Fleiri fréttir

10 þúsund tonn af rækju á land

Alls hafa veiðst 10 þúsund tonn af rækju frá áramótum. Þrátt fyrir að tveir mánuðir séu eftir af árinu þá er aflinn samt orðinn um 1700 tonnum meiri í ár enn árið 2011. Á vefnum Aflafréttir kemur fram að 40 bátar og skip hafi komið með þennan afla að landi, en árið 2011 þá voru bátarnir 32 talsins.

Auðjöfur kaupir hlut í Orku Energy

Richard Chandler Corporation (RCC) keypti í sumar 33 prósenta hlut í móðurfélagi íslenska orkufyrirtækisins Orka Energy Holding ehf. Samkvæmt tilkynningu til fyrirtækjaskráar greiddi RCC tólf milljónir dala, um 1,5 milljarð króna fyrir hlutinn. RCC, sem er staðsett í Singapore, var stofnað af Richard F. Chandler, nýsjálenskum fjárfesti. Samkvæmt lista Forbes var Chandler, sem er 53 ára og ókvæntur, fjórði ríkasti maður Singapore í lok síðasta árs og 230. ríkasti maður í heimi. Tímaritið sagði auð hans nema um 4,6 milljörðum dala, um 586 milljörðum króna.

ASÍ leggst gegn fríverslunarsamningi við Kólumbíu

Alþýðusamband Íslands leggst gegn því að EFTA fullgildi fríverslunarsamning við Kólumbíu og landbúnaðarsamning Íslands og Kólumbíu sem nú liggja fyrir Alþingi Þetta kemur fram í umsögn ASÍ til Alþingis. ASÍ segir að mannréttindabrot gegn verkalýðsforingjum og meðlimum stéttarfélaga séu daglegt brauð í Kólumbíu þar sem réttindi launafólks séu fótum troðin. Bara á þessu ári hafi 35 verkalýðsforingjar verið myrtir í Kólumbíu.

Veitingastaðarisinn Foodco hagnast

Foodco, sem rekur veitingastaði undir merkjum American Style, Saffran, Eldsmiðjunnar, Aktu-Taktu, Pítunnar og Greifans á Akureyri, hagnaðist um 53,3 milljónir króna í fyrra.

Viðskipti hefjast í næstu viku

Viðskipti með hlutabréf Eimskipafélags Íslands munu hefjast í Kauphöllinni þann 16. nóvember næstkomandi. Kauphöllin hefur samþykkti umsókn Eimskips um skráningu að uppfylltum skilyrðum um dreifingu hlutafjár, segir í Morgunkorni Greiningar Íslandsbanka.

Norðurorka semur við Íslandsbanka um bankaviðskipti

Nýlega var undirritaður nýr samningur Akureyrarbæjar og Norðurorku hf. annars vegar og Íslandsbanka hins vegar um bankaviðskipti til næstu fimm ára. Viðskiptin voru boðin út síðasta sumar og bárust tilboð frá Arion-banka, Íslandsbanka og Landsbanka. Tilboð Íslandsbanka reyndist hagstæðast. Samningurinn varðar alla almenna viðskiptabankaþjónustu, innláns- og útlánsviðskipti.

Velta á fasteignamarkaði eykst um ríflega 36 prósent milli ára

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í október 2012 var 552, samkvæmt tölum sem Þjóðskrá birti í morgun. Heildarvelta nam 16,4 milljörðum króna og meðalupphæð á hvern kaupsamning var 29,7 milljónir króna. Viðskipti með eignir í fjölbýli námu 11,2 milljörðum, viðskipti með eignir í sérbýli 4,1 milljarði og viðskipti með aðrar eignir 1 milljarði króna.

136 milljóna tap á DV frá stofnun

DV ehf., sem á og rekur dagblaðið DV og vefinn dv.is, tapaði 82,8 milljónum króna í fyrra. Félagið tapaði auk þess 53,3 milljónum króna á fyrstu níu starfsmánuðum sínum á árinu 2010, en félagið var stofnað í upphafi þess árs. Samtals hefur DV því tapað 136,1 milljón króna á tæpum tveimur árum. Þetta kemur fram í ársreikningi félagsins sem var skilað inn til ársreikningaskráar 24. október síðastliðinn.

Gengur hratt á eigið fé Háskólans í Reykjavík

Háskólinn í Reykjavík (HR) tapaði 231,5 milljónum króna í fyrra og 401,4 milljónum króna á árinu 2010. Hann mun einnig verða rekinn með tapi á þessu ári og fyrirsjáanlegt er að afkoman verði neikvæð til lengri tíma ef ekki verður breyting á fjárframlögum ríkisins til hans. Þetta kemur fram í ársreikningi HR sem birtur var nýverið. Framlag til skólans þarf að aukast um 120 milljónir króna á ári næstu þrjú árin til að tryggja rekstrarhæfi hans í þeirri mynd sem skólinn er rekinn í dag.

Björgólfur Thor og Róbert Wessman bera klæði á vopnin

Deilum athafnamannanna Björgólfs Thors Björgólfssonar og Róberts Wessman fyrir dómstólum er lokið. Róbert Wessman hefur skrifað undir skuldabréf upp á 5 milljónir evra, jafnvirði rúmlega 800 milljóna króna, sem hann þarf að greiða Björgólfi Thor og Actavis.

Fasteignasjóðir kaupa fasteignir fyrir tugi milljarða

Á undanförnum mánuðum hafa bankar og fyrirtæki í fjármálgeiranum stofnsett sjóði til þess að kaupa fasteignir. Samtals hafa um fjörutíu milljarðar verið lagðir í þessa sjóði, og hafa lífeyrissjóðirnir verið umfangsmestir í því að leggja sjóðunum til fé. Horft er til þess að fasteignaverð muni hækka á næstu árum.

Delta flýgur til Íslands á næsta ári

Delta Air Lines ætlar að fljúga til Íslands á næsta ári. Flugið hefst 3. júní næstkomandi. Flogið verður allt að sex sinnum í víku yfir hásumarið á Boeing 757-200 vél sem tekur 170 manns í sæti. Önnur flugfélög hafa ekki tilkynnt flug á næsta ári.

Þorsteinn Már: Stjórnvöld og fólk í sjávarútvegi vinni saman

„Ég hef ekki staðið frammi fyrir jafn krefjandi verkefni í rekstri Samherja síðastliðin 25 ár og nú," segir Þorsteinn Már Baldvinsson, forstjóri Samherja, í tilkynningu vegna rekstrarárs í fyrra. Samherji, að meðtöldum dótturfélögum, hagnaðist um 8,8 milljarða króna í fyrra, sem er besta rekstrarniðurstaða í sögu félagsins.

Brim innleiðir orkustjórnunarkerfi frá Marorku

Í dag skrifuðu Brim og Marorka undir samstarfssamning um innleiðingu orkustjórnunar í skipum Brims. Innleiðing orkustjórnunar hjá Brimi kemur til með að lágmarka olíunotkun félagsins við fiskveiðar og gera þær enn hagkvæmari. Brim er mjög framarlega í fiskveiðum og hefur yfir að ráða nýjum, öflugum og hagkvæmum skipum. Með þessum samningi er Brim fyrsta fiskiskipaútgerðin á Íslandi sem innleiðir heildstæða og markvissa orkustjórnun.

Eignirnar jukust um 30 milljarða

Eignir lífeyrissjóðanna jukust um 30 milljarða króna í september síðastliðnum og er það mesta aukning eigna í einum mánuði síðan í mars síðastliðnum. Greining Íslandsbanka segir frá því í dag að það sem af er þessu ári hafa eignir lífeyrissjóðanna aukist um að meðaltali 22 milljarða króna í mánuði hverjum og er aukningin í október því mun meiri en verið hefur að meðaltali undafarna mánuði.

Bílainnflutningur stóraukist

Bílainnflutningur hefur aukist verulega á árinu. Þetta sýna tölur um vörugjöld af bílum sem birtist í greiðsluuppgjöri ríkissjóðs. Tekjur af vörugjöldunum hafa aukist um rúm 58% og nema tekjurnar um 3,2 milljörðum króna. Í tölum fjármálaráðuneytisins kemur fram að innflutningur bílaleigubíla á stóran þátt í aukningunni.

Útlánasafn Arion banka í lagi

Útlánasafn Arion banka er ekki ofmetið, samkvæmt niðurstöðu skoðunar sem Fjármálaeftirlitið gerði fyrr á árinu. Skoðunin beindist að virðismati lána á öðrum ársfjórðungi ársins 2011.

Gistinóttum á Íslandi fjölgar um 14%

Gistinóttum á hótelum á Íslandi fjölgaði um 14% í september, miðað við sama mánuð í fyrra. Gistinætur á hótelum í september voru 156 þúsund nú í september samanborið við tæp 137 þúsund í september í fyrra. Gistinætur erlendra gesta voru um 82% af heildarfjölda, en gistinóttum þeirra fjölgaði um 15% samanborið við september í fyrra. Á sama tíma voru gistinætur Íslendinga 11% fleiri en árið áður. Fram kemur á vef Hagstofunnar að gistinóttum á hótelum fjölgaði í öllum landshlutum.

Sjóður kaupir yfir 100 fasteignir í miðbæ Reykjavíkur

Fjárfestingasjóður á vegum GAMMA hefur á undanförnum mánuðum keypt yfir 100 íbúðir miðsvæðis í Reykjavík fyrir um fjóra milljarða króna. Sjóðurinn er fyrir fagfjárfesta en veðjað er á að fasteignaverðið muni hækka töluvert á þessu svæði á næstu árum.

Gengi bréfa Össurar lækkaði um 2,13 prósent

Hlutabréf Össurar lækkuðu um 2,13 prósent í dag og er gengi bréfa félagsins nú 184. Gengi bréfa Marels lækkaði um 1,56 prósent og er gengi bréfa félagsins nú 126,5, og hefur það lækkað töluvert að undanförnu, en í maí síðastliðnum fór gengið í 161,5. Gengi Icelandair hækkaði um 0,27 prósent og er gengi bréfa félagsins nú 7,43. Þá lækkaði gengi bréfa Haga um 0,94 prósent og er gengi bréfa félagsins nú 21.

Mynd af sigurvegaranum á turninum í New York

Bjarni Kolbeinsson, viðskiptafræðinemi við Háskóla Íslands, fékk á föstudaginn afhent verðlaun fyrir að ná bestri ávöxtun í Ávöxtunarleiknum í október, en hann fékk nýjan i pad að launum frá epli.is. Af því tilefni var mynd af honum varpað upp á turninn svokallað í New York, þar sem helstu tíðindi af markaði Nasdaq birtast.

Vatnið kemur heim að dyrum

Vatnsfyrirtæki Jóns Ólafssonar hyggst bjóða upp á heimsendingu á vatninu Icelandic Glacial í Kaliforníu og Flórída. Verkefnið er unnið í samvinnu við fjölmiðlana Los Angeles Times og Sun Sentinel. Vatnið mun þannig berast heim til fólks með blöðunum. Jón Ólafsson segir að þetta sé það stærsta sem Icelandic Glacial hafi ráðist í til þessa. Í tilkynningu segir að með þessu móti geti fyrirtækið lagt sitt af mörkum til að draga úr neikvæðum áhrifum á umhverfið.

Vöxtur hóflegur næstu árin

Seðlabanki Íslands gerir ráð fyrir að landsframleiðsla aukist um 2,7 prósent í ár og 2,5 prósent á næsta ári. Þetta er meðal þess sem kemur fram í þjóðhagsspá sem gefin var út í gær. Þá er spáð 2,9 prósenta vexti á árinu 2014.

Samherji í ýmsu öðru en sjávarútvegi

Samherji og annað stórt sjávarútvegsfyrirtæki, FISK Seafood, sem er í eigu Kaupfélags Skagfirðinga, keyptu fyrr á þessu ári hvort sinn 37,5 prósenta hlutinn í Olís. Svo virðist sem félögin tvö hafi greitt einn milljarð króna hvort fyrir að eignast samtals þrjá fjórðu í Olís. Samkeppniseftirlitið samþykkti kaupin í haust en setti kaupunum ýmis skilyrði.

Tuttugu milljarða hagnaður frá árinu 2009

Samherji hagnaðist um 8,8 milljarða króna í fyrra. Samstæðan hagnaðist um 20,2 milljarða á árunum 2009 til 2011. Um 60 prósent starfseminnar erlendis. Samstæðan greiddi 400 milljónir í veiðigjald.

Kröfu Gunnars Andersen hafnað

Héraðsdómur Reykjavíkur hafnaði í dag kröfu Gunnars Þ Andersen, fyrrverandi forstjóra Fjármálaeftirltisins, um að lagt yrði fyrir saksóknara að afla upplýsinga um gögn og viðskipti Landsbanka Íslands hf. við eignarhaldsfélagið Bogamanninn. Bogamaðurinn var félag í eigu Guðlaugs Þórs Þórðarsonar alþingismanns.

Viðskiptafræðinemi við HÍ náði bestri ávöxtun allra

Bjarni Kolbeinsson, nemi í viðskiptafræði við Háskóla Íslands, hefur ávaxtað spilapeninga sína best þátttakenda í Ávöxtunarleiknum til þessa og tók hann við verðlaunum sínum sem hástökkvari októbermánaðar í húsakynnum Kauphallar Íslands í dag. Bjarni fékk að launum nýjan i pad frá epli.is.

Samherji hagnaðist um 8,8 milljarða króna

Útgerðarfyrirtækið Samherji hagnaðist um 8,8 milljarða króna á síðasta ári, að meðtalinni afkomu dótturfélaga, en það er besta afkoma í sögu félagsins. Um 60 prósent af starfsemi fyrirtækisins, og dótturfélaga þessa, er utan Íslands en Samherji er með starfsemi í ellefu löndum og gera dótturfélög þess upp í 8 mismunandi gjaldmiðlum.

Berjast saman gegn verðtryggingunni

Stjórn stéttarfélagsins Framsýnar í Þingeyjarsýslum samþykkti í gærkvöldi að standa heilshugar við bakið á Verkalýðsfélagi Akraness, sem ætlar að láta reyna á það fyrir dómstólum, hvort verðtrygging hér á landi standist lög. Framsýn ætlar að styrkja Skagmenn með fjárframlagi og skorar á önnur aðildarfélög Starfsgreinasambands Íslands að gera slíkt hið sama.

Sagði frá niðurfellingu kauprétta

Forstjóri Eimskips greindi formanni VR frá því að til stæði að fella niður kauprétti stjórnenda fyrirtækisins áður en hlutafjárútboði lauk. Fjármálaeftirlitið rannsakar hvort allir bjóðendur hafi setið við sama borð.

Björn mótmælir öllum frávísunarástæðum

Björn Þorvaldsson, saksóknari hjá embætti sérstaks saksóknara, mótmælir öllum þeim atriðum sem ákærðu í Al-Thani málinu leggja til grundvallar kröfu sinn um að málinu skuli vísað frá. Hann segir að samtals hafi komið frá aðskild tíu atriði sem ákærðu telja að eigi að leiða til frávísunar. "Það hlýtur að vera met,“ sagði Björn áður en hann hóf að flytja mál sitt, þar sem frávísunarkröfu ákærðu er mótmælt.

FME óskaði eftir gögnum varðandi útboð Eimskips

Fjármálaeftirlitið óskaði í vikunni eftir gögnum varðandi hlutafjárútboð Eimskips. Á vef Viðskiptablaðsins kemur fram að starfsmenn Fjármálaeftirlitsins fengu meðal annars afrit af smáskilaboðum og öðrum samskiptum nokkurra starfsmanna Íslandsbanka og Straums fjárfestingarbanka við utanaðkomandi aðila í tenglsum við fjárútboð Eimskips.

Vanhæfur í Glitnismáli

Héraðsdómarinn Þórður S. Gunnarsson lýsti sig í gær vanhæfan til að dæma í 6,5 milljarða skaðabótamáli slitastjórnar Glitnis gegn Jóni Ásgeiri Jóhannessyni, Lárusi Welding, fyrrverandi bankastjóra, og allri stjórn bankans sem sat í desember 2007.

Samruna Watson og Actavis formlega lokið

Lyfjafyrirtækið Watson hefur tilkynnt að kaupunum á Actavis sé lokið. Hið nýja félag verður þriðja stærsta samheitalyfjafyrirtæki heimsins með tekjur upp á um 6 milljarða dollara eða rúmlega 760 milljarða króna.

Sjá næstu 50 fréttir

Mest lesið