Heildarútlán ÍLS lækkuðu um 24% milli mánaða

Heildarútlán Íbúðalánasjóðs (ÍLS) námu rúmum 1,6 milljarði króna í febrúar . Þar af voru tæplega 1,4 milljarðar króna vegna almennra lána og um 250 milljónir vegna annarra lána. Heildarútlán sjóðsins lækkuðu því um 24% á milli mánaða. Meðalútlán almennra lána voru um 9 milljónir króna í febrúar sem er tæplega 22% hækkun frá fyrra mánuði.

S&P ætlar að bíða til aprílloka með nýtt lánshæfismat

Matsfyrirtækið Standard & Poors (S&P) segir að ákvörðun um stöðu lánshæfismats Íslands á gátlista verður tekin fyrir lok apríl 2010. Á næstu vikum mun S&P fylgjast með viðræðum, annars vegar við Alþjóðagjaldeyrissjóðinn og norrænar ríkisstjórnir, og hins vegar við bresk og hollensk stjórnvöld.

Eignir Kaupþings jukust um 214 milljarða í fyrra

Virði eignasafns Kaupþings banka sem skilanefnd heldur utan um fyrir kröfuhafa bankans jókst um 214 milljarða á árinu 2009 samkvæmt nýbirtum fjárhagsupplýsingum bankans.

Lánabók Kaupþings orðin 451 milljarða virði

Lánabók Kaupþings var orðin 451 milljarðar kr. að raunvirði (fair value) um síðustu áramót. Þetta kemur fram í skýrslu skilanefndar Kaupþings til kröfuhafa bankans sem birt er reglulega á vefsíðu nefndarinnar.

S&P segir Íslendinga hafa hafnað ósanngjörnum lánaskilmálum

Lánshæfismatsfyrirtækið Standard & Poor's telur að niðurstaða þjóðaratkvæðagreiðslunnar þýði ekki að alþjóðlegum skuldbindingum Íslands sé algjörlega hafnað heldur endurspegli hún gríðarlega almenna óánægju með skilmála tvíhliða lánsins sem Bretar og Hollendingar buðu til að

Sölu Lyfja og heilsu til Wernersbræðra líklega rift

Flest bendir til að skiptastjóri Milestone muni rifta sölunni á Lyf og heilsu til félags í eigu Wernersbræðra. Ekkert fé kom inn í Milestone vegna sölunnar.

GAMMA: GBI hækkaði um 0,2%

Skuldabréfavísitalan GAMMA: GBI hækkaði um 0,2% í dag í 7,9 milljarða viðskiptum. GAMMAi: Verðtryggt hækkaði um 0,2% í 0,3 milljarða viðskiptum og GAMMAxi: Óverðtryggt hækkaði um 0,3% í 7,6 milljarða viðskiptum.

S&P: Atkvæðagreiðslan hefur engin áfhrif á lánshæfismatið

Matsfyrirtækið Standard & Poor's birti í dag tilkynningu þar sem segir að höfnun íslenskra kjósenda á Icesave-lögunum hafi engin tafarlaus áhrif á lánshæfismat Ríkissjóðs Íslands. Lánshæfiseinkunnir fyrir Ríkissjóð Íslands, „BBB‐/A-3" í erlendri mynt og „BBB+/A-2" í innlendri mynt, verða því áfram á athugunarlista með neikvæðum horfum.

Kaup Færeyjabanka á nýjum útibúum samþykkt

Fjármálaeftirlit Danmerkur hefur samþykkt kaup Færeyjabanka á 12 útibúum Sparbank. Þetta kemur fram í tilkynningu til Kauphallarinnar.

Már vill frekar afnema gjaldeyrishöft en lækka vexti

Már Guðmundsson seðlabankastjóri segir að hann vilji frekar afnema gjaldeyrishöftin en lækka stýrivexti bankans þegar efnahagur landsins batnar. Þetta kemur fram í ítarlegu viðtali við Má á Reuters um stöðuna á Íslandi í kjölfar þjóðaratkvæðagreiðslunnar. Már situr nú fund hjá BIS bankanum í Basel Þar sem hann vann áður.

Magnús Bjarnason ráðinn til Landsvirkjunar

Magnús Bjarnason hefur verið ráðinn framkvæmdastjóri markaðs- og viðskiptaþróunar Landsvirkjunar. Um er að ræða nýtt svið hjá Landsvirkjun en hlutverk sviðsins verður að leggja aukna áherslu á markaðsmál hjá fyrirtækinu og hámarka framtíðartekjur þess.

Skuldatryggingaálag Íslands hækkar að nýju

Skuldatryggingaálag Íslands fer nú hækkandi að nýju eftir þjóðaratkvæðagreiðsluna um Icesave. Ísland er jafnframt eina landið þar sem álagið hækkar í dag samkvæmt fréttabréfi CMA gagnaveitunnar.

Greining: Kaupmáttur launa lækkar áfram til ársloka

Greining Íslandsbanka telur að raunlaun muni halda áfram að lækka fram eftir þessu ári. Verðbólga er enn nokkur, og mun hún fyrst hjaðna fyrir alvöru þegar kemur fram á vorið.

Danske Bank: Markaðurinn mun bjarga Íslandi

Per Magnussen höfuðgreinandi (senioranalytiker) Danske Bank segir að öll líkindi séu til þess að Íslendingar fái lán á alþjóðamarkaði þrátt fyrir að hafa hafnað Icesavesamningnum með yfir 90% meirihluta.

Fíton fékk fimm Lúðra

Auglýsingastofan Fíton fékk fimm Lúðra í gær þegar Íslensku auglýsingaverðlaunin voru afhent í 24. sinn. 347 verk voru send inn í keppnina að þessu sinni en verðlaunin eru veitt í 14. flokkum auk þess sem almenningi gafst kostur á að velja bestu herferð ársins í vefkosningu.

Darling: Höfum reynt að vera sanngjarnir við Íslendinga

Alistair Darling fjármálaráðherra Breta segir að bresk stjórnvöld hafi reynt að vera sanngjörn í garð Íslendinga í Icesavedeilunni. Þetta kom fram í viðtali við ráðherrann í þættinum Politics Show á BBC eftir að niðurstöður lágu fyrir í þjóðaratkvæðagreiðslunni í gærdag.

Hallarekstur hins opinbera þrefaldaðist í árslok 2009

Hið opinbera rekið með 43,5 milljarða króna tekjuhalla á fjórða ársfjórðungi í fyrra samanborið við 14 milljarða króna tekjuhalla á sama tíma 2008 (án 192 milljarða skuldaryfirtöku ríkissjóðs). Þetta kemur fram í Hagtíðindum í efnisflokknum þjóðhagsreikningar um fjármál hins opinbera á 4. ársfjórðungi 2009.

Hreinar eignir hins opinbera eru 615 milljarðar í mínus

Hrein peningaleg eign hins opinbera, þ.e. peningaleg eign umfram skuldir, var neikvæð um 615 milljarða króna í árslok 2009, eða sem svarar 41% af landsframleiðslu.

Laun hækkuðu um 1,6% frá fyrri ársfjórðungi

Samkvæmt vísitölu launa voru regluleg laun að meðaltali 1,6% hærri á fjórða ársfjórðungi 2009 en í ársfjórðungnum á undan. Á sama tímabili hækkuðu laun á almennum vinnumarkaði um 1,9% að meðaltali en laun opinberra starfsmanna hækkuðu um 0,8%.

Reuters: Þrír möguleikar í Icesavedeilunni

Reuters birtir í dag ítarlega greiningu á þeim möguleikum sem eru til staðar í Icesavedeilunni. Nefnir Reuters þrjá möguleika, nýr samningur á næstu dögum eða vikum, nýr samningur eftir nokkurra mánaða töf og enginn samningur. Reuters segir að síðastnefndi möguleikinn væri sá langversti í stöðunni, einkum fyrir Íslendinga.

Ögurstund í uppsiglingu fyrir Björgólf Thor Björgólfsson

Fari svo að Actavis nái því að kaupa þýska samheitalyfjafyrirtækið Ratiopharm með aðstoð Deutsche Bank er runnin upp ögurstund fyrir Björgólf Thor Björgólfsson.

Stærstu eigendur Byrs „misnotuðu aðstöðu sína“

Formaður stofnfjáreigenda hjá Byr segir að risalán án veða til stærstu eigenda Byrs, sýni að stofnfjáraukningin frá árinu 2007 hafi verið blekking og að stærstu eigendurnir hafi misnotað aðstöðu sína. Byr þarf líklega að afskrifa þrettán milljarða vegna lána til eiganda og tengdra aðila.

Finnar ætla ekki að lána Íslandi fyrr en Icesave klárast

Talsmaður finnska fjármálaráðuneytisins, Ilkka Kajaste, sagði í viðtali við Finnska ríkissjónvarpið YLE í dag að Finnar myndu ekki lána Íslendingum pening fyrr en samkomulag um Icesave lægi fyrir. Finnar er ein af Norðurlandaþjóðunum sem ætlar að lána Íslandi 1,8 milljarð evra svo endurreisn efnahagslífsins geti hafist í samvinnu við Alþjóðagjaldeyrissjóðinn.

Erlendar tekjur sjávarútvegs 212 milljarðar í fyrra

Hlutfall sjávarafurða í vöruútflutningi landsmanna nam 42,42% á síðasta ári. Vöruútflutningurinn í heild nam rétt tæpum 500 milljörðum kr. og er hlutur útgerðar og fiskvinnslu því um 212 milljarðar kr.

FME sektar Opin kerfi Group um 3 milljónir

Stjórn Fjármálaeftirlitsins (FME) hefur ákveðið að ákvörðun um að sekta Opin kerfi Group hf. (nú OKG ehf.) um 3 milljónir kr. vegna brots á lögum um verðbréfaviðskipti.

Deutsche Bank telur sameiningu borga sig

Gangi kaup Actavis á þýska samheitalyfjafyrirtækinu Ratiopharm munu stjórnendur Deutsche Bank í Þýskalandi anda léttar enda dragi það úr áhættunni sem liggur í lánabók bankans. Þetta segir fréttastofa Reuters.

VBS réð ekki við lága vexti ríkisláns

VBS fjárfestingarbanki átti aðeins að borga í kringum hálfan milljarð króna í vaxtagreiðslu af 26,4 milljarða króna láni frá ríkinu vegna endurhverfra viðskipta hans við Seðlabankann. Hann réð ekki við greiðsluna í desember og varð úr að FME tók yfir stjórn bankans til bráðabirgða í vikunni.

Bankarnir ógna samkeppni

Nýtt frumvarp viðskiptaráðherra um lög um fjármálafyrirtæki setur bönkum ekki nægilega skýr skilyrði varðandi eignarhald fyrirtækja, að mati Félags atvinnurekenda. Félagið telur að fari frumvarpið óbreytt í gegnum þingið sé hætta á að bankarnir ógni samkeppni því frumvarpið seti bönkum ekki nægilega skýr skilyrði varðandi eignarhald fyrirtækja.

BYR tapar milljörðum á lánum til stærstu eigenda

Tap BYRs-sparisjóðs vegna afskrifta á lánum til stærstu eigenda sinna nemur að minnsta kosti 13 milljörðum króna og er í fæstum tilvikum um persónulegar ábyrgðir að ræða. Þetta kom fram í kvöldfréttum RÚV í kvöld en fréttastofan hefur upplýsingar úr lánabók sparisjóðsins undir höndum.

Segir þögn frumvarps festa völd banka í sessi

Framkvæmdastjóri Félags atvinnurekanda gagnrýnir nýtt frumvarp viðskiptaráðherra um breytingar á lögum um fjármálafyrirtæki. Hann segir að þögn frumvarpsins um eignarhald banka á atvinnufyrirtækjum festi í sessi óeðlileg völd bankanna í atvinnulífinu

Losaði bréf í FL Group úr bókunum í miðju hruni

Glitni tókst að fegra stöðu sína tveim dögum eftir þjóðnýtingu bankans og fimm dögum fyrir bankahrun, með því að losa hlutabréf í FL Group upp á 14 milljarða króna til félagsins Styrks Invests gegn láni með veði í bréfunum sjálfum.

Hlutabréf Marels ein á uppleið

Gengi hlutabréfa í Marel hækkaði um 0,29 prósent í Kauphöllinni í dag. Þetta var eina hækkun dagsins. Á móti lækkaði gengi hlutabréfa færeyska flugfélagsins Atlantic Airways um 0,75 prósent og stoðtækjafyrirtækisins Össurar um0,30 prósent.

Verðtryggð skuldabréf lækka töluvert

Skuldabréfavísitalan GAMMA: GBI lækkaði um 0,3% í dag í 14,7 milljarða kr. viðskiptum. GAMMAi: Verðtryggt lækkaði um 0,4% í 3,3 milljarða kr. viðskiptum og GAMMAxi: Óverðtryggt lækkaði lítillega í 11,4 milljarða kr. viðskiptum.

Commerzbank: Minni snjór en vorið ekki komið á Íslandi

Myndarlegur vöxtur á landsframleiðslu Íslands milli 3. og 4. ársfjórðungs á síðasta ári hefur vakið athygli erlendis. Antja Praefcke greinandi hjá Commerzbank í Þýskalandi segir að þótt tölurnar séu huggulegar sé vorið ekki alveg handan við hornið í íslensku efnahagslífi.

Sakaði Fasteignaskrá Íslands um gerviverktöku

Í nýrri skýrslu gagnrýnir Ríkisendurskoðun það fyrirkomulag sem verið hefur á verktaktagreiðslum hjá Fasteignaskrá Íslands. Segir í skýrslunni að um svokallað gerviverktöku hafi verið að ræða hjá Fasteignaskrá en nú sé búið að kippa málinu í liðinn.

Gistinætur á hótelum á svipuðu róli og í fyrra

Gistinætur á hótelum í janúar síðastliðnum voru aðeins færri en í sama mánuði 2009, eða sem nemur 0,3%. Alls voru gistinætur ríflega 54,6 þúsund nú í janúar en höfðu verið tæp 54,8 þúsund á sama tíma 2009.

Hagstætt verð á áli hefur áhrif á vöruskiptin

Aukning útflutnings í febrúar, þ.e. án skipa og flugvéla, frá sama tíma í fyrra skýrist einkum af auknum tekjum af útfluttum iðnaðarvörur og nam útflutningsverðmæti þeirra ríflega 26,1 milljörðum kr. í mánuðinum. Þetta er aukning upp á 77,2% á föstu gengi m.v. sama tíma í fyrra og má þakka það 60-70% verðhækkun á áli á tímabilinu.

FME gerir samning við Bresku Jómfrúreyjar um upplýsingar

Fjármálaeftirlitið (FME) hefur gengið frá upplýsingaskiptasamningum við Fjármálaeftirlitið á Bresku Jómfrúareyjum (The British Virgin Islands Financial Services Commission) og Verðbréfaeftirlit Alberta (Alberta Securities Commission) í Kanada.

TM snéri miklu tapi í hagnað á síðasta ári

Hagnaður Tryggingamiðstöðvarinnar (TM) af reglulegri starfsemi á árinu 2009 var 237 milljónir kr. samanborið við 5.529 milljóna kr. tap 2008.

ÍLS kaupir tvö íbúðalánasöfn fyrir 16 milljarða

Stjórn Íbúðalánasjóðs (ÍLS) samþykkti á fundi sínum 4. mars 2010, kaup ÍLS á íbúðalánasafni Dróma hf. (áður SPRON) og Frjálsa fjárfestingarbankans hf. samkvæmt heimildum í lögum, að fjárhæð 16 milljarðar króna.

Þurfum að viðhalda þessari þróun með fjáfestingum

Vilhjálmur Egilsson framkvæmdastjóri Samtaka atvinnulífsins segir að það séu vissulega gleðifréttir að landsframleiðslan hafi vaxið um 3,3% á fjórða ársfjórðungi síðasta árs. „Nú er nauðsynlegt að viðhalda þessari þróun með fjárfestingum í minni og meðalstórum atvinnufyrirtækjum og stóriðjuframkvæmdum," segir Vilhjálmur.

Landsframleiðan óx um 3,3% í lok síðasta árs

Landsframleiðsla er talin hafa vaxið um 3,3% að raungildi frá 3. til 4. ársfjórðungs 2009. Á sama tíma jukust þjóðarútgjöld um 2,7% þar sem einkaneysla jókst um 1,4 % og fjárfesting um 16,6%.

Vöruskiptin í febrúar hagstæð um 13,9 milljarða

Samkvæmt bráðabirgðatölum fyrir febrúar 2010 var útflutningur 44,3 milljarðar króna og innflutningur 30,4 milljarðar króna.

Gott uppgjör hjá Royal Unibrew

Royal Unibrew næststærstu bruggverksmiðjur Danmerkur skiluðu góðu uppgjöri eftir árið í fyrra. Hagnaður upp á 77 milljónir danskra kr., eða um 1,8 milljarð kr. Til samanburðar má nefna að Royal Unibrew skilaði tapi upp á 453 milljónir danskra kr. árið 2008, hið stærsta í sögu verksmiðjanna.

Ísland er áfram í biðstöðu hjá AGS

Caroline Atkinson forstjóri samskiptasviðs Alþjóðagjaldeyrissjóðsins (AGS) segir að staða Íslands sé óbreytt hjá sjóðnum. Þannig að AGS mun bíða eftir niðurstöðu í Icesavesamningunum áður en næsta endurskoðun sjóðsins á áætlun hans fyrir Íslands fer fram.