakt tilfelli og að fleiri danskir bankar muni lenda í vandræðum.

Olíuverðið dragbítur rekstrarfélaga

Hátt olíuverð er helsta ástæða þess að gengi hlutabréfa hefur almennt lækkað á evrópskum hlutabréfamörkuðum í dag. Rekstrarfélög, svo sem bílaframleiðendur og flugfélög, hafa lækkað nokkuð enda vegur olíuverðið þungt í efnahagsreikningi þeirra.

Verð á hráolíu rýkur upp á mörkuðum í Evrópu

Verðið á olíutunnunni hefur rokið upp á mörkuðum í Evrópu í morgun. Um tíuleytið var tunnan af Brent-olíu komin yfir 144 dollara sem er hækkun um hátt í þrjá dollara frá því í gærkvöldi.

Olíuverð nálægt methæðum

Heimsmarkaðsverð hækkaði um 2,5 prósent í morgun og er nú komið nálægt methæðum á nýjan leik. Þetta er jafnframt þriðji dagurinn í röð sem verðið hækkar.

Rekstur Sellafield-versins boðinn út

Breska ríkið hefur tilnefnt þrjú félög beggja vegna Atlantsála til að hreina og reka kjarnorkuverið í Sellafield þar í landi. Í nýlegri skýrslu breskra yfirvalda kemur fram að hugsanlega taki það rúma öld að hreinsa svæðið og tryggja öryggi þess.Breska ríkið mun eftir sem áður eiga eignir kjarnorkuversins.

Abramovich kaupir dýrasta hús í heimi

Auðjöfurinn Roman Abramovich hefur fest kaup á dýrasta húsi í heimi. Roman borgaði tæplega 35 milljarða kr. Fyrir húsið La Leopolda sem stendur við frönsku rivieruna nálægt Monte Carlo.

Royal Bank of Scotland selur undan ABN Amro

Royal Bank of Scotlandi er að skoða sölu á starfseiningu hollenska bankans ABN Amro í Ástralíu og á Nýja-Sjálandi.

Stjórn Nyhedsavisen hótar að segja af sér

Stjórn útgáfufélagsins á bakvið fríblaðið Nyhedsavisen hótar nú að segja af sér ef eigendur útgáfunnar, Morten Lund og Stoðir Invest, tryggi ekki mjög bráðlega nýtt fjármagn til rekstursins.

Olíuverðið rauk upp um 5 dollara í lok markaða

Aðeins hálftíma áður en olíumarkaðir heimsins lokuðu seint í gærkvöldi rauk verðið á olíutunnunni upp um röska 5 dollara og stendur nú í ríflega 141 dollar á tunnuna.

Óbreyttir stýrivextir í Bretlandi

Englandsbanki, seðlabanki Bretlands, ákvað í dag að halda stýrivöxtum óbreyttum í fimm prósentum. Þetta er í samræmi við flestar spár. Í rökstuðningi bankans fyrir ákvörðuninni kemur fram að stefnt sé að því að halda verðbólgu niðri en hætt sé við að hún komi niður á vexti hagkerfisins.

Skellur hjá Sports Direct

Hagnaður Sports Direct, umsvifamestu íþróttavöruverslun Bretlands, nam 85 milljónum punda á síðasta rekstrarári. Þetta jafngildir 12,8 milljörðum íslenskra króna og er helmingi minna en verslunin skilaði árið á undan.

Arabar festa kaup á Crysler byggingunni í New York

Fjárfestingarsjóður í eigu stjórnvalda í Abu Dhabi hefur fest kaup á þekktasta húsi New York borgar, Chrysler byggingunni.

Heimsmarkaðsverð á olíu lækkar mikið

Heimsmarkaðsverð á olíu lækkaði um sex dollara í gærdag og hefur ekki verið lægra í tæpar tvær vikur. Endaði verðið í 136 dollurum á tunnuna.

Hagnaður Alcoa dróst saman en yfir væntingum

Bandaríski álrisinn Alcoa hagnaðist um 546 milljónir bandaríkjadala, jafnvirði 42 milljarða íslenskra króna, á öðrum ársfjórðungi. Þetta er nokkur samdráttur á milli ára en hagnaðurinn nam 715 milljónum dala á sama tíma í fyrra.

Olíuverðið ekki lægra síðan í júní

Heimsmarkaðsverð á hráolíu féll um sex dali og situr nú í tæpum 136 dölum á tunnu. Verðið hefur fallið um 10 dali síðan það snerti methæðir í síðustu viku.

BBC Worldwide skilar metafkomu

Á meðan hagnaður margra fyrirtækja gufar upp í dýfunni nú þá heyrir öðruvísi við BBC Worldwide í Bretlandi. Afþreyingafyrirtækið hagnaðist um 117,7 milljónir punda, jafnvirði 17,8 milljarða íslenskra króna, á síðasta ári og hefur hann aldrei verið meiri.

Bretland rambar á barmi kreppu

Breska verslunarráðið segir að Bretland rambi á barmi kreppu. Ráðið reiknar með að um 300.000 Bretar muni missa atvinnu sína fyrir áramótin.

Dönsk hlutabréf lækkuðu um rúm 3% í morgun

Það stefnir í blóðrauðan dag í dönsku kauphöllinni í dag og raunar víðast í kauphöllum Evrópu. Danska C-20 vísitalan hefur fallið um rúm 3% frá opnuninni fyrir klukkutíma síðan. Um er að ræða mestu lækkunin frá því í janúar s.l.